HOSEA 11:1 - AMÜSÜH HÜM CL Bible (BSI)

¹ Küyimki Israel azürü lakhea, inü api muzhokheah, tüsho I tsührü nangde Ijip chingnü jikhit.

HOSEA 11:1 Iomraidhean Croise

MUNGSHIKHÜN 129:1

“Arünü I athunu kim chingnü thsümüchido,” Israelnü kheakü thashang–

ABEKHIT 19:4

Inü Ijiprü kheak rhimokhi, tüsho müleang ghidükeangbo kheak nüsa I kilim hanbah arükhi nüsanü ngüdo.

ABEKHIT 4:22

Judüki nünü Pharao ki thabah, Atungpuhnü ha thachoh, Israel I tsührü adüjibuh ah.

ABEKHIT 4:23

Jumonü inü nü ki tha, I tsührünü I tankihshihpü yüshang, tüshe nünü api müyüshih, jumonü inü nü tsührü adüjibuh laksahbah.”

ISAIA 43:4

Tümütüsho nü I miki shoto lah, tüsho akinashu lah, tüsho inü nü muzholah, inü nü müthri mihtsürübo, nü rhangdung müthri trükshihbo jihchoh.

JEREMIA 12:7

Inü I yam mihabahdo, inü I yamrüplurüp bahyukdo; inü I menü amuzhokhi anihbe riri khah ching jihdo.

JEREMIA 2:2

Yüang tüsho Jirusalemnü sode zhiyukang, Atungpuhnü ha thachoh: Inü nü athunuchoki shuhmülanga jihkhi lümkhitchoh, akhuh yamkhün thsüchoki mümükheankhi lomi sunglo ching nünü I yankhi lümkhitchoh.

EZEKIEL 16:22

Nünü athraneanbe rhimokhibo alala tüsho müzammüramkhi ching nünü nü bünkeang nü thiyih ching mürhede alakhi athunu nimungbo mülümkhit.

EZEKIEL 16:6

Judüki I hode yü tüsho nü thiyih ching nünü mükhede ngü, tüsho nü thiyih ching nü yapde lachoki nü ki inü tha, “ Laang!”

HOSEA 10:15

Hanangde nü mihbukmuyuk dünkheak nü ki rhimobah, O Bethel. Yapsu mükikde Israel kiulongthsüpuh ju shahde adükheakbah.

HOSEA 12:13

Wukihrü hode Atungpuhnü Israel Ijip chingnü bede atu, tüsho wukihrünü api aheang.

HOSEA 12:9

I Ijip chingnü nü bekhitbuh Atungpuh nü Thrünpuh; akhukhitkhi thünio nimungbo ching nangde, inü nü khimyambo ching laloshihbah.

HOSEA 13:4

Tütüshe Ijip lomi chingnü I Atungpuh nü Thrünpuh thsüde arüchoh; nünü tümü Thrünpuh mümükheah tüshe I ah, tüsho I hobah akhümkhitrü she müla.

HOSEA 2:15

Ju chingnü inü alibe ki anihbe kurungasolubo jihbah tüsho Akor Jindükhün ju mulonglam ripit khülang kamshihbah. Ju ching alibenü anihbe athunu kim ching nangde, anihbe Ijip lomi chingnü akhiukchoki kim nangde alabah.

MALAKI 1:2

Inü nü muzhodo, Atungpuhnü thachoh. Tüshe nünü thachoh, “ Küde thsah nünü isa muzhokhi?” Esau ju Jakob akhiung yung de? Atungpuhnü thachoh. Tütüshe inü Jakob muzhodo

MATHI 2:15

tüsho Herod müsheyi khiungde ju ching la, junangde Atungpuhnü wukihrü hode, “Ijip chingnü inü I tsührü jikhit,” de athakhi dünjipü lakheah.

YUZÜNGTHALO 33:3

Am, apinü amihtsürü muzho; api kilim müsühkhitrübo alala api khah ching lakheah; jumonü isanü api jing ki binchoh tüsho api yubo leangkhichoh,

YUZÜNGTHALO 7:7

“Nüsa wühkhe hihmonü Atungpuhnü nüsa muzhokhi yung yungsho amokhitkhi yung, tümüde nüsa mihtsürü alala bolungnü anükbe ah;