HOSEA 1:4 - AMÜSÜH HÜM CL Bible (BSI)

⁴ Tüsho Atungpuhnü api ki tha, “Api mung Jezreel jiang; tümüde anükhüh labah Jezreel thiyih dünkheaknü Jehu yamkhün thsümüchibah, tüsho inü Israel kiulongthsü akheam thsüshihbah.

HOSEA 1:4 Iomraidhean Croise

2 KIULONG THSÜRÜ 10:1

Kheakü Samaria ching Ahab tsührü athrürü 70 lakheah. Jumonü Jehunü kihümbo thrüt tüsho Samaria lim, Jezreel yakzanshuhrübo, azothsürübo, tüsho Ahab tsührü kümrübo kilim yüshihde tha,

2 KIULONG THSÜRÜ 10:17

Küyimki api Samaria ching arükhea, Atungpuhnü Elija ki asukkhi nangde apinü Ahab buhtsührübo Samaria ching lakhi maningshihde laksahkham.

2 KIULONG THSÜRÜ 15:29

Israel kiulongthsüpuh Peka nimungbo ching, Asiria kiulongthsüpuh Tiglath-pileser atu tüsho Ijon, Abel-beth-naaka, Janoa, Kedesh, Hazor, Gilead, tüsho Galilee, Naphtali lomi alala yan; tüsho apinü mihtsürübo rama lubah Asiria ching yü.

2 KIULONG THSÜRÜ 15:8

Juda kiulongthsüpuh Uzzia kam samrükheak tizheahpü ching Jeroboam tsührü Zekarianü Israel kurungkheak Samaria ching khinu thuruk kiulongthsü.

ISAIA 7:14

Jumonü Atungpuhnü nü kilim amütsan khülang jihbah. Kheahang, anünürü khülang mübünkeangde akambah tüsho tsührü khülang zübebah, tüsho api mung Immanuel de ajibah.

ISAIA 8:3

Tüsho inü I yamkhünbe kheak nung tüsho alibenü tsührü labah athrürü khülang zübejih. Judüki Atungpuhnü I ki tha, api mung Maher-shalal-hash-baz de jiang;

ISAIA 9:6

Tümüde isa thsungkheak tsührü khülang zübea lah, tsührü khülang isa kilim jih-a lah; kiulongthsü sühmüh api dubuh kheak kihlah tüsho api mung Amüyinsahbe Lümthiyan-jihrü, Wuto Thrünpuh, Akheam mülakhi Abuh, Mungtsü Kiulongthsürü de ajibah.

JEREMIA 20:3

Ashido yapsu küyimki Pashhurnü Jeremia rihyam chingnü dükhekhea, Jeremianü api ki tha, Atungpuhnü nü mung Pashhur de müji tüshe “Alalamükamde-atrebe.”

JEREMIA 23:2

Jumonü Atungpuh Israel Thrünpuhnü, I mihtsürü kümrü yakzanshuhrübo dünkheak ha thachoh: Nüsanü I mihtsürübo müküm; nüsanü arübo yanmüzüt tüsho yana tsoshihdo. Jumonü nüsa rhimo amütsü thsungkheak inü nüsa thsümüchibah. Atungpuhnü thachoh.

JEREMIA 3:8

Akin mülakhi, Israel, müzammüramkhi hode abahkhi yukhüm jihbah alibe inü atsoshihkhi anihbenü ngü; tütüshe dükde mülakhi anihbe achi Judanü mütre, tüshe anihbe she yü tüsho müzammüram rhimo.

EZEKIEL 23:10

Hanü anihbe bünkeang kamshih; arünü anihbe tsührübo le tsührübebo rama lu, tüsho arünü anihbe nukshangnü laksah. Anihbe kheak mahkhap lu tüsho alibe ju aliberü bolung münedung kam.

EZEKIEL 23:31

Nünü nü chi limro ching yü; jumonü inü anihbe pung nü khah ching jihbah.

HOSEA 1:6

Alibe mübünkeanglode kam tüsho tsührü aliberü khülang zübejih. Judüki Atungpuhnü api ki tha, “Alibe mung Lo-ruhama de jiang, tümüde kheaküa inü Israel yamkhün mümuzho yungsho arü neak mübahjih.

HOSEA 1:9

Atungpuhnü tha, “Api mung Lo-ammi jiang, tümüde nüsa I mihtsürü yung tüsho I nüsa Thrünpuh yung.”

HOSEA 2:13

Inü Baal thünio nimungbo thsungkheak alibe thsümüchibah, küdüki alibenü arü kheak rhümthüneabe jihkhea tüsho yingkhüm le mürelungnü anihbe züt thsükhea, tüsho anihbe muzhorü dunglim yü, tüsho I mihkhea, Atungpuhnü thachoh.

HOSEA 2:22

tüsho alonü hi, yukhu, tüsho müdangke ki alobah, tüsho arünü Jezreel ki alobah;

HOSEA 9:17

Tümütüsho arünü api ki mani; I Thrünpuhnü arü bahyukbah; trükshih bolung arübo tsotsahrü kambah.

AMOS 9:8

Atungpuh T H RÜ NPU H mükbo ju neak lakhi kiulongthsü kheak lah, tüsho inü ju alomi kheaknü adükheakshihbah; inü Jakob yamkhün lang shahde müdükheakshih, Atungpuhnü thachoh.

MATHI 1:21

Alibenü tsührü khülang zübebah, tüsho nünü api mung Jisu de ajibah, tümüde apinü anihbuh mihtsürü arü neakbo chingnü khümkhitbah.”

LUKNÜ ATHRÜTKHI THIYUSHEAK-ATSÜ HUHTANYU 1:13

Tüshe yunirünü api ki tha, “Zakaria dütre, tümüde nü tamkhüntamnü sojihdo; nü niube Elizabethnü nü kilim tsührü khülang zübejihbah tüsho nünü api mung Johan de ajibah.

LUKNÜ ATHRÜTKHI THIYUSHEAK-ATSÜ HUHTANYU 1:31

Kheahang, nü mübünkeangde akambah, tüsho tsührü khülang zübebah, tüsho api mung Jisu de ajibah.

LUKNÜ ATHRÜTKHI THIYUSHEAK-ATSÜ HUHTANYU 1:63

Apinü athrütbe lungbeak khülang kheangbah thrütde tha, “Api mung Johan ah.” Tüsho arü alalanü müyinsah.

JOHAN 1:42

Tüsho apinü anihbuh Jisu kilim bedarü. Küyimki Jisunü api kheak kheahkhea, apinü tha, “Nü a Jona tsührü Simon ah. Nü Kephas de ajihbah (amütsan Lung Khülang).”

JIHUSUA 19:18

Ju ching bekhi ju Jezreel, Kesulloth, Shunem,