HOSEA 11:2 - AMÜSÜH HÜM CL Bible (BSI)

² Inü küdükhüh api jikheanü judükhüh api I kheaknü tso; arünü Baalbo kilim laksah-a kingaün, tüsho rhümthüneabe sangthsübo kilim jih.

HOSEA 11:2 Iomraidhean Croise

1 KIULONG THSÜRÜ 12:33

Api zangrünü akhukhitkhi khinu tizheah thürükheak phüngü nipü Bethel ching apinü athsükhi kingaün sadam lim wutu; apinü Israel mihtsürübo thsungkheak thünio akhukhit, tüsho rhümthüneabe jihpü api kingaün sadam lim wutu.

1 KIULONG THSÜRÜ 18:19

Kheakü jumonü Jezebel dükhüm kheak yimtsührü Baal wukihrü 450 tüsho Ashera wukihrü 400 lung Israel alala Karmel wung kheak I ki bemukhungang.”

NEHEMIA 9:30

Kam ashang nünü arü ki arümkheam, tüsho nü memüsühnü wukihrübo hode thashih; tüshe arü nükhünnü mani, jumonü nünü arübo püpürü lomi khah ching jihabah.

ISAIA 65:7

arü mülimkhibo tüsho arü jipürü mülimkhibo rukhühnü, Atungpuhnü thachoh; tümütüsho arünü awungbo kheak rhümthüneabe tak, tüsho awung mujukbo kheak I azhihde tha, jumonü ahokhi rhimobo thülünde inü arü thsümüchibah.

JEREMIA 18:15

Tüshe I mihtsürübonü I mihabahdo, arünü sangthsübo ki rhümthüneabe takchoh; arü jipü limrobo ching arü jing mükhedo, tüsho arübo limto ching yungde limkeanganu ching tsodo,

JEREMIA 35:13

Wuto Atungpuh , Israel Thrünpuhnü ha thachoh: Yüang tüsho Juda mihtsürü le Jirusalem ching larü ki thaang, Nüsanü amütsan manikhitkhukba de tüsho I yubo maniba de? Atungpuhnü thachoh.

JEREMIA 44:5

Tüshe arünü arü amütsü chingnü arholopü tüsho püpürü thrünpuhbo ki mükingaünpü thsüde mani yungsho arü nükhün manguh.

HOSEA 11:7

I mihtsürü ju I kheaknü rholode atsopü lümkihlah. Arünü Khide Achangbuh ki jiji she apinü arü mushuhmusu.

HOSEA 2:13

Inü Baal thünio nimungbo thsungkheak alibe thsümüchibah, küdüki alibenü arü kheak rhümthüneabe jihkhea tüsho yingkhüm le mürelungnü anihbe züt thsükhea, tüsho anihbe muzhorü dunglim yü, tüsho I mihkhea, Atungpuhnü thachoh.

HOSEA 4:13

Arünü müzüng mujukbo kheak laksah-a kingaünchoh, tüsho awungbo kheak, thülamsang, müyüh-kibe, tüsho mudungsang khüp kingaün jihchoh, tümütüsho arü alampung tsülah. Jumonü arü tsührübonü jilihjikhün ahorichoh, tüsho nü tsühmeakbebonü müzammüramchoh.

HOSEA 4:17

Ephraimnü sangthsübo lung arihdo; api langzü zojang.

ZEKARIA 1:4

Nüsa jipürü nangde düla, sherü ki akhuhlim wukihrübonü zhiyuk, “ Wuto Atungpuhnü ha thachoh, Nüsa amütsü limrobo tüsho nüsa amütsü rhimobo chingnü rholoang.” Tüshe arünü muso yungsho I ki mani, Atungpuhnü thachoh.

ZEKARIA 7:11

Tüshe arünü anipü thsunglo, tüsho chungthülangdo arü düthsün anguh tüsho manipü arü nükhün yihdo.

LUKNÜ ATHRÜTKHI THIYUSHEAK-ATSÜ HUHTANYU 13:34

“O Jirusalem, Jirusalem, wukihrübo laksahbe tüsho anihbe kilim yüshihrübo rusahbe! Thunu dretonü ajipjipbo aghidükeang khüp bemukhungkhi nangde inü küdükhüh ki nü tsührübo bemukhungpü künkhea, tüshe nünü mümulongde alakheah!

JOHAN 3:19

Tüsho abahyukkhi ha lakhi ju, alomiküp ching ayin arü tüsho mihtsürübonü ayin kheaknü amiting muzho tümütüsho arü rhimobo amütsü lakheah.

YUNIRÜBO RHIMO 7:51

“Nüsa achungthülang mihtsürübo, mulong tüsho nükhün ching tsütamübahrü, nüsanü kamruhroro Amüsüh Me reanglochoh. Nüsa jipürübonü arhimokhi nangde nüsanü rhimochoh.

MAHKHAPRÜ 10:6

Judüki Israelrünü kheaküshe Atungpuh miki amütsü rhimo, tüsho Baalbo, Astarbo, Siria thrünpuhbo, Sidon thrünpuhbo, Moab thrünpuhbo, Amon thrünpuhbo tüsho Filistia thrünpuhbo tankih; arünü Atungpuh bahyuk tüsho api mütankih.

MAHKHAPRÜ 2:13

Arünü Atungpuh bahyuk tüsho Baal le Astar tankih.

MAHKHAPRÜ 3:7

Jumonü Israelrünü Atungpuh arü Thrünpuh mihabahbah, A TUN GPU H miki amütsü rhimo, tüsho Baal le Ashera sangthsü kingaün.