HOSEA 10:12 - AMÜSÜH HÜM CL Bible (BSI)

¹² Nü thsungkheak thiyuro-lungki yangang, düküngde muzhokhi sangaso rhoang; muwochakkhi lo phünnakang, tümüde ha Atungpuh yimpü kim ah, junangde apinü arübah nü kheak müngühmühi dungkihjihbah.

HOSEA 10:12 Iomraidhean Croise

MUNGSHIKHÜN 105:4

Atungpuh tüsho api sühmüh yimang; kamruhroro api miro yimang.

MUNGSHIKHÜN 72:6

api ju arhipkhi rimkiu kheak akikhi tsüng, alo pangkhi tsüngshimshim nangde alabah.

MÜCHITMUDU 11:18

Mihbukmuyuk mihtsürünü mülapmüji rhimo thsüchoh, tüshe shepünü thiyuro-lungki hiuchonü atsütsü thsambah ngüchoh.

MÜCHITMUDU 18:21

Ashekhi tüsho rhangdung mulo wu ching lah, tüsho sherünü ju muzhochonü ju sangaso tsühbah.

T H S AN GYU T H S AN GR ARÜ 11:6

Yapsu limnü müjih hiuang, tüsho arelim nü khah dütuklo; tümüde küpü tsübanü nünü mümükheah, ha yungsho hoju, yungsho ane chido tsüpü kuklah.

ISAIA 30:23

Nüsanü alo ching yangkhi müjih thsungkheak apinü tsüng arüshihbah, tüsho alo chingnü akhiukkhi hi lakhitde tüsho muzhomopungde alabah. Ju nimung nü yo shiwühbo yimtsühpung tode alabah;

ISAIA 31:1

Aha, sherünü arung thsungkheak Ijip ching yükicho tüsho shenü khorabo kheak düthsün angücho, shenü khora-lolungbe kheak kincho tümütüsho arü ahihdo lah tüsho khoraberü kheak kincho tümütüsho arü khide sühmüh lah, tüshe Israel Amüsüh Thrünpuh kheak mükheah yungsho Atungpuh ki mükeokhi!

ISAIA 32:20

nüsa sherü ayung yean mükheanbanü tüsho moshipung le donki thsungkheak rimlopung labanü asühpü.

ISAIA 44:3

Tümüde inü akung lo kheak ke dungkihbah, tüsho alo akung kheak yungzü lashihbah; inü nü tsühsoniuso kheak I me dungkihbah, tüsho nü münü kheak I müngühmühibo jihbah.

ISAIA 45:8

Tsüng arang, O yinmibo, akulimnü, tüsho thüningbonü thiyuro-lungki tsüng akishang; alominü khimshuhang, junangde akhümkhit mukhuhde akhiukbah, tüsho hanü thiyuro-lungki she pungkhitshang; I Atungpuhnü ha thrünkheah.

ISAIA 48:18

O nünü I yukhümbo anido dükhülaa! junangde nü müngühmühi ju ayung nangde alabah, tüsho nü thiyuro-lungki ju keto abükkhi nangde alabah.

ISAIA 5:6

Inü ju akeangkeang kamshihbah; ju mümupung yungsho müphünnak, tüsho khingphu le ayangrungnü achindobah; inü amo ki she ju kheak tsüng marüpü thiyukhüm jihbah.

ISAIA 54:14

Thiyuro-lungki ching nü rünkihbah; nü junopü chingnü limshude alabah, tümüde nü mütrede alabah, tüsho atrebe müla, tümüde ju nü phünide marü.

ISAIA 55:6

Api ngüpü lachoki Atungpuh yimang, api thüninde lachoki api ki jiang;

JEREMIA 50:4

Atungpuhnü thachoh, ju nimung ching, ju kim ching, Israel mihtsürü tüsho Juda mihtsürü rukhüh arübah; arünü Atungpuh arü Thrünpuh yimde tripde arübah.

EZEKIEL 34:26

Inü arü le I wung mükamde müngühjihbah. Inü akheahmünchi ching tsüng akishihbah; ju ching müngühmühi tsüng labah.

HOSEA 12:6

Nüsanü nüsa Thrünpuh kilim rholoang, amuzho tüsho thiyuro kheak düngde ramrihang, tüsho arümde nüsa Thrünpuhnü arhimopü aleangang.

HOSEA 14:1

O Israel, Atungpuh nü Thrünpuh kilim rholoang, tümütüsho nü mülimkhinü nü angakdo.

HOSEA 6:3

Isanü Atungpuh mükheahpü müranganü. Tsükjide ani akhiukchoki api akhiukbah; api isa kilim tsüngkam tsüng nangde, mükheankim tsüngnü alo pangkhi nangde arübah.

HOSEA 8:7

Tümüde arünü apung yangchoh, tüsho arünü chitmühean yimlubah. Hidung ju munoyuk, hanü jim makhiuk; khükikhüh akhiuka lasho, khiungkerünü tsühabahbah.

AMOS 5:15

Amütsü thraneanang tüsho atsü muzhoang, tüsho chipimurung ching thiyuro lashang; khükijua Atungpuh , Wuto Thrünpuhnü ha trükshih mihtsürü aningkhi kheak müthsümbah.

AMOS 5:4

Tümüde Atungpuhnü Israel yamkhün ki ha thachoh: I yimang tüsho laang;

AMOS 5:6

Atungpuh yimang tüsho laang, yungsho mo nangde apinü Josep yamkhün azhihde atrumusubah, tüsho hanü Bethel aniubah, shenü ju müzünmüt.

AMOS 5:8

Shepünü chirhangshuhrü tüsho yamungshuhrü thrünkhea, tüsho zhingdoa amitingkhi ju yapsu kamshihkhea, tüsho animung ju azhing kamshihkhea, Shepünü keto kebo jikhea tüsho alo kheak dungkhitkhea, Atungpuh ju api mung,

LUKNÜ ATHRÜTKHI THIYUSHEAK-ATSÜ HUHTANYU 13:24

“Chipimurung amütsümbe chingnü ayüzahpü mürangang, tümüde inü nüsa ki thachoh, ahihkhühnü ayüzahpü yimbah tüshe mukukde alabah.

YUNIRÜBO RHIMO 2:18

am, inü judüki I yamlarübo le yamlaberübo kheak I me dungkihjihbah tüsho arünü müchitbah.

2 KORINT 9:10

Shepünü müjih-hiurü kilim müjih tüsho atsühpü yikhap jihchonü nüsa müjih bushihbah tüsho nüsa thiyuro-lungki yimlukhi alü kamshihbah.

JAKOB 3:18

Tüsho mungtsü-thsürünü mungtsü ching mükheankhi ju thiyuro-lungki yimlukhi lah.