HAGGAI 1:4 - AMÜSÜH HÜM CL Bible (BSI)

⁴ Ha yam thsümünima lachoki, nüsa a thüyam atsübo ching lapü ha kim a de?

HAGGAI 1:4 Iomraidhean Croise

2 SAMUEL 7:2

kiulongthsüpuhnü Nathan wukihrü ki tha, “ Kheakü kheahang, I cedar sang yam ching lachoh, tüshe Thrünpuh sangdan a khimyam ching lah.”

2 KIULONG THSÜRÜ 5:26

Tüshe apinü anihbuh ki tha, “ Khürünü nü shorupü nihbuh khora-lolungbe kheaknü ajukkhichoki me ching I nü lung müyükhea de? Sho tüsho khimmih, oliv lu, tüsho kurungasolu, namfimihnu tüsho moshipung, tüsho athrürü le aliberü azhorübo leangkhipü ha kima de?

MUNGSHIKHÜN 102:14

Tümüde nü yamlarübonü anihbe lungbo kheak asühchoh, tüsho anihbe asungthulung ki amuzho huhchoh.

MUNGSHIKHÜN 74:7

Arünü nü arüngakopung kheak mo thsahkihdo; arünü nü mung lapung alo kheak müneando.

T H S AN GYU T H S AN GR ARÜ 3:3

alaksahpü kim khülang, tüsho athsüngupü kim khülang; athokheampü kim khülang, tüsho athsüpü kim khülang;

JEREMIA 22:14

shepünü thacho, “ Inü I yam khiungshak atotobo achangbe khiungshak ato bede athsübah,” tüsho shepünü ju thsungkheak ayinripitbo thsücho, cedarnü kümlocho tüsho yin-mürümmuchunü mujucho.

JEREMIA 26:18

“Juda kiulongthsüpuh Hezekia nimungbo ching müchitbuh Moreshethrü Mikanü Juda mihtsürü alala ki tha: ‘ Wuto Atungpuhnü ha thachoh, Zion ju thulu nangde wochakbah; Jirusalem athsümünim mujung kambah, tüsho thüyam wung ju murung kambah.’

JEREMIA 26:6

inü ha yam Shilo nangde akamshihbah, tüsho alomi trükshih alala bolung ha kiuto muthrumünean kamshihbah.

JEREMIA 33:10

Atungpuhnü ha thachoh: Ha dangpung ching küpü nüsanü thacho, “Ha mihtsürü yungsho shiwüh mülade abahkhi lah,” Juda kiutobo ching tüsho azhikkhi Jirusalem kiudunglimrobo ching, mihtsürü yungsho shiwüh mülakhi ching khülang ki solobah,

JEREMIA 33:12

Wuto Atungpuhnü ha thachoh: Mihtsürü tüsho shiwüh mülakhi ha dangpung ching, tüsho kiuto alala ching kheaküshe mihnu neakrübonü arü mihnubo yimkippung rimlopung labah.

JEREMIA 52:13

Apinü Atungpuh yam, kiulongthsüpuh yam, tüsho Jirusalem yambo alala tak; atorü yambo alala takabah.

TÜZHOKHI 2:7

Atungpuhnü api kingaün sadam tüsho api arüngyam bahyukdo; apinü kiulongthsürü-yam chipibo thiriri khah ching jihdo; thünio nimung nangde Atungpuh yam ching düsheak khülang zhikihdo.

TÜZHOKHI 4:1

Künangde suna thsü müwado kama la, künangde suna müthsün thsü müthria la! Amüsüh lungbo kiudunglimro aban ching hiumüzüta yaplah.

EZEKIEL 24:21

Israel yamkhün ki thaang, Atungpuh Thrünpuhnü ha thachoh: Inü nüsanü lülüshishikhi, nüsa mükbo asühkhi, tüsho nüsa mulongnü akünkhi I yo arüngyam müneanbah; tüsho nüsanü aninga lashihkhi nüsa tsührübo le tsührübebo nukshangnü akeambah.

LEVI 19:25

Tüshe kam phüngüpü ching a nüsanü sangaso ju atsühpü kuklah, junangde nüsa thsungkheak hihde asobah. I Atungpuh nüsa Thrünpuh ah.

MIKA 3:12

Jumonü nüsa dünkheaknü thulu nangde Zion wochakbah; Jirusalem ju athsümünim mujung kambah, tüsho arüngyam wung ju murung kambah.

HAGGAI 1:3

Judüki wukihbuh Haggai hode Atungpuh yu arü:

HAGGAI 1:5

Kheakü jumonü Wuto Atungpuhnü ha thachoh: Nüsa limrobo lümakheahang.

HAGGAI 1:9

Nüsanü ahihkhüh thsungkheak kheahdo, tüsho kheahang ha anikhüh arüdo; tüsho küyimki nüsanü ju thüyam lim hande arükheanü, inü müta tsoshih. Wuto Atungpuhnü thachoh, tümü thsükhea? Tümütüsho nüsa alala nihbuh yam ching athsümünim ching lah.

MATHI 6:33

Tüshe nünü akhuhde api kiulongthsü tüsho api thiyuro-lungki yimang, tüsho harü alala nü kilim jihbah.

FILIPI 2:21

Arü alalanü Jisu Khrista thsungkheak yungde arü nihbuh künkhi yimchoh.