HOSEA 11:11 - AMÜSÜH HÜM CL Bible (BSI)

¹¹ Arübo wuhnubo nangde ajande Ijip chingnü, tüsho müthrithrümpü nangde Asiria chingnü arübah; tüsho inü arübo arü yam lim yüloshihbah, Atungpuhnü thachoh.

HOSEA 11:11 Iomraidhean Croise

ISAIA 11:11

Ju nimung Asiria, Ijip, Pathros, Ethiopia, Elam, Shinar, Hamath, tüsho keto kekunglo chingnü aninga larü khümkhitpü mahne kipü Atungpuhnü akhah chungbah.

ISAIA 60:8

Amo nangde phincho ha tüsho müthrithrümpü arü sap lim phinde arükhi nangde la ha sherü a?

JEREMIA 31:12

Arünü arübah tüsho Zion wung kheak achangnü khün thsübah, tüsho Atungpuh tsükhi– hi, yukhu, tüsho müdangke, namfimihnu tüsho moshi dünkheaknü arübonü asühachihbah; arü rhangdung ju ke tsüde aduhkhi ayündo nangde akambah tüsho arübo kheaküa mulong murozhak.

EZEKIEL 34:27

Thulu sangdungbonü aso asobah, tüsho alonü hibo akhiukshihbah; mihtsürübo arü lomi ching kuramde alabah. Inü arü hung kheaknü sangkap yihshakchoki tüsho arü azhorü kamshihrü khah chingnü arü khümkhitchoki, I Atungpuh de arünü mükheahbah.

EZEKIEL 34:28

Arübo küruhkhüh trükshihbonü yankhia mulu, yungsho lomi shiwühbonü mumuyu; arübo akhümkhit ching labah, tüsho shenü arü mütreshih.

EZEKIEL 37:21

arü ki thaang, Atungpuh Thrünpuhnü ha thachoh: Inü Israel mihtsürübo arü yüpung trükshih bolungnü alubah, tüsho thrip aban chingnü arü bemukhungbah, tüsho arü nihbuh lomi ching bedarübah.

EZEKIEL 37:25

Inü I yamlarü Jakob kilim jihkhi nüsa jipürü lakhi lo ching arübo labah; arü le arü tsührü tüsho arü tsührü tsührübo lünnü ju ching labah; tüsho I yamlarü David lünnü arü yakzanshuhrü thsübah.

HOSEA 3:5

Ju dunglim Israelrünü rholobah tüsho Atungpuh arü Thrünpuh, tüsho arü kiulongthsüpuh David yimbah; akheam nimungbo ching arünü Atungpuh trede api müngühmühi lim arübah.

HOSEA 7:11

Ephraim a müthrithrümpü nangde kamdo, makhalah tüsho sulüm müla; arünü Ijip ki jichoh, arünü Asiria lim yüchoh.

OBADIA 1:17

Tüshe Zion Müzüng kheak atsokhitrü labah tüsho ju amüsüh labah; tüsho Jakob yamkhünnü arü yankhita bahrü yamalo lubah.

ZEKARIA 10:10

Inü arü Ijip lomi chingnü thüyam lim bedarübah, tüsho arübo Asiria chingnü bemukhungbah; inü arübo Gilead lomi tüsho Lebanon ching, arü thsungkheak khiungshak mülayi khiungde bedarübah.

ZEKARIA 8:7

Wuto Atungpuhnü ha thachoh: Inü I mihtsürübo aniakhiuklim tüsho aniyüzahlim lomibo chingnü akhümkhitbah;

ZEKARIA 8:8

tüsho inü arübo Jirusalem ching lashihpü bede arübah. Athülünkhi tüsho thiyuro-lungki ching arübo I mihtsürü thsübah tüsho I arü Thrünpuh thsübah.