HOSEA 12:7 - AMÜSÜH HÜM CL Bible (BSI)

⁷ Yinzüyindorü khah ching müdükkhi adünarabe shuhlah; apinü junopü muzhochoh.

HOSEA 12:7 Iomraidhean Croise

THRÜNTAN 49:18

Inü nü akhümkhit aleanglah, O Atungpuh . @SPACE=

MÜCHITMUDU 11:1

Mulungkide akearakhi ju Atungpuh kilim athraneanbe lah, tüshe thiyuronü adünkhi ju api asühpü lah.

MÜCHITMUDU 16:11

Thiyuro adünara tüsho akeara Atungpuh yo; qiuqiu ching adünkhibo alala api rhimo lah.

ISAIA 3:5

Mihtsürübo mihbüm abande püpürünü tüsho mihbüm abande yamhingrünü junobah; athunurünü azothsürü ki, tüsho akheamkhirünü wüntre larü ki mükhemükimbah.

ISAIA 56:1

Atungpuhnü ha thachoh: Thiyuro zoang, tüsho alungki rhimoang, tümüde I akhümkhit nahde arübah, tüsho inü thiyurolungki akhiuka huhbah.

EZEKIEL 16:3

tüsho thaang, Ha Wuto Atungpuhnü Jirusalem ki thachoh: Nü lamih tüsho nü zübekhi ju Kananrü lomi ching lakheah; nü buh ju Amorrü tüsho nü be ju Hitrü lakheah.

EZEKIEL 22:29

Lomi mihtsürünü jangkhijangra tüsho khukshik rhimodo; arünü zhochihrü tüsho müthsümülarü juno, tüsho alim mahoride khiungkerü ki jangkhijangrado.

EZEKIEL 28:5

Nü shothsümolo ching lümlung ato hode nü lakhit alü thsüdo tüsho nü lakhit ching nü mulong kükheangde kamdo.

HOSEA 14:2

Amushukhi lubahle Atungpuh kilim rholode yüang; api ki thaang, “Amülim alala lude tsoang; atsü küpüanü leangkhiang tüsho isanü alokhikhi nangde isanü nü shianü.

JOEL 2:12

Kheaküshe, Atungpuhnü thachoh, khümkeak thsüde, tripde tüsho tüzhode, nüsa mulong alalanü I kilim rholoang.

AMOS 2:7

arünü zhochihrü ku asungthulung ching juyuk, tüsho juyuka larü limro chingnü nimkhita bah; abuh tüsho tsührünü rukhüh aliberü ahorichoh, junangde I mung amüsüh müneanjih;

AMOS 3:9

Ashdod tüsho Ijip chipibo ching zhiyukang, “ Nüsabo Samaria wungbo kheak mukhungang, tüsho ju ching tümü neamneamruru la, tüsho tümü ajunokhi lanü kheahang.”

AMOS 4:1

Ha yu aniang, nüsa Samaria müzüng kheak lakhi Bashan moshi dretobo, sherünü zhochihrü junocho, sherünü müthsümülarü zünakcho, sherünü niubuhrü ki thacho, “Tümükhüh ayungpü lubah arang!”

AMOS 5:11

Jumonü nüsanü zhochihrü kheak thrüm tüsho arü kheaknü hi jangkhia lu, nüsanü lung phukkhinü thüyambo thsü, tüshe nüsa jurü ching müla; nüsanü kurungaso atsü yangdo tüshe nüsanü jurü yukhu muyung.

MIKA 2:1

Sherünü arü yapkiu kheaknü mihbukmuyuk tüsho amütsü rhimo lümkhi thsüchonü ayokhe! Küyimki yinkhibanü, arünü ju asahchoh, tümütüsho ju arü wu ching lah.

MIKA 7:2

Athülünkhi alomi chingnü kheamabahdo tüsho alungki larü sheshe müla; arü alalanü thiyih bukpü aleangde binchoh, tüsho arünü keang lubah jimachihchoh.

ZEKARIA 14:21

tüsho Jirusalem le Juda ching dükihthüra phüh aban Wuto Atungpuh kilim amüsüh labah, junangde laksah-a kingaünrü alalanü arübah kingaünpü lubah. Tüsho ju nimung kheaküa Wuto Atungpuh yam ching yinzüyindorü mülade akambah.

ZEKARIA 5:8

Tüsho apinü tha, “Ha mihbukmuyukkhi mütsan ah.” Jumonü apinü alibe ju muluk ching nimyuklo, tüsho athrandobenü hüpdo.

ZEKARIA 7:9

Wuto Atungpuh ha thachoh: Thiyuro mahkhap rhimoang, khülangnü khülang ki amuzho tüsho mihmüthsüm huhang;

MALAKI 3:5

Judüki mahkhappü thsungkheak I nüsa ki thüninde arübah; inü wurükhuhrü azhihde, müzammüramrü, akeangyu thiyuchihchimrü, mülomüthsürü mihkhah, khimoberü tüsho mürerü junorü, khiungkerü nimmuwuh-a bahrü tüsho I mütrerü azhihde thiyumütsan jihpü atukathribah, Wuto Atungpuhnü thachoh.

JOHAN 2:16

Tüsho apinü müthrithrümpü yinrübo ki tha, “Harü lubah tsoang! I Buh yam ju yinzüyindo yam dükamshih!”

JAKOB 5:4

Kheahang, nüsanü nüsa lubo ching rhimorübo ki mihkhah dün müjihrünü nüsa azhihde zhichoh; tüsho yimlurübonü azhikhi Wuto Atungpuh nükhünbo khiungdo.

1 SAMUEL 12:3

I ha ching lah; Atungpuh tüsho mujude-mokhitbuh miki I azhihde thiyumütsan jihang. Inü shepü lude? Yungsho shepü donki inü lude? Yungsho inü shepü kheak mulomülap de? Shepü kheak junokhi rhimode? Yungsho I mük tukpü thsüde shepü khah chingnü inü buknim lude? I azhihde thiyumütsan jihang tüsho ju inü nüsa kilim shaklobah.”