HOSEA 10:13 - AMÜSÜH HÜM CL Bible (BSI)

¹³ Nünü mihbukmuyuk khimdo, nünü amütsü yimludo, nünü akeangyu sangaso tsühdo. Tümütüsho nünü nü wu tüsho thirithsü hihkhi ching kindo,

HOSEA 10:13 Iomraidhean Croise

JOB HU H T ANYU 4:8

Inü ngüdo, shepünü amütsü phüncho tüsho küpkhuk yangchonü ju ruk yimluchoh.

MUNGSHIKHÜN 33:16

Kiulongthsürü khülang ju api bonungrü atonü mükhümkhit; thirithsürü khülang ju nihbuh sühmühnü mübekhit.

MUNGSHIKHÜN 52:7

“Thrünpuh ju nihbuh sühmüh müthsükhi mihtsürü ha ching lah, tüshe api lakhit suhdahkhi ching kin, tüsho api mihbukmuyuk ching düküngde kam.”

MUNGSHIKHÜN 62:10

Junokhi ching akin düla, yungsho jangkhijangra ching akeangkeang mulong dülam; alarübo rünkihsho arü kheak nü mulong düzo.

MÜCHITMUDU 1:31

jumonü nünü tümü thülünlanü ju nü ngübah, tüsho nü rhimobonü nü tukhsüshihbah.

MÜCHITMUDU 12:19

Thiyuro münküp ju lünnü rünkhiungbah, tüshe keangtha mulo anükhühkheak thsungkheak ah.

MÜCHITMUDU 13:2

Mihtsürü atsü a arünü athakhi thsungkheak thsambah ngübah, tüshe mülapmüjirü a athsümünim thsungkheak künde lah.

MÜCHITMUDU 19:5

Arükchih thiyumütsan jihrü müthsümüchidüa mutso, tüsho shepünü akeangyu asukchonü mutsokhi.

MÜCHITMUDU 22:8

Shepünü amütsü hiuchonü küpkhuk yimluchoh, tüsho api bukmükekhi tso thsümünimbah.

T H S AN GYU T H S AN GR ARÜ 9:11

Kheaküshe alomiküp ching inü angükhi ju, athride alihrünü kamruhroro malihkhukchoh, mulong zahrünü kamruhroro thirithsü mukukchoh, lümlung larünü kamruhroro jim müngüchoh, kukhiuk ayuk mihtsürünü kamruhroro lakhit müngüchoh, tüsho anikhit mihtsürünü kamruhroro achang ching müyükihchoh. Kuhi amütsü mihbüm abande dünjichoh.

ISAIA 17:11

nüsanü akhimkhi nimungnü jurü chinkihshihshih she, tüsho nüsanü mükheankhi yapsunü pungkhitshihshih she, tütüshe mulong tukthsü tüsho müthsüngube thsünükhi nimung khülang ching yimlupü mülade akambah.

HOSEA 11:12

Ephraimnü akeangyu thade tüsho Israelnü mülapmüjinü I mükamdolah; tüshe Juda a Thrünpuhnü mükheahdü lang lah, tüsho Amüsühbuh Khülang ki thiyuro lah.

HOSEA 4:2

Thiyuchihchim, akeangyu, mihlaksah, ahühkhi tüsho müzammüram akhiukdo; thiyih bukkhinü thiyih bukkhi yankihlah.

HOSEA 4:8

I mihtsürübo neak chingnü arü tsühyungde lah; jumonü nüsanü alü alü arünü neak yihbeakshihnelah.

HOSEA 7:3

Arü mihbukmuyuknü arü kiulongthsüpuh, tüsho rük-thsükhinü atorübo asühshihchoh.

HOSEA 8:7

Tümüde arünü apung yangchoh, tüsho arünü chitmühean yimlubah. Hidung ju munoyuk, hanü jim makhiuk; khükikhüh akhiuka lasho, khiungkerünü tsühabahbah.

1 SAMUEL 24:14

Shepü azhihde Israel kiulongthsüpuh akhiukkhea? Nü shepü müshamcho? Ashekhi yihnu khülang a shi? Thüle khülang a shi?