HOSEA 11:3 - AMÜSÜH HÜM CL Bible (BSI)

³ Tütüshe Ephraim thsangyua tsahshihkhi ju I ah, inü arübo I bin kheak shuhkih-a lu; tüshe inü arü thsüngudo de arünü mümükheah.

HOSEA 11:3 Iomraidhean Croise

MUNGSHIKHÜN 107:20

Apinü api yu yüshih tüsho arü thsüngu, tüsho arü thsümünimpübo chingnü arübo bekhit.

ABEKHIT 15:26

tüsho tha, “Nüsanü Atungpuh nüsa Thrünpuh yu anide api miki alungki rhimode api yukhümbo anide tüsho api yakzan alala zosho, inü Ijiprü kheak hande arükhi tukthsübo tümü she nüsa kheak müyükihshih. Tümüde I nüsa thsüngurü Atungpuh ah.”

ABEKHIT 19:4

Inü Ijiprü kheak rhimokhi, tüsho müleang ghidükeangbo kheak nüsa I kilim hanbah arükhi nüsanü ngüdo.

ABEKHIT 23:25

Junangde nüsanü Atungpuh nüsa Thrünpuh tankihbah, tüsho apinü nüsa yikhap tüsho ke müngühjihbah. Tüsho inü nüsa bolungnü tukthsüdukram lude atsobah.

ISAIA 1:2

Aniang, O yinmibo, tüsho aniang O alomi; tümüde Atungpuhnü asukdo: Inü tsührübo mütrükhit tüsho arübo zübemusu, tüshe arünü I azhihdo.

ISAIA 30:26

Kheaküshe Atungpuhnü api mihtsürü yurikhi rümjihkhi tüsho apinü ashikkhi mübo thsünguchoki nimung khinu ayin ju ani ayin nangde alabah, tüsho ani ayin ju thüne ki ayinatrüm, nimung thüne ayin nangde alabah.

ISAIA 46:3

I ki aniang, O Jakob yamkhün, Israel yamkhün aningkhi alala, shepü zübechokinü inü akümkhea, nuyam chingnü abuhkhea;

ISAIA 63:9

Arü lümthsünü alala ching api she lümthsünüde kam, yunirü khülangnü yung tüshe Atungpuhnü arü khümkhit; api muzho ching tüsho api khah-ching müyüzahkhinü arü bemusu tüsho awün nimungbo alala ching buh.

JEREMIA 30:17

Tümüde inü nü shihphü tsüloshihbah, tüsho nü mübo inü athsüngubah, Atungpuhnü thachoh, tümütüsho arünü nüsa ki ayankhitkhi de jido: “Ha Zion; shenü anihbe thsungkheak mükümchoh!”

JEREMIA 8:22

Gilead ching moli müla de? Ju ching thümürü müla de? Dale tümüde amuzhobe I mihtsürü shihphü müthsüngukhea?

HOSEA 14:4

“ Inü arü akin-mülakhi thsüngubah; inü akeangnü arü muzhobah, tümüde I bukakhiukkhi arü kheaknü tsodo.

HOSEA 2:8

Inü anihbe ki hi, yukhu tüsho müdangke tüsho anihbenü Baal kingaünkhi ching ahorikhi suna jihkheah de alibenü mümükheah.

HOSEA 7:1

Küyimki inü Israel thsüngupü lümbanü, Ephraimnü athsümünimkhi, tüsho Samarianü mihbukmuyuk rhimokhi akhiuka huhchoh; tümüde arünü mülimde rhimochoh, ahührünü chakashungde yüzahchoh, tüsho khukshikrünü wungdo ahühchoh.

HOSEA 7:15

Inü arü bemusu tüsho düküngde kamshih, tütüshe arünü I ki amütsü thsüde azhihchoh.

YUNIRÜBO RHIMO 13:18

Tüsho apinü kam yirü sunglo ching arü küm.

YUZÜNGTHALO 1:31

tüsho mihtsürünü nihbuh tsührü buhkhi ruk sunglo tüsho ha khiungde arükhi lomi ching Atungpuhnü künangde nüsa buhde arükheanü nüsanü ngüdo.

YUZÜNGTHALO 33:27

Akheam mülakhi Thrünpuh ju nü lapung lah, tüsho abukkhüp lakhi ju akheam mülakhi khahbo ah. Tüsho apinü thiriri nüsa müngühnü yana tsoshihchoh, tüsho tha, ‘Dükheang.’

YUZÜNGTHALO 8:2

Tüsho Atungpuh nüsa Thrünpuhnü sunglo ching nimung yirü bedarükhi nüsanü alümkhitbah, junangde apinü nüsa azhihayihshihde, nüsanü api yuzüng anidüshi yungnü nüsa mulong ching lakhi mükheahpü rükakibah.