HAGGAI 2:23 - AMÜSÜH HÜM CL Bible (BSI)

²³ Wuto Atungpuhnü thachoh, ju nimung, inü nü bea lubah, O I yamlarü Zerubbabel, Shealtiel tsührü, Atungpuhnü thachoh, tüsho nü ju mütsanyüm yingkhüm nangde akamshihbah; tümüde inü nü mokhitdo, Wuto Atungpuhnü thachoh.

HAGGAI 2:23 Iomraidhean Croise

MUNGSHIKHÜN 65:5

Thiyuro-lungki ching atrebe rhimokhinü nünü isa ki alobah, O isa akhümkhit Thrünpuh, alomi alala tüsho ketobo akheamnü nü kheak mulonglamchoh;

KHÜNBOLUNGKHÜN 8:6

I nü mulong kheak yümkihkhi nangde, nü bin kheak yümkihkhi nangde zoang; tümüde amuzho ju ashebe nangde müranglah, mükthsükhi kiuyuk nangde bukakhiukkhi lah. Atrukhi ju, mo trukhi, momulo nangde lah.

ISAIA 42:1

Ha kheak inü ramloa lakhi I yamlarü lah, shepü inü mokhitkhi, shepü kheak I menü asühcho; inü I me api kheak yukjihdo; apinü trükshihbo kilim thiyuro handarübah.

ISAIA 43:10

Nüsa I yumütsan thsürübo, Atungpuhnü thachoh, tüsho inü mokhitkhi I yamlarü, junangde nüsanü mükheahbah tüsho I kinbah tüsho I api ah de anikhitbah. I müngüh thrünpuh sheshe mükamde alakheah, yungsho I dunglim sheshe müla.

ISAIA 49:16

Kheahang, inü nü I müyilung kheak thrütkihdo; nü chipibo mutuklode I miki lah.

JEREMIA 22:24

Atungpuhnü thachoh, Jehoiakim tsührü, Juda kiulongthsüpuh Jehoiakin I khah tsülim peang mütsan-dokhi yingkhüm thsüthsü she, ju chingnü she inü nü rukkhita bahbah

MATHI 12:18

“Ha ching inü amokhitkhi I yamlarü, inü amuzhokhi tüsho inü asühkhi lah; inü api kheak I me lashihbah, tüsho apinü trükshihbo ki thiyuro zhiyukbah.

JOHAN 6:27

Adükheakpü lakhi tsühyungbe thsungkheak yung, tüshe Mihtsürü Tsührünü nüsa jihpü lakhi akheam müla rhangdung rünkhiungpü tsühyungbe thsungkheak rhimoang, tümütüsho Abuh Thrünpuhnü api kheak anihbuh amütsan yümkih-a lah.”

2 TIMOTHI 2:19

Tüshe ha amütsan bede Thrünpuh yo adüküng khimtan zhiplah: “Sherü api yoanü Atungpuhnü mükheahlah,” tüsho, “Atungpuh mung jirü abannü amülim chingnü chamkhishang.”

1 PETER 2:4

Mihtsürünü abahyukkhi tüshe Thrünpuhnü amokhitkhi tüsho api ki shoto lakhi arhang lung kilim arang;