HOSEA 1:1 - AMÜSÜH HÜM CL Bible (BSI)

¹ Atungpuh yusheak ha Juda kiulongthsürü Uzzia, Jotham, Ahaz, Hezekia tüsho Israel kiulongthsüpuh Jehoash tsührü Jeroboam nimungbo ching Beeri tsührü Hosea kilim arü.

HOSEA 1:1 Iomraidhean Croise

2 KIULONG THSÜRÜ 13:13

Junangde Jehoash nihbuh jipürü lung yap, tüsho Jeroboamnü api kiulongthsübinkiu kheak bin; Jehoash ju Israel kiulongthsürü bolung Samaria ching kiuyukabah.

2 KIULONG THSÜRÜ 14:16

Jehoash nihbuh jipürü lung yap, tüsho Samaria ching Israel kiulongthsürü bolung kiuyukabah.

2 KIULONG THSÜRÜ 14:23

Judarü Joash tsührü kiulongthsüpuh Amazia kam thürükheak phüngüpü ching, Israelrü Jehoash tsührü kiulongthsüpuh Jeroboamnü Samaria ching kiulongthsüpü tankih; apinü kam yirükheak khülang kiulongthsü.

2 KIULONG THSÜRÜ 15:32

Israelrü Remalia tsührü kiulongthsüpuh Peka kam mahnepü ching Judarü Uzzia tsührü kiulongthsüpuh Jothamnü kiulongthsüpü tankih.

2 KIULONG THSÜRÜ 15:5

Atungpuhnü kiulongthsüpuh kheak shik, junangde api ashe khiungde apham kih, tüsho thüyam büthsükhi ching lakheah. Kiulongthsüpuh tsührü Jothamnü kiulongthsüpuh yam kheahde lomi mihtsürü ki yakzan shuhde alakheah.

2 KIULONG THSÜRÜ 15:7

Azaria nihbuh jipürü lung yap; arünü api nihbuh jipürü lung David kiuto ching kiuyukabah; api tsührü Jothamnü api müthri.

2 KIUTHSÜYUKHEAN 27:1

Jotham kiulongthsüpü tankihchoki kam 25 azorü lakheah; apinü Jirusalem ching kam thürükheak thuruk kiulongthsü. Abe mung ju Zadok tsührübe Jerusha lakheah.

2 KIUTHSÜYUKHEAN 28:1

Ahaz kiulongthsüpü tankihchoki kam 20 azorü lakheah; apinü Jirusalem ching kam thürükheak thuruk kiulongthsü. Api jipürü Davidnü arhimokhi nangde apinü Atungpuh miki alungki mürhimo,

2 KIUTHSÜYUKHEAN 29:33

Amüsühkhitkhi kingaünbo ju moshi 600 tüsho namfimihnu 3000.

ISAIA 1:1

Juda tüsho Jirusalem dünkheak, Juda kiulongthsürübo Uzzia, Jotham, Ahaz tüsho Hezekia kim ching ngükhi Amoz tsührü Isaia michih.

ISAIA 7:1

Uzzia tsührü, Jotham tsührü Ahaz, Juda kiulongthsüpuh nimungbo ching, Siria kiulongthsüpuh Rezin tüsho Remalia tsührü Israel kiulongthsüpuh Pekanü Jirusalem yanpü wutu, tüshe müyankhuk.

JEREMIA 1:2

Amon tsührü Juda kiulongthsüpuh Josia nimungbo ching api kiulongthsü kam thürükheak mahsampü ching anihbuh kilim Atungpuh yu arü.

JEREMIA 1:4

Kheakü Atungpuhnü I ki tha,

EZEKIEL 1:3

Kebar Ayung ki Kaldearü lomi ching, Buzi tsührü amükeambuh Ezekiel kilim Atungpuh yu arü; tüsho ju ching Atungpuh khah api kheak lakheah.

JOEL 1:1

Pethuel tsührü Joel kilim arükhi Atungpuh yu ha lah.

AMOS 1:1

Tekoa namfimihnu neakrü bolung lakhi Amos yubo, ju apinü Juda kiulongthsüpuh Uzzia tüsho Israel kiulongthsüpuh Jehoash tsührü Jeroboam nimungbo ching Israel dünkheak muliuyuk arüpü kam mahne müngüh lakheah.

JONA 1:1

Kheakü Amittai tsührü Jona kilim Atungpuh yu arü,

MIKA 1:1

Juda kiulongthsürübo Jotham, Ahaz tüsho Hezekia nimungbo ching apinü Samaria tüsho Jirusalem dünkheak ngükhi Moreshethrü Mika ki arükhi Atungpuh yu.

ZEKARIA 1:1

Darius kam mahnepü, khinu tizheah ching Iddo tsührü Berekia tsührü wukihbuh Zekaria kilim Atungpuh yu arü:

JOHAN 10:35

Apinü Thrünpuh yu arüshihrü ki thrünpuhbo de jisho (tüsho amüsühyu ju müthsümünimkhuk),

ROMRÜ KILIM PAULNÜ ATHRÜTKHI KIHÜM HUHTANYU 9:25

Apinü Hosea ching thachoh, “Sherü I mihtsürü müthsükheanü inü ‘I mihtsürü,’ de ajibah tüsho inü mümuzhobe ki, ‘Inü amuzhobe,’ de ajibah.”

2 PETER 1:21

tümütüsho müchitkhi tümü she mihtsürü lümkhi chingnü marü, tüshe Amüsüh Menü bede mihtsürübonü Thrünpuh kilimnü asuk.