HAGGAI 2:7 - AMÜSÜH HÜM CL Bible (BSI)

⁷ tüsho inü trükshih alala niukbah, junangde trükshih rahpungbo arübah, tüsho lakhitnü ha yam inü amishihbah, Wuto Atungpuhnü thachoh.

HAGGAI 2:7 Iomraidhean Croise

THRÜNTAN 22:18

Nü müjih ching alomi trükshih alala müngühmühibah, tümütüsho nünü I ki mihyuanido.”

THRÜNTAN 3:15

Inü alibe le nüke dükeak tüsho nü müjih le alibe müjih dükeak lungkhangachih zojihbah; apinü nü ku thrümrüpbah tüsho nünü api lahzhi kheak mukiubah.”

THRÜNTAN 49:10

Judanü kiulongthsü tso zhimbah, tüsho api tsühsoniusobonü kamruhroro yakzan shuhbah. Trükshihbonü api kilim ruk hande arübah tüsho api miki wüntre jihde khukningbah.

1 KIULONG THSÜRÜ 8:10

Tüsho küyimki amükeamrübo amüsüh dangpung chingnü akhiukkhea, Atungpuh yam ching amonü mi.

1 KIULONG THSÜRÜ 8:11

Junangde amo lakhinü amükeamrübonü tankihpü müzhipkhukde kam; tümüde Atungpuh müretahkhinü api arüngyam mide kam.

2 KIUTHSÜYUKHEAN 5:14

junangde amo lamonü amükeamrübonü tankihpü müzhipkhuk; tümüde Atungpuh müretahkhinü Thrünpuh yam mi.

MUNGSHIKHÜN 80:1

Aniang, O Israel neakbuh, nü shepünü mihnu boto nangde Josep becho; nü shepü cherubim dükeak zhingzhingde la!

MUNGSHIKHÜN 85:9

Tsükjide api trerü ki api akhümkhit thüninde lah, junangde müretahkhi isa lomi ching labah.

ISAIA 2:19

Apinü alomi müzünpü asürüchoh, Atungpuh atrebe tüsho api wüntre-müretah chingnü tsokhide lungkhünbo tüsho alokhün ching yüzahbah.

ISAIA 60:4

Nü mükbo züngkihang tüsho mükamde kheahang; arü alala rukhüh mukhungchoh, arübo nü kilim arüchoh; nü tsührübo limshu chingnü arübah, tüsho nü tsührübebo arü mütrürü bin kheak shuhbah.

ISAIA 60:7

Kedar mihnu boto alala nü ki mukhungbah, Nebaioth namfimihnupungbonü nü tankihbah; arübo I kingaün sadam kheak aleangkhikhukbe labah. Tüsho inü I müretahkhi yam müretahshihbah.

EZEKIEL 21:27

Athsümünim! Athsümünim! Inü ha kiuto thsümünimbah! Tüshe ha kiuto thsümüchipü mokhitkhi marüyi khiungde müdünji; api kilim inü ju jihbah.

EZEKIEL 31:16

Inü alokhün ching yüzahrü lung Ashelomi ching nimyukchoki, akeamkhi düsheaknü trükshihbo ajanbah; tüsho Eden sangdungbo alala Lebanon ching mokhitkhi tüsho atsüdak ke duhkhi alala Ashe-lomi ching shukheambah.

EZEKIEL 38:19

Tümüde I mükthsükhi ching tüsho I mulong zhipzhipkhi ching inü khipkhitchoh: Ju nimung Israel lomi ching muliuyuk züngkhi ato labah;

EZEKIEL 44:4

Jushu apinü I dukulim chipiripit limronü arüngyam mikhuh bedarü; tüsho inü kheah, tüsho kheahang! Atungpuh müretahkhinü Atungpuh arüngyam mia lakheah; tüsho inü I miro mükhüm.

HAGGAI 1:8

Müzüngbo ching wutuang tüsho sang hande arang tüsho thüyam thsüang, junangde inü ju ching asühbah tüsho wüntrebah, Atungpuhnü thachoh.

MALAKI 3:1

Kheahang, inü I müngüh limro thsakhamshihpü I yunithsürü arüshihchoh, tüsho nüsanü yimde alakhi Atungpuh nahde api arüngyam ching arübah. Nüsanü asühde alakhi tangzüngkhi yunithsürü atsütsü arüchoh, Wuto Atungpuhnü thachoh.

LUKNÜ ATHRÜTKHI THIYUSHEAK-ATSÜ HUHTANYU 19:47

Tüsho apinü nimung aban arüngyam ching thsangyude alakheah. Tüshe amükeam putungrübo, yakzan thsangyurübo, tüsho mihtsürü limberübonü api laksahpü yim,

LUKNÜ ATHRÜTKHI THIYUSHEAK-ATSÜ HUHTANYU 2:27

Tüsho Menü qiude apinü arüngyam ching arü; tüsho küyimki api thsungkheak yakzan yande arhimopü bebuhrünü khungarü Jisu bede yüzahkhea,

LUKNÜ ATHRÜTKHI THIYUSHEAK-ATSÜ HUHTANYU 2:46

Nimung mahsam dunglim arünü api ju thsangyurü bolung binde, arü ki anide tüsho keokhide arüngyam ching ngü;

LUKNÜ ATHRÜTKHI THIYUSHEAK-ATSÜ HUHTANYU 20:1

Nimung khülang apinü arüngyam ching mihtsürübo thsangyude tüsho thiyusheak-atsü thsangyuthsangrade alachoki, amükeam putungrübo tüsho yakzan thsangyurübonü azothsürübo lung thsürubah Jisu shoru.

LUKNÜ ATHRÜTKHI THIYUSHEAK-ATSÜ HUHTANYU 21:38

tüsho yapsu mükikde mihtsürü alalanü arüngyam ching api yu anipü api kilim arü.

JOHAN 1:14

Thiyu ju shih kam tüsho isa bolung la, tüsho mihmüthsüm le thiyuronü mide alakhi lapkhiung tsührü müretah isanü ngü.

GALATIA 3:8

Thrünpuhnü akin hode khiungkerü alim kamshihbah de amüsühyunü müchit, tüsho amüngühnü thiyusheak-atsü Abraham ki mükheahshih: “Trükshih alala nü hode müngühmühibah.”

KOLOSI 2:9

Tümüde api kheak abanathsangkhi Thrünpuh pangnü lachoh,