HAGGAI 1:12 - AMÜSÜH HÜM CL Bible (BSI)

¹² Judüki Shealtiel tsührü Zerubbabel, tüsho Jehozadak tsührü achangbe amükeambuh Jihusua, ju lung aningkhi mihtsürü alalanü Atungpuh arü Thrünpuh düsheak, tüsho Atungpuh arü Thrünpuhnü api thiyikhi nangde wukihbuh Haggai yubo ani; tüsho mihtsürübonü Atungpuh tre.

HAGGAI 1:12 Iomraidhean Croise

THRÜNTAN 22:12

Tüsho apinü tha, “Azübuh kheak nü khah düchung, yungsho api ki tümü düthsü; tümüde kheakü nünü Thrünpuh trelah de inü mükheahlah, tümütüsho nünü nü tsührü khülang lang alakhi I ki müsühmüh.”

EZRA 10:18

Khiungkeberü yihlurü athrürübo harü ah: Amükeamrü yamkhün chingnü: Jozadak tsührü Jeshua tsührübo tüsho akeoniorübo: Maaseia, Eliezer, Jarib, tüsho Gedalia.

EZRA 5:2

Jumonü Shealtiel tsührü Zerubbabel tüsho Jehozadak tsührü Jeshua anenü tsahmusude yübah, Jirusalem ching arüngyam thsülopü tankih, tüsho wukihrü mahne junü arü rung.

MUNGSHIKHÜN 112:1

Atungpuh shiang! Mihtsürü shepünü Atungpuh trecho, shepünü api yukhümbo ching tode asühchonü müngühmühi.

MÜCHITMUDU 1:7

Atungpuh trekhi ju mükheahmudu akhuhbe ah, tüshe makharünü lümlung tüsho thsangdankhi bahyukchoh.

T H S AN GYU T H S AN GR ARÜ 12:13

Isanü alala zamrukhi akheam soanü: Thrünpuh treang, tüsho api yukhümbo zoang; tümüde mihtsürünü arhimobe alala ju ha lah.

ISAIA 1:19

Nüsanü mulongsho tüsho mihyu anisho, nüsanü alo ching yo atsü tsühbah;

ISAIA 50:10

Nüsa bolung shepünü Atungpuh trecho tüsho api yamlarü düsheak anicho, shepünü amiting ching tsahcho tüsho ayin müla, tütüshe Atungpuh mung ching kincho tüsho api Thrünpuh kheak düthsün angücho?

HAGGAI 1:1

Darius kiulongthsü mahnepü kam khinu thuruk, atan ni wukihbuh Haggai hode Shealtiel tsührü, Juda kovünor Zerubbabel, tüsho Jehozadak tsührü, achangbe amükeambuh Jihusua kilim Atungpuh yu arü:

HAGGAI 1:14

Tüsho Atungpuhnü Shealtiel tsührü, Juda kovünor Zerubbabel me, tüsho Jehozadak tsührü, achangbe amükeambuh Jihusua me, tüsho aningkhi mihtsürü alala me thurumusu; arünü arü tüsho arü Thrünpuh Wuto Atungpuh yam rhimomusu,

HAGGAI 2:2

Kheakü Shealtiel tsührü, Juda kovünor Zerubbabel, tüsho Jehozadak tsührü, achangbe amükeambuh Jihusua tüsho aningkhi mihtsürü alala ki thaang,

YUNIRÜBO RHIMO 9:31

Junangde Judea, Galilee tüsho Samaria ching borü alala mungtsü lade tankih-a lakheah; tüsho Atungpuh trekhi ching tsahde tüsho Amüsüh Menü mulong shukheamkhi ching wüh bude kam.

YUZÜNGTHALO 31:12

Mihtsürübo bemukhungang, athrürü tüsho aliberü, azürü anini tüsho nüsa chipimurung khüp lakhi khiungkerü, junangde arünü sobahle Atungpuh nüsa Thrünpuh wüntrepü mükheahbah tüsho ha yakzan kümkangde anibah,

YUZÜNGTHALO 31:13

junangde nüsa Jordan hode yübah müküh-a lupü lakhi lo ching nüsa rhangdung lachoki amuyung ha mümükheahrü arü tsührübonü asobah tüsho Atungpuh nüsa Thrünpuh wüntrepü mükheahbah.”

KOLOSI 1:6

alomi alala ching lakhi nangde, küpü nüsa kilim arükhea, tüsho nüsanü asokhi nimungnü nüsa bolung lakhi tüsho Thrünpuh amüthsüm thiyuro ching zokhi nangde;

IBRI 12:28

Jumonü isanü müniukkhukpü lakhi kiulongthsü leangkhikhi thsungkheak asühanü, tüsho junangde isanü wüntre tüsho trede Thrünpuh kilim aleangkhikhukbe kingaünanü;