HOSEA 10:5 - AMÜSÜH HÜM CL Bible (BSI)

⁵ Samaria ching larü ju Beth-aven moshi nunu dünkheaknü ajanchoh. Mihtsürübonü ha dünkheak tüzhobah, tüsho ha kheaknü müretah tsokhi dünkheak ju kingaünrü amükeamrübonü mitripbah.

HOSEA 10:5 Iomraidhean Croise

2 KIULONG THSÜRÜ 10:29

Tüshe Jehunü Nebat tsührü Jeroboam neakbo chingnü murholode, apinü Bethel tüsho Dan ching thsükhi suna moshi nunubo kingaünde Israel neak yihbeakshih.

2 KIULONG THSÜRÜ 17:16

Arünü arü Thrünpuh Atungpuh yukhümbo alala bahyuk tüsho arü thsungkheak moshi nunu sangthsü mahne thsüa zhipshih; arünü Ashera sangthsü thsübah, chiningbo kingaün, tüsho Baal tankih.

2 KIULONG THSÜRÜ 23:5

Juda kiulongthsürübonü Juda kiuto tüsho Jirusalem mühide achang dangpungbo ching kingaün jihshihpü sangthsü amükeamrübo müsühde tsangkhitrü–Baal, ani, khinu, alomibo, chiningbo kingaünrü rhimo chingnü yihkhita bah.

2 KIUTHSÜYUKHEAN 11:15

tüsho achang dangpungbo, mihnurimri, tüsho apinü athsükhi moshi nunubo thsungkheak anihbuh yo amükeamrübo moyuk.

2 KIUTHSÜYUKHEAN 13:8

“Tüsho kheakü David tsührübo khah ching Atungpuh kiulongthsü azhihkhukbah de nüsanü lümlah, tümütüsho nüsa mih hihlah tüsho Jeroboamnü nüsa thsungkheak suna moshi nunu thsükhi thrünpuhbo nüsa lung lah.

ISAIA 46:2

Arünü mükhümchoh, arü rukhühnü khukningchoh; arünü hahmülangkhi chingnü mükhümkhitkhuk, tüshe arübo rama lubah tsochoh.

HOSEA 13:2

Tüsho kheakü arünü alü neak yihbeakchoh tüsho arü anikhitkhi yande shotoyinchinü sangthsübo thsüchoh, arü alala rhimorünü athsükhi rhimobo lah, “Harü ki laksah-a kingaünang,” arünü tha. Mihtsürübonü moshi nunubo müthsüpchoh.

HOSEA 4:15

Nünü yüliyüra ahoriri she, O Israel, Juda amülim dükamshih. Gilgal ching düyüzah, yungsho Beth-aven ching duwutu, tüsho “Atungpuh lale,” de thiyuchihchim düthsü.

HOSEA 5:8

Gibea ching shihjuh mütang, Rama ching hulipungpung mütang. Beth-aven ching arhunganim düsheak thsang; nü dunglim mürüngang, Benjamin!

HOSEA 9:1

Dasühachih, O Israel! Püpürü trükshihbo nangde dasühako; tümüde nünü nü Thrünpuh kheaknü chamkhide yüliyürado. Nünü hinitpung alala kheak müzammüram mulomüthsüpü muzhodo.

HOSEA 9:11

Ephraim müretah ju wuhnu nangde phinde atsobah–müzübe, mihmüla, khungarü müla!

AMOS 3:14

Inü Israelnü alakmihkhi dün thsümüchi nimung, inü Bethel kingaün sadambo thsümünimbah, tüsho kingaün sadam juhbo lipkhibah tüsho alo ching keambah.

ZEPHANIA 1:4

Inü Juda tüsho Jirusalem ching larü alala azhihde I khah chungkihbah; tüsho inü ha dangpung chingnü Baal kingaünrü aningkhibo tüsho müzammüram amükinrü amükeamrü mungbo dükheakshihbah;

YUNIRÜBO RHIMO 19:27

Junangde isanü arhimokhi mungchih ngüpü lah. Kheaküshe atrebe lakhi ju Asia tüsho alomiküp alala ching kingaünkhi Artema arüngyam akeangkeang kambah tüsho anihbe thukhi thsümünimbah.”

JIHUSUA 7:2

Jihusuanü mihtsürü khürü aniakhiuklim Beth-aven phünide alakhi Ai lim Jirikho chingnü yüshihde tha, “Wutuang tüsho lomi züta kheahang.” Tüsho mihtsürübonü yübah Ai züta kheah.

MAHKHAPRÜ 18:24

Apinü alo, “Nüsanü inü athsükhi thrünpuhbo le I yo amükeamrü lude tsoa lah. I tümü lale de nüsanü I ki keocho, ‘Nü tümü thsüa la?’”