HOSEA 12:2 - AMÜSÜH HÜM CL Bible (BSI)

² Atungpuhnü Juda azhihde mahkhapyu lah, tüsho api limrobo yande Jakob thsümüchibah, tüsho api rhimobo yande api kilim jihlobah.

HOSEA 12:2 Iomraidhean Croise

2 KIULONG THSÜRÜ 17:4

Tüshe Asiria kiulongthsüpuhnü Hoshea kheak thiyuro mülakhi ngü; tümüde apinü Ijip kiulongthsüpuh kilim yunithsürü yüshih, tüsho apinü kam aban Asiria kiulongthsüpuh kilim jihde alakhi müjihdebah; jumonü Asiria kiulongthsüpuhnü api rambah rihyam ching zo.

JOB HU H T ANYU 15:2

Lümlung larü mihtsürü khülangnü akeangkeang mükheahmudunü aloba de, tüsho aniakhiuklim pungnü api mishihba de?

MUNGSHIKHÜN 78:36

Tütüshe arünü arü münnü api ki thsüpkhilukhi; tüsho arü mulonü akeangyu tha;

T H S AN GYU T H S AN GR ARÜ 5:15

Berü nuyam chingnü mihtsürübo arüdo, junangde arü arükhi nangde bünkeang tsolobah; arünü arhimokhi arü khah chingnü tümü she lubah mutso.

ISAIA 10:12

Küyimki Atungpuhnü Zion Müzüng tüsho Jirusalem kheak arhimo alala banbanü, apinü Asiria kiulongthsüpuh bukakhiukde kükheangkhi dünkheak thsümüchibah.

ISAIA 10:6

Thrünpuh mümükheahkhi trükshih azhihde inü api yüshih tüsho I bukakhiukkhi mihtsürü azhihde inü api ki thiyukhüm jih, kukruk yankhia lupü tüsho ahühpü, tüsho kiudunglimro akhimniuhniuh nangde arü kheak jungpü lah.

ISAIA 24:21

Ju nimung Atungpuhnü yinmi ching aputungrübo tüsho alomi kiulongthsürübo thsümüchibah.

ISAIA 3:11

Amülimrü ayokhe! Küdükhüh she arü kuhi amütsü la, tümüde arü khahnü tümü rhimodünü arü kheak rhimobah.

ISAIA 30:6

Negeb shiwühbo dünkheak thiyusheak. Küpkhuk tüsho lümthsünü lomi hode, kekhüzü dre tüsho arungkhi kekhüzü, phuruto tüsho aphinkhi phuruto, arünü arü lakhitbo donkibo kheak hanchoh, tüsho arü rahpungbo kemelbo ngam kheaknü hanbah arü kilim alü müthsüjihrü mihtsürü kilim yüchoh.

ISAIA 59:18

Arü rhimobo yande apinü ju ruk jihlobah; api azhihrübo kilim bukakhiukbah, api riribo kilim athrihlobah; keyean lomibo ching apinü athrihlobah.

JEREMIA 25:31

Achangnü azhikhi düsheak alomi akheam ching alankihbah, tümüde Atungpuhnü trükshihbo azhihde amüneahkhibo handarübah; apinü mihtsürü alala kheak mahkhap handarübah tüsho mihbukmuyuk ju nukshang kheak yihkihbah, Atungpuhnü thachoh.

HOSEA 2:13

Inü Baal thünio nimungbo thsungkheak alibe thsümüchibah, küdüki alibenü arü kheak rhümthüneabe jihkhea tüsho yingkhüm le mürelungnü anihbe züt thsükhea, tüsho anihbe muzhorü dunglim yü, tüsho I mihkhea, Atungpuhnü thachoh.

HOSEA 4:1

Atungpuh yu soang, O Israel mihtsürü; tümüde Atungpuhnü lomi ching larü thürühpü lah. Lomi ching athülünkhi yungsho mihmuzho, tüsho Thrünpuh mükheahkhi müla.

HOSEA 4:9

Tüsho mihtsürübo nangde amükeamrübo she alabah; inü arü limrobo thsungkheak arü thsümüchibah, tüsho arü rhimobo dün jihlobah.

HOSEA 7:1

Küyimki inü Israel thsüngupü lümbanü, Ephraimnü athsümünimkhi, tüsho Samarianü mihbukmuyuk rhimokhi akhiuka huhchoh; tümüde arünü mülimde rhimochoh, ahührünü chakashungde yüzahchoh, tüsho khukshikrünü wungdo ahühchoh.

HOSEA 7:11

Ephraim a müthrithrümpü nangde kamdo, makhalah tüsho sulüm müla; arünü Ijip ki jichoh, arünü Asiria lim yüchoh.

HOSEA 7:2

Tüshe inü arü mihbukmuyuk alala lümkhitlah de arünü mülüm. Kheakü arü rhimobonü arü mükamdolah, arü I miki lah.

HOSEA 8:10

Arünü nihbuh zangrü trükshihbo lung mulolo she, inü arübo nahde bemukhungbah. Arünü nahde kiulongthsürübo tüsho yakzanshuhrü hahmülang khüp kolahbah.

HOSEA 8:13

Arünü I kilim laksah-a kingaünkhi jihchoh tüsho arünü shih tsühchoh, tüshe Atungpuhnü jurü müleangkhi. Kheakü apinü arü amülim-rhimo lümkhitbah tüsho arü thsümüchibah; arü Ijip lim yülobah.

HOSEA 8:9

Tümüde arünü mütüm donki alangzü tsahkhi nangde Asiria lim wutudo; Ephraimnü amuzhorü mulodo.

HOSEA 9:15

Arü amütsü alala Gilgal ching tankih; ju ching inü arü thraneande kam. Tümütüsho arü mihbukmuyuk rhimobo hode inü arübo I yam chingnü ayankhitbah. Inü kheaküa arü mümuzho; arü torübo alala azhihrü ah.

HOSEA 9:9

Arünü Gibea nimungbo ching nangde arü zangrü sükde thsümünimdo; apinü arü amülim-rhimobo lümkhitbah, apinü arü neakbo dün thsümüchibah.

AMOS 2:4

Atungpuhnü ha thachoh: Judanü alochode neak yihbeakkhi dünkheak, inü thsümüchi mululo; tümütüsho arünü Atungpuh yakzan bahyuk, tüsho api yukhüm muzo.

MIKA 6:2

Nüsa müzüngbo, tüsho nüsa akheam mülakhi alomi khimtanbo, Atungpuhnü müdamkhi soang; tümüde Atungpuhnü api mihtsürü kheak müdampü lah, tüsho apinü Israel kheak müneahbah.

MATHI 16:27

Tümütüsho Mihtsürü Tsührü ju Abuh müretahkhi ching api yunirübo lung arübah, tüsho apinü mihbüm aban nihbuh rhimobo ayannü thsambah jihbah.

ROMRÜ KILIM PAULNÜ ATHRÜTKHI KIHÜM HUHTANYU 2:6

Tümüde mihtsürü aban apinü arhimokhi yande Thrünpuhnü thsambah jihbah.

GALATIA 6:7

Nüsa küdah thsüde dümülapyuk; Thrünpuh keangrüpü mukuk, tümüde mihtsürünü tümüpürü hiuchonü apinü ju lang yimlubah.