HOSEA 12:13 - AMÜSÜH HÜM CL Bible (BSI)

¹³ Wukihrü hode Atungpuhnü Israel Ijip chingnü bede atu, tüsho wukihrünü api aheang.

HOSEA 12:13 Iomraidhean Croise

THRÜNTAN 28:2

Tsahmusubah Paddan-aram ching nü be abuh Bethuel yam ching yüang; tüsho ju ching nü kü Laban tsührübebo lung khülang nü niube luang.

THRÜNTAN 29:20

Jumonü Jakobnü Rachel dünkheak kam thüne tankih, tüshe apinü alibe muzhokhinü jurü nimung anükhüh nangde alakheah.

MUNGSHIKHÜN 77:20

Nünü nü mihtsürübo namfimihnu boto nangde Mosa tüsho Aron khah hode be.

ABEKHIT 13:3

Mosanü mihtsürübo ki tha: “Nüsa Ijip azhorü yamkhün chingnü awukhiukkhi ha nimung lümkhitang; tümüde Atungpuh khah sühmühnü ha dangpung chingnü nüsa bekhit. Phaüm yukkhi yikhap mütsüh.

ABEKHIT 14:19

Tüsho Israel bonungrü müngüh yükhi Thrünpuh yunirünü rholobah arü dunglim yü; tüsho amo dungto arü mikhuhnü yübah arü dunglim zhip.

HOSEA 11:1

Küyimki Israel azürü lakhea, inü api muzhokheah, tüsho I tsührü nangde Ijip chingnü jikhit.

HOSEA 2:15

Ju chingnü inü alibe ki anihbe kurungasolubo jihbah tüsho Akor Jindükhün ju mulonglam ripit khülang kamshihbah. Ju ching alibenü anihbe athunu kim ching nangde, anihbe Ijip lomi chingnü akhiukchoki kim nangde alabah.

MIKA 6:4

Tümüde inü nüsa Ijip lomi chingnü bekhit, tüsho azhorü yamkhün chingnü nüsa rhokhit; tüsho inü nüsa müngüh Mosa, Aron, tüsho Miriam yüshih.

WÜHKHE 12:8

Jumonü inü api kheak mironü miro khipkhitde asukachih, neamneamde yung; tüsho apinü Atungpuh pang she ngüdo. Jumonü tümüde nükenü I yamlarü Mosa azhihde athapü mütrekhea?”

YUZÜNGTHALO 26:5

Tüsho nünü Atungpuh nü Thrünpuh miki thabah: ‘Rümde atsahrü Aramrü ju I buh lakheah; tüsho api wühkhe nükde Ijip ching tsode yünü la; tüsho ju ching api trük ato, sühmüh lakhi tüsho wüh hihde kam.

1 SAMUEL 12:8

Küyimki Jakob ju Ijip ching yükhea tüsho Ijiprünü arü junokhea, judüki nüsa jipürünü Atungpuh ki zhi tüsho Atungpuhnü Mosa le Aron ane thiyia, nüsa jipürü Ijip chingnü bekhitbah arübo ha dangpung ching lashih.