HAGGAI 2:22 - AMÜSÜH HÜM CL Bible (BSI)

²² tüsho kiulongthsübinkiubo lah-a bahpü lah; inü trükshih kiulongthsübo sühmüh thsümünimbah tüsho khoralolungbe le aberübo lah-a bahpü thsüchoh; tüsho khorabo le aberübo nihbuh zangzang mihbüm aban keoniorü nukshangnü akeambah.

HAGGAI 2:22 Iomraidhean Croise

2 KIUTHSÜYUKHEAN 15:6

Arübo adütre kamde yihthünak, trükshihnü trükshih azhih tüsho kiutonü kiuto azhih, tümüde Thrünpuhnü arü lümthsünü aphuaphunü küpkhuk jih.

2 KIUTHSÜYUKHEAN 20:22

Arünü khün thsüpü tüsho mung shipü tankihchoki, Atungpuhnü Amonrü, Moab, Seir awung, Juda azhihde arürübo yanpü thüram yuk, junangde arübo kukabah.

2 KIUTHSÜYUKHEAN 20:23

Tümüde Amon le Moab mihtsürünü Seir awung shahde dükheakshihde yan; tüsho küyimki arünü Seir ching larü akheam thsüshihkhea, arünü adükheakshihpü rungachih.

MUNGSHIKHÜN 46:9

Apinü alomiküp alala ching thirithsü tukloshihchoh; apinü sanglüh yihshakchoh, thsühbo thsümünimchoh tüsho monü tsungbo takchoh.

MUNGSHIKHÜN 76:6

O Jakob Thrünpuh, nünü athürühkhinü khorabo tüsho khoraberü chido shea yaplah.

ABEKHIT 14:17

Tüsho inü Ijiprü mulong müküpshihbah, junangde arünü arü dunglim yüzahbah, tüsho Pharao le api bonungrü, api khora-lolungbebo, tüsho api khoraberü hode I müretahbah.

ABEKHIT 14:28

Judüki kebo alodarübah khora-lolungbebo, khoraberübo, tüsho arü dunglim keto ching arükhi Pharao bonungrü alala zündo.

ABEKHIT 15:19

Tümüde Pharao khorabo api khora-lolungbebo tüsho khoraberübo lung keto ching yüzah, tüsho Atungpuhnü arü kheak keto kebo belodarü. Tüshe Israelrü kero phulung ching alo akung kheaknü yü.

ABEKHIT 15:4

“Pharao khora-lolungbebo tüsho api bonungrü apinü keto ching jipyuk; tüsho amokhitkhi api torübo Amürüm Keto ching thüraksah.

ISAIA 19:2

Inü Ijiprü azhihde Ijiprü thsurangmusubah, tüsho arü khülangnü püpürü azhihde, yamhingrünü yamhingrü azhihde, kiutonü kiuto azhihde, kiulongthsünü kiulongthsü azhihde keochihbah;

ISAIA 60:12

Tümüde nü mütankihpü lakhi trükshih tüsho kiulongthsü adükheakbah; jurü trükshihbo shahde thsümünima labah.

ISAIA 9:19

Wuto A TU N GPU H bukakhiukkhi hode, alomi takkheah, tüsho mihtsürübo mokhih nangde kam. Khülangnü khülang maningshih.

EZEKIEL 21:27

Athsümünim! Athsümünim! Inü ha kiuto thsümünimbah! Tüshe ha kiuto thsümüchipü mokhitkhi marüyi khiungde müdünji; api kilim inü ju jihbah.

EZEKIEL 26:16

Judüki keto yakzanshuhrübo alalanü arü kiulongthsü-binkiu chingnü akibah; arü shulünkhimbo tüsho arü yakkhokhi khimmihbo yihkhitbah. Arünü nihbuh zangrü ajankhinü khim thsübah alo kheak binbah; arünü kim aban ajanbah tüsho nü ki müyinsahbah.

EZEKIEL 38:21

Inü I wungbo alala kheak Gog azhihde nukshang jihbah, Atungpuh Thrünpuhnü thachoh; mihbüm aban thsühnuknü khülangnü khülang azhihbah.

EZEKIEL 39:20

I dükhüm kheak, nüsa khorabo tüsho aberü, thirithsü mihtsürü tüsho bonungrü mungji aban bukmüthsüyi khiungde atsühbah, Atungpuh Thrünpuhnü thachoh.

