HOSEA 10:14 - AMÜSÜH HÜM CL Bible (BSI)

¹⁴ jumonü nü mihtsürü azhihde thirithsü düsheak labah, tüsho nü chipi alala thsümünimbah, Shalman nü thirithsü nimung Beth-arbel thsümünimde, berübo lung tsührübo bebah adütre kamde zünakkhi nangde alabah.

HOSEA 10:14 Iomraidhean Croise

THRÜNTAN 32:11

Inü tamkhüntamnüchoh, I khiung Esau khah chingnü I bekhitang; tümüde inü api trelah, jude yungsho api arübah tüsho I le tsührübo tüsho berübo laksahbah.

2 KIULONG THSÜRÜ 17:16

Arünü arü Thrünpuh Atungpuh yukhümbo alala bahyuk tüsho arü thsungkheak moshi nunu sangthsü mahne thsüa zhipshih; arünü Ashera sangthsü thsübah, chiningbo kingaün, tüsho Baal tankih.

2 KIULONG THSÜRÜ 17:3

Asiria kiulongthsüpuh Shalmanesernü api azhihde atu; Hoshea api bukkhüp laabah, tüsho api kilim ruk jih.

2 KIULONG THSÜRÜ 18:33

Trükshih thrünpuh khürünü Asiria kiulongthsüpuh khah chingnü lomi bekhitdü de?

ISAIA 17:3

Ephraim chingnü chipi dükheakbah tüsho Damaska chingnü kiulongthsü dükheakbah; tüsho Siria aningkhi ju Israel tsührü müretahkhi nangde alabah, Wuto Atungpuhnü thachoh.

ISAIA 33:14

Zion ching aneakrübo trede lah; Thrünpuh mümükheahrü ajande lah; “ Isa bolung shepünü aniuabahbe mo ching laba? Isa bolung shepünü akheam müla motru ching laba?”

JEREMIA 13:14

Tüsho inü arü khülangnü khülang, berübuhrü tüsho tsührübo rukhühnü mütrütachihshihbah, Atungpuhnü thachoh. Inü arü thsümünimchoki amuzho yungsho aningshihpü yungsho mihmuzho mülade alabah.

JEREMIA 48:41

Kerioth kiutobo ju ayanbah tüsho chipi ayünkhibo thsümünimbah. Ju nimung Moab thirithsürübo mulong ju aliberü thsünükhi nangde alabah.

HOSEA 10:15

Hanangde nü mihbukmuyuk dünkheak nü ki rhimobah, O Bethel. Yapsu mükikde Israel kiulongthsüpuh ju shahde adükheakbah.

HOSEA 13:16

Samarianü anihbe mülimkhi hanbah, tümütüsho anihbenü Atungpuh azhihdo; arü nukshangnü akeambah, arü tsührü aninibo adütre kamde khapthünakbah tüsho arü mihlakhi liberübo chakphukbah.

AMOS 3:14

Inü Israelnü alakmihkhi dün thsümüchi nimung, inü Bethel kingaün sadambo thsümünimbah, tüsho kingaün sadam juhbo lipkhibah tüsho alo ching keambah.

AMOS 3:8

Kekhüzünü arungchoki, shenü mütrepü? Atungpuh Thrünpuhnü asukchoki, shenü mümüchitpü?

AMOS 9:5

Atungpuh , Wuto T H RÜ NPU H , shepünü alomi qiucho tüsho ju niucho, tüsho ju ching larü alala tüzhocho, tüsho ju alala Nile nangde akihcho, tüsho Ijip ching Nile nangde keamyuklocho;

MIKA 5:11

tüsho nüsa lomi kiutobo dükheakshihbah tüsho nüsa chipibo thokheambah;

NAHUM 3:10

Tütüshe anihbe rama lubah ramtso ching yü; anihbe khungarübo she kiudunglimro yean aban ching adütre kamde kingthünak; anihbe mükheahmudurü dünkheaknü azanbo thsü, tüsho anihbe torü alala wuhrünliubo yuk.

NAHUM 3:12

Nü chipibo alala akhuh asokihkhi kurungasodung nangde–aniungsho atsührü mün ching keamchoh.

HABAKKUK 1:10

Arünü kiulongthsürübo ki münejihchoh tüsho yakzanshuhrübo ki keangrümünechoh. Arünü chipi aban kheak kheah-a münejihchoh, tüsho ju lupü alo wumujungchoh.