HAGGAI 2:16 - AMÜSÜH HÜM CL Bible (BSI)

¹⁶ nünü hi wumujung ching khahngak 200 ngüpü mükkin thsüde yü, tüshe 100 lakheah. Nünü pangjiphüh chingnü yukhu pungdüchi 100 khippü yü, tüshe 40 lang alakheah.

HAGGAI 2:16 Iomraidhean Croise

ISAIA 5:10

Tümüde kurungasolu lushih 10nü pungdüchi 8 lang akhiukbah tüsho müjih tramduhkhühnü keluhkhüh lang akhiukbah.

JEREMIA 48:33

Asühara tüsho asühachihkhi Moab amüdang lomi chingnü lude tsodo; inü yukhu nitpung chingnü yukhu tuklodo; shenü jurübo asühachihde münit; azhikhi ju asühachihde azhikhi yung.

HAGGAI 1:6

Nüsanü hihde mükheando, tüshe nükde yimludo; nüsanü tsühchoh, tüshe küyimkishe nüsa bukmüthsü; nüsanü yungchoh, tüshe küyimkishe nüsa kethürimüri; nüsanü khim phuyuchoh, tüshe sheshe mülamlam, tüsho nüsanü mulomüthsükhi ju akhün bitkhi qiuqiu ching yukpü mulomüthsüchoh.

HAGGAI 2:15

Tüshe kheakü, khihninü tümü dünjibanü lümakheahang. Atungpuh arüngyam ching lung khülang kheaknü lung khülang kheangkih-a lang lachoki,

HAGGAI 2:17

Inü nüsa le nüsa khah rhimo alala tukthsü-mü le mokri tüsho arunü shik; tütüshe nüsanü I kilim murholo, Atungpuhnü thachoh.

MALAKI 2:2

Nüsanü manisho, nüsanü I mung müretahshihpü mulong ching muzhosho, Wuto Atungpuhnü thachoh, inü nüsa kheak muthrumünean arüshihbah tüsho inü nüsa müngühmühibo muthrumüneanbah; atsütsü inü arübo muthrumüneana bahdo, tümütüsho nüsanü ju mulong ching muzo.