DANIEL 8:25

Api rüknü api rük-thsükhi ching akuk ngübah, tüsho anihbuh lüm ching api zangrü shilobah. Mümükheahshihde apinü ahihdo thsümünimbah; tüsho apinü kiulongthsürü kheaknü kiulongthsürü she azhihbah; tüshe mihtsürü khahnü yungde api thsümünimbah.

AMOS 2:15

sherü sanglüh shuhchonü müzhip, tüsho sherü jing athrilanü mükhümkhit, yungsho khoraberünü arü rhangdung mükhümkhit;

MIKA 5:10

Atungpuhnü thachoh, ju nimung ching inü nüsa khorabo tüsho khora-lolungbebo nüsa bolungnü akheamshihbah;

MIKA 5:15

Bukakhiukkhi tüsho mulong zhipzhip ching inü mihyumanikhi trükshihbo kheak royimbah.

MIKA 5:8

Tüsho trükshih bolung ching aningkhi Jakob, mihtsürü ahihdonü zündoa lakhi ju, mütüm shiwüh bolung kekhüzü khülang nangde, namfimihnu boto lung hode yüchoki junakkhi, abekhitrü she mülade adütre kamde thonakkhi kekhüzü nunu khülang nangde alabah.

MIKA 5:9

Nü azhihrü kheak nü khah shuhkihbah, tüsho nü riri alala dükheakshihbah.

MIKA 7:16

Trükshihbonü angübah tüsho arü sühmüh alala dünkheak achihbah; arünü arü khahbo arü mün hümbah; arü nükhün peangbah;

ZEPHANIA 3:8

Jumonü Atungpuhnü thachoh, inü thiyumütsan thsüde wusurüpü nimung aleangang. Tümüde inü apungkhikhi ju trükshihbo bemukhungpü, kiulongthsübo bemukhungpü, arü kheak I mulong zhipzhip tüsho bukakhiukkhi dungkihpü lah; tümüde I bukakhiukde mo trukhi ching alomi alala aniuabahbah.

ZEKARIA 10:11

Arünü lümthsünü keto tsahhobah, tüsho keto abükkhibo kingkheambah tüsho Nile asükbo alala ngahbah. Asiria kükheangkhi abobe kambah tüsho Ijip tso chamde atsobah.

ZEKARIA 10:5

Arü thsürubah keochih ching thirithsürü nangde, kiudunglimrobo akhimniuhniuh ching thiriri thrümbah; arünü keochihbah, tümüde Atungpuh arü lung lah, tüsho arünü khora kheak binrübo achih ngüshihbah.

ZEKARIA 12:9

Tüsho ju nimung Jirusalem azhihde arükhi trükshih alala dükheakshihpü inü ayimbah.

ZEKARIA 14:3

Judüki Atungpuhnü keochih nimung apinü keochihkhi nangde khuhto ching yübah tüsho jurü trükshihbo bede keochihbah.

ZEKARIA 4:6

Apinü I ki tha, “Ha Zerubbabel ki Atungpuh yu lah: ‘ Sühmühnü yung yungsho wunü yung, tüshe me hode lah,’ Wuto Atungpuhnü thachoh.

ZEKARIA 9:10

Apinü Ephraim chingnü khora-lolungbe tüsho Jirusalem chingnü thirithsü khora dükheakshihbah; tüsho keochihbe sanglühbo thsümünimbah, tüsho apinü trükshihbo ki mungtsü yukhüm jihbah; api yakzan shuhkhi ketonü keto khiungde alabah, tüsho Euphra Ayung chingnü alomi akheambo khiungde alabah.

MATHI 24:7

Tümütüsho trükshihnü trükshih, tüsho kiulongthsünü kiulongthsü azhihde wusubah. Tüsho dangpung aban ching khümzung, arüm, tüsho muliuyuk labah.

AMIKHEAKAKHIUKKHI 11:15

Judüki athünepü yunirünü api hulipungpung müt, tüsho yinmi chingnü düsheak achangnü tha, “Alomi kiulongthsü ju isa Atungpuh tüsho api yo Khrista kiulongthsü kamdo, tüsho apinü lünnü lün kiulongthsübah,”

MAHKHAPRÜ 7:22

Küyimki 300nü hulipungpung mütkhea, Atungpuhnü mihtsürübo nukshang ju nihbuh müyamrü kheak dünkihachihshih. Arünü Tabbath phüni Abel kiuto Mehola khiungde, Beth-shitta khiungde Zarethan lim alihde tso.

1 SAMUEL 14:16

Benjamin lomi ching lakhi Gibea chingnü Saul mihtsürübonü Filistiarübo nanachihde atsokhi ngü.