HOSEA 10:10 - AMÜSÜH HÜM CL Bible (BSI)

¹⁰ Inü amulongkhi ching arü thsümüchibah; arü neak alü dün thsümüchichoki trükshihbonü arü azhihde mukhungbah.

HOSEA 10:10 Iomraidhean Croise

1 KIULONG THSÜRÜ 12:28

Jumonü kiulongthsüpuhnü lümkhi lu tüsho suna moshi nunu mahne thsü. Apinü mihtsürübo ki tha, “Nüsa Jirusalem lim khide shude wutudo. O Israel, nüsa Ijip lo chingnü bekhitkhi nüsa thrünpuhbo ha kheak lah.”

JOB HU H T ANYU 39:10

Nünü ju wukdarünü nü lu wochakshihba de? Yungsho nü dunglim apinü thulu wochakshihba de?

ISAIA 1:24

Jumonü Wuto Atungpuh , Israel yo Wutonü thachoh: Ah, inü I riribo kheak I bukakhiukkhi dungkihbah, tüsho I riri kheak I royimbah!

JEREMIA 15:6

Nünü I bahyukdo, Atungpuhnü thachoh, nü dunglim peang yüchoh; jumonü nü azhihde I khah chungkhitkheah tüsho nü thsümünim– tümütüsho I bukakhiukkhi danlopü keaka lakheah.

JEREMIA 16:16

Kheakü inü thüngüh-ramrü ahihdo yüshihchoh, Atungpuhnü thachoh, tüsho arünü arübo rambah; tüsho ju dunglim inü shihjimrü ahihdo yüshihbah, tüsho arünü arübo awungbo tüsho awung mujukbo tüsho lunghübo chingnü ajimbah.

JEREMIA 21:4

Nüsanü Zedekia ki ha thabah: Atungpuh Israel Thrünpuhnü ha thachoh: Nüsa khah ching lakhi thirithsü thsühnukbo küpünü chipi aleanglim nüsa yanrü Babilon kiulongthsüpuh tüsho Kaldearü bede keochihchonü inü luloabahbah; tüsho inü arübo ha kiuto phulung ching rukhüh bemukhungbah.

EZEKIEL 16:37

Jumonü nü muzhorü, sherü kheak nü shih asühkhi ngükhea, sherü nünü muzhokhea tüsho thraneankhea, alala inü bemukhungbah. Arübo nü azhihde dangpung alala chingnü bemukhungbah tüsho arü ki nü bünkeang huhbah, tüsho arünü nü bünkeang ngübah.

EZEKIEL 16:42

Judüki nü azhihde I mulong zhipzhip keamlobah tüsho I mükthsü bukakhiuk nü kheaknü rholode atsobah; I azhihayihde akambah tüsho kheaküa bukmakhiuk.

EZEKIEL 23:46

Tümüde Atungpuh Thrünpuhnü ha thachoh: Ane treshihpü tüsho jangkhipü boto khülang bedarang.

EZEKIEL 23:9

Jumonü inü alibenü amürühkhi anihbe muzhorü Asiriarü khah ching anihbe jih.

EZEKIEL 5:13

I reangmükeamyi khiungde nünü I bukakhiukkhi tüsho I mulong zhipzhipkhi amüküp alala mütsanbah. Küyimki ha alala dünjibanü, nü thiyuro mülakhinü I Atungpuhnü bukakhiukde nü ki asukdo de nünü mükheahbah.

HOSEA 10:9

Gibea nimungbo chingnü nünü neak yihbeakdo, O Israel; ju ching arünü mutuklode la. Gibea ching amütsü-rhimorü thirithsünü akukkhi yung de?

HOSEA 4:19

Arübo ju apungnü yünde atsobah, tüsho arünü shuhmülanga kingaünkhibonü arü kheak achih handarübah.

HOSEA 4:9

Tüsho mihtsürübo nangde amükeamrübo she alabah; inü arü limrobo thsungkheak arü thsümüchibah, tüsho arü rhimobo dün jihlobah.

HOSEA 8:1

Nü münküp kheak hulipungpung dünkihang! Müleang nangde Atungpuh yam kumung khülang lah, tümütüsho arünü I tangzüng thsümünimdo, tüsho I yakzan lakmihdo.

HOSEA 8:10

Arünü nihbuh zangrü trükshihbo lung mulolo she, inü arübo nahde bemukhungbah. Arünü nahde kiulongthsürübo tüsho yakzanshuhrü hahmülang khüp kolahbah.

MATHI 22:7

Ju sobah kiulongthsüpuhnü bukakhiuk; apinü anihbuh bonungrübo yüshihbah mihkhukrübo dükheakshih tüsho arü kiuto takabahshih.

YUZÜNGTHALO 28:63

Tüsho Atungpuhnü nüsa lalimlako tsüshihde tüsho wüh bushihde asühkhi nangde, Atungpuhnü nüsa sheshihde tüsho athsümünim hande arüde asühbah; tüsho nüsanü müküh-a lupü lakhi lomi chingnü nüsa rukkhita bahbah.