HAGGAI 1:1 - AMÜSÜH HÜM CL Bible (BSI)

¹ Darius kiulongthsü mahnepü kam khinu thuruk, atan ni wukihbuh Haggai hode Shealtiel tsührü, Juda kovünor Zerubbabel, tüsho Jehozadak tsührü, achangbe amükeambuh Jihusua kilim Atungpuh yu arü:

HAGGAI 1:1 Iomraidhean Croise

1 KIULONG THSÜRÜ 10:15

ju yinzüyindorü tüsho shothsümolorü tüsho Arabia kiulongthsürü le lomi ching kovünorbo kilimnü arükhi ching yukrulah.

1 KIULONG THSÜRÜ 14:18

Tüsho apinü ayamlarü wukihbuh Ahija hode asukkhi, Atungpuh yu yande, Israel alalanü api kiuyukabah tüsho api thsungkheak tüzho.

2 KIULONG THSÜRÜ 14:25

Gath-hepherrü amükeambuh Amittai tsührü api yamlarü Jona ki Atungpuh Israel Thrünpuhnü asukkhi nangde, apinü Lebo-hamath chingnü Araba keto khiungde Israel aredungyean lulo.

1 KIUTHSÜYUKHEAN 3:17

tüsho Jekonia tsührübo ju Assir, atsührü Shealtiel,

1 KIUTHSÜYUKHEAN 3:19

Pedaia tsührübo: Zerubbabel tüsho Shimei; tüsho Zerubbabel tsührübo: Meshullam tüsho Hanania, tüsho tsührübe Shelomith;

EZRA 1:8

Persia kiulongthsüpuh Sairusnü harü rahpung mütsanmükhibuh Mithredath khah chingnü hande arübah Juda kovünor Sheshbazzar, ki mütsanmükhide jih.

EZRA 10:18

Khiungkeberü yihlurü athrürübo harü ah: Amükeamrü yamkhün chingnü: Jozadak tsührü Jeshua tsührübo tüsho akeoniorübo: Maaseia, Eliezer, Jarib, tüsho Gedalia.

EZRA 2:2

Arü limbede alungrübo ju Zerubbabel, Jeshua, Nehemia, Seraia, Reelaia, Mordekai, Bilshan, Mispar, Bigvai, Rehum tüsho Baana. Israel mihtsürü wühkhe:

EZRA 2:63

amükeamrünü Urim tüsho Thummim dap mübahyikia arübonü Thrünpuh kingaünkhi jimpung tsühpü mukuk de kovünornü tha.

EZRA 3:2

Jushu Jozadak tsührü Jeshua buhtsührü amükeamrübo, tüsho Shealtiel tsührü Zerubbabel, api keoniorübo de nungbah Thrünpuh mihtsürü Mosa yakzan hüm ching thrüta lakhi yande Israel Thrünpuh kilim taka kingaünpü arüngyam thsülo.

EZRA 3:8

Arü Thrünpuh yam lapung Jirusalem ching alungbah kam mahne kheak khinu mahnepü ching, