HOSEA 10:3 - AMÜSÜH HÜM CL Bible (BSI)

³ Tümüde kheakü arünü athabah: “ Isa kiulongthsürü müla, tümütüsho isanü Atungpuh mütre. Tüshe kiulongthsüpuhnü isa thsungkheak tümü thsükhukba?”

HOSEA 10:3 Iomraidhean Croise

THRÜNTAN 49:10

Judanü kiulongthsü tso zhimbah, tüsho api tsühsoniusobonü kamruhroro yakzan shuhbah. Trükshihbonü api kilim ruk hande arübah tüsho api miki wüntre jihde khukningbah.

2 KIULONG THSÜRÜ 15:13

Juda kiulongthsüpuh Uzzia kam samrükheak tukupü ching Jabesh tsührü Shallumnü kiulongthsüpü tankih; apinü Samaria ching khinu khülang kiulongthsü.

MUNGSHIKHÜN 118:9

Yakzanshuhrübo kheak mulongram lapü dün a Atungpuh kheak kinkhi atsübe ah.

MUNGSHIKHÜN 12:4

arünü tha, “Isa mulonü isanü akukbah, isa münküp isa lung lah; isa putungrü she a?”

ISAIA 5:19

shepünü tha, “Api niokheamshang, api rhimo nahnahshang, junangde isanü ju ngübah; Israel Amüsühbuh Khülang lümkhi thüninde arüshang, junangde isanü ju mükheahbah!”

HOSEA 10:15

Hanangde nü mihbukmuyuk dünkheak nü ki rhimobah, O Bethel. Yapsu mükikde Israel kiulongthsüpuh ju shahde adükheakbah.

HOSEA 10:7

Samaria kiulongthsüpuh ju kemi kheak sangjip nangde adükheakbah.

HOSEA 11:5

Arübo Ijip lomi lim alode ayübah, tüsho Asiria ju arü kiulongthsürü thsübah, tümütüsho arünü I ki arülopü thsunglo.

HOSEA 13:10

Kheakü nü khümkhitpü thsüde nü kiulongthsürü küching la? Nü kiutobo kürü ching nü yakzanshuhrü la, shepü ki nünü tha, “ I kilim kiulongthsürü tüsho yakzanshuhrü jihang?”

HOSEA 13:11

Inü I bukakhiukkhi ching nü kilim kiulongthsürü khülang jih, tüsho I mulong zhipzhip ching inü api lude tso.

HOSEA 3:4

Hanangde Israel mihtsürünü kim ashang kiulongthsürü yungsho limberü mülade, shuhmülanga kingaünkhi yungsho amüsüh lung dungjingbo mülade, sangthsübo yungsho müchitpü mejakbo mülade alabah.

MIKA 4:9

Kheakü tümüde nünü achangnü zhicho! Nü lung kiulongthsürü müla de? Nü lümthiyan-jihrü dükheakbah aliberü thsünükhi nangde nü thsünüla de?

JOHAN 19:15

Tüshe arünü zhi, “Api sheshang, api sheshang! Api yümkihang!” Pilatnü arü ki tha, “Inü nüsa kiulongthsüpuh yümkihba shi?” Amükeam putungrübonü alo, “Kaesar kheak hode isa kiulongthsürü müla!”

1 SAMUEL 12:25

Tüshe nüsanü judü lang amütsü rhimosho, nüsa le nüsa kiulongthsüpuh chido phüta bahbah.”