HOSEA 12:10 - AMÜSÜH HÜM CL Bible (BSI)

¹⁰ Inü wukihrübo ki asuk; inü michihbo hihde kamshih, tüsho wukihrübo hode inü athsümünim hande arübah.

HOSEA 12:10 Iomraidhean Croise

1 KIULONG THSÜRÜ 13:1

Jeroboamnü rhümthüneabe jihpü kingaün sadam ki zhipchoki, Thrünpuh mihtsürü khülang Atungpuh yu hode Juda chingnü Bethel lim akhiuk

1 KIULONG THSÜRÜ 17:1

Kheakü Gilead ching, Tishbirü Elijanü Ahab ki tha, “Inü atankihbuh, Israel Thrünpuh, Atungpuh lale, I yu hode yungsho, arübe kam mahne yungsho mahsam ayinke yungsho tsüng marü.”

1 KIULONG THSÜRÜ 19:10

Apinü alo, “Wuto Thrünpuh, Atungpuh thsungkheak I khide künsahde alakheah; tümüde Israelrünü nünü tangzüngkhi bahyukbah nü kingaün sadam lukkheamdo, tüsho nü yo wukihrübo nukshangnü laksahkhamdo. I lang aninga lah, tüsho arünü I laksahpü yimchoh.”

2 KIULONG THSÜRÜ 17:13

Tütüshe Atungpuhnü Israel tüsho Juda ki wukihrü aban tüsho angürü aban hode tha, “Inü nüsa jipürü kilim thiyukhüm jihkhi yakzan tüsho I yamlarü wukihrübo inü nüsa kilim thiyikhi yande nüsa amütsü limrobo chingnü rholoang tüsho I yukhümbo le I yakzanbo zoang.”

NEHEMIA 9:30

Kam ashang nünü arü ki arümkheam, tüsho nü memüsühnü wukihrübo hode thashih; tüshe arü nükhünnü mani, jumonü nünü arübo püpürü lomi khah ching jihabah.

ABEKHIT 20:2

“I nüsa Ijip lomi, azhorü yamkhün chingnü abekhitbuh Atungpuh nüsa Thrünpuh ah.

JEREMIA 19:1

Atungpuhnü tha: Yüang tüsho phühdamrü yo alopung khülang thuloang. Nü lung azothsürü mihtsürü tüsho azorü amükeamrü khürü beang,

JEREMIA 19:10

Judüki nünü nü lung yürü mikinü phüh yihrüpbah,

JEREMIA 25:4

Tüsho Atungpuhnü api yamlarü wukihrübo alala alochode nüsa kilim arüshihshih she, nüsanü mani yungsho nüsa nükhün mumupho,

JEREMIA 7:25

Nüsa jipürü Ijip lomi chingnü bekhit nimungnü khihni khiungde, inü I yamlarübo wukihrü alala, nimung abande, alochode arü kilim yüshih;

EZEKIEL 17:2

Mihtsürü tsührü, Israel yamkhün ki lümshangmang khülang keoang tüsho shihdanglimyu khülang thaang.

EZEKIEL 20:49

Judüki inü tha, “Ah, Wuto Atungpuh ! Arünü I dünkheak thachoh, ‘ Apinü shihdanglimyu thachoh yung de?’ ”

HOSEA 13:4

Tütüshe Ijip lomi chingnü I Atungpuh nü Thrünpuh thsüde arüchoh; nünü tümü Thrünpuh mümükheah tüshe I ah, tüsho I hobah akhümkhitrü she müla.

HOSEA 3:1

Atungpuhnü I ki thalo, “ Yüang, Israel mihtsürünü püpü thrünpuhbo tüsho akungkhi yikhap kilim rhololo she Atungpuhnü arü muzhokhi nangde amuzhorü larü tüsho müzammüram liberü nü yamkhünbe ki muzholoang.”

JOEL 2:28

Ju dunglim inü alala kheak I me dungkihbah; nüsa tsührübo tüsho nüsa tsührübebonü müchitbah, azobuhrübonü milimbo mibah, tüsho athrününgtsüngbonü michihbo ngübah.

LEVI 23:42

Israel mihtsürü alalanü nimung thüne khimyam ching labah,

AMOS 7:14

Judüki Amosnü Amazia ki alo, “ I wukihrü yung, yungsho wukihrü tsührü khülang yung; tüshe I a namfimihnu neakrü khülang, tüsho khubasodungbo kümrü ah,

WÜHKHE 12:6

Tüsho Atungpuhnü tha, “Kheakü I yu aniang! Küyimki nüsa bolung wukihrü labanü, inü arü michih ching I akhiuka huhchoh tüsho inü arü kheak milim ching asukachihchoh.

YUNIRÜBO RHIMO 2:17

‘Tüsho akheam nimungbo ching ha labah, Thrünpuhnü khipkhitchoh, junangde inü mihtsürü alala kheak I me dungkihjihbah, tüsho nüsa tsührübo le tsührübebonü müchitbah, nüsa tsührü athunurübonü michihbo ngübah, tüsho ashinbuhrübonü milimbo mibah;

2 KORINT 12:1

Alü thsüpü tümü mülalashe inü akükheangpü lah; tüshe inü Atungpuh michihbo tüsho amikheak akhiukkhibo thaanü.

2 KORINT 12:7

Amikheak akhiukkhi hihde angükhi hode I changde mülümshihpü, Arimri yunithsürü khülang, I thsümüchishihpü I pang ching ayang khülang jih.