HOSEA 12:11 - AMÜSÜH HÜM CL Bible (BSI)

¹¹ Gilead ching mülimkhi lah, arübo tsükjide akeangkeang kambah, Gilgal ching arünü moshipungbonü kingaün, jumonü arü kingaün sadambo ju thulu wochakkhi ching lungrhung nangde alabah.

HOSEA 12:11 Iomraidhean Croise

1 KIULONG THSÜRÜ 17:1

Kheakü Gilead ching, Tishbirü Elijanü Ahab ki tha, “Inü atankihbuh, Israel Thrünpuh, Atungpuh lale, I yu hode yungsho, arübe kam mahne yungsho mahsam ayinke yungsho tsüng marü.”

2 KIULONG THSÜRÜ 17:13

Tütüshe Atungpuhnü Israel tüsho Juda ki wukihrü aban tüsho angürü aban hode tha, “Inü nüsa jipürü kilim thiyukhüm jihkhi yakzan tüsho I yamlarü wukihrübo inü nüsa kilim thiyikhi yande nüsa amütsü limrobo chingnü rholoang tüsho I yukhümbo le I yakzanbo zoang.”

JEREMIA 10:15

Arübo müthülün, alakmihkhi rhimo lah; arü thsümüchichoki arübo dükheakbah.

JEREMIA 10:8

Arü chido keakeashahshah-a tüsho makhaa lah; mümokhi sangthsübo kheaknü arünü tümü anikhitpü?

JEREMIA 2:20

Ashang tsodo, nünü nü sangkaplak yihshak tüsho thiyuchihchim yihshakabah, tüsho nünü tha, “ Inü mütankih!” Awung achang abande tüsho sangdung phüyak aban khüp müzammüramrü nangde nünü yap.

JEREMIA 2:28

Tüsho nünü nü thsungkheak thsükhi thrünpuhbo küching la? Nü küpkhuk kim ching arünü nü khümkhitkhukpü lasho arü arüshang; O Juda, nü kiutobo lakhi nangde nü thrünpuhbo hihde lah.

EZEKIEL 17:2

Mihtsürü tsührü, Israel yamkhün ki lümshangmang khülang keoang tüsho shihdanglimyu khülang thaang.

HOSEA 10:1

Israel a aso hihkhi kurungaso nangde lah. Api aso hih yande, apinü kingaün sadam alü thsü; api lomi lakhit yande, api dungjingbo alü thsü.

HOSEA 10:2

Arü mulong amülim lah; kheakü arünü mülimkhi hanbeah. Atungpuhnü arü kingaün sadambo lukkheambah, tüsho arü dungjingbo thsümünimbah.

HOSEA 4:15

Nünü yüliyüra ahoriri she, O Israel, Juda amülim dükamshih. Gilgal ching düyüzah, yungsho Beth-aven ching duwutu, tüsho “Atungpuh lale,” de thiyuchihchim düthsü.

HOSEA 6:8

Gilead ju amütsü-rhimorü kiuto khülang, mihlaksahrünü milah.

HOSEA 8:11

Ephraimnü neak kingaün thsungkheak kingaün sadam ahihdo thsüthsü she, harübo api ki neak yihbeakpung kingaün sadambo kamdo.

HOSEA 9:15

Arü amütsü alala Gilgal ching tankih; ju ching inü arü thraneande kam. Tümütüsho arü mihbukmuyuk rhimobo hode inü arübo I yam chingnü ayankhitbah. Inü kheaküa arü mümuzho; arü torübo alala azhihrü ah.

AMOS 4:4

Bethel lim yüang tüsho neak yihbeakang; Gilgal lim yüang tüsho neak alü kamshang; yapsu aban nüsanü laksah-a kingaünkhibo lubah arang, nimung asampü aban ching thürü shihcham lubah arang;

AMOS 5:5

tüshe Bethel düyim, tüsho Gilgal ching düyüzah yungsho Beersheba hode düyü; tümüde tsükjide Gilgal ramtso ching yübah, tüsho Bethel tümü mülade akambah.

JONA 2:8

Sherünü akeangkeang sangthsübo kingaünchonü nü ki arü thiyuro bahyukdo.

WÜHKHE 12:6

Tüsho Atungpuhnü tha, “Kheakü I yu aniang! Küyimki nüsa bolung wukihrü labanü, inü arü michih ching I akhiuka huhchoh tüsho inü arü kheak milim ching asukachihchoh.