HOSEA 1:10 - AMÜSÜH HÜM CL Bible (BSI)

¹⁰ Tütüshe Israel mihtsürü khekhi ju madünkhuk yungsho mükhekhukkhi keto loyi nangde alabah; tüsho arü ki, “ Nüsa I mihtsürü yung,” de athakhi müthri arü ki thabah, “Arhang Thrünpuh tsührü.”

HOSEA 1:10 Iomraidhean Croise

THRÜNTAN 13:16

Tüsho inü nü tsühsoniusobo asungthulung nangde akamshihbah; junangde khürünü asungthulung khekhuksho nü tsühsoniusobo she akhekhukbah.

THRÜNTAN 22:17

müngühmühi ching inü nü müngühjihbah, tüsho wühjabuja ching thüning ching chiningbo tüsho keyean loyibo nangde nü tsühsoniusobo bushihbah; tüsho nü tsühsoniusobonü arü riri kiutobo müküh-a lubah.

THRÜNTAN 32:12

Tümüde nünü tha, ‘Tsükjide inü nü tsüde akümbah, tüsho nü tsühsoniusobo mükhekhambe keto loyi nangde hihde akamshihbah.’ ”

2 SAMUEL 7:24

Tüsho nünü Israelrü lünnü nü mihtsürü thsüpü thsakham; tüsho O Atungpuh , nü arü Thrünpuh kamabah.

ISAIA 43:6

Inü dukulim thabah, “Tsoshang,” tüsho düjinglim, “Dütholo; I tsührübo limshu chingnü tüsho I tsührübebo alomi akheam chingnü bedarang–

ISAIA 48:19

Nü tsührü loyi nangde alabah, tüsho nü tsühsoniuso hibümbo nangde alabah; arü mung küyimkishe yihdoa mübah yungsho I mikinü müdükheakshih.

ISAIA 63:16

Tümüde nü isa abuh, Abrahamnü isa mümükheahkheah she tüsho Israelnü isa mümütsantsan she; nü, O Atungpuh , isa abuh lah; adüsonü isa Rhokhitbuh ju nü mung ah.

ISAIA 64:8

Tütüshe, O Atungpuh , nü a isa Abuh; isa ju alo, tüsho nü isa phühdamrü; isa alala nü khah rhimo ah.

ISAIA 65:1

I mükeokhirünü I yimde alakheah, I müyimrünü I ngükhit. I mung müjirü trükshih kilim inü tha, “ I ha ching lah, I ha ching lah.”

ISAIA 66:20

Arünü nüsa keoniorü alala trükshih alala chingnü A TU N GPU H kilim kingaün nangde, khorabo, khora-lolungbe, atho-lolungbe, khoranunu, tüsho kemelbo kheaknü Jirusalem ching I yo amüsüh wung kheak handarübah, Atungpuhnü thachoh, Israelrünü amüsüh yukpung chingnü hi kingaün Atungpuh yam ching handarükhi nangde alabah.

JEREMIA 33:22

Thüning ching chiningbo mükhekhamkhi nangde tüsho keto loyi madünkhukkhi nangde, inü I yamlarü David tsührü, tüsho I tankihrü Levirü bushihbah.

DANIEL 6:26

I kiulongthsü ching mihtsürü alalanü Daniel Thrünpuh miki ajanbeah tüsho atrebeah de inü thiyuzüng khülang thsüchoh: Tümüde api arhang Thrünpuh ah, lünnü lah. Api kiulongthsü küyimkishe müthsümünim, tüsho api yakzan shuhkhi akheam müla.

HOSEA 1:9

Atungpuhnü tha, “Api mung Lo-ammi jiang, tümüde nüsa I mihtsürü yung tüsho I nüsa Thrünpuh yung.”

HOSEA 2:23

tüsho inü anihbe I lo ching yangbah. Tüsho inü Lo-ruhama kheak amuzho labah tüsho inü Lo-ammi ki thabah, “ Nü I mihtsürü ah”; tüsho apinü athabah, “ Nü I Thrünpuh.”

JOHAN 1:12

Tüshe api leangkhirü ahihkhüh kilim, api mung ching kinrü kilim she apinü Thrünpuh tsührü kampü alim jih:

ROMRÜ KILIM PAULNÜ ATHRÜTKHI KIHÜM HUHTANYU 8:19

Thrünpuh tsührübo thsungkheak amikheak akhiukpü thrüna lakhi alalanü mulong dukde aleanglah;

2 KORINT 6:18

I nüsa abuh thsübah, tüsho nüsa I tsührübo le tsührübebo thsübah, Wuto Atungpuhnü thachoh.”

IBRI 11:12

Tüsho api sheabah-a lalashe, mihtsürü khülang kheaknü thüning chiningbo hihdakkhi nangde tüsho kemungyean mükhebinkhi loyi nangde tsühsoniusobo trükkhit.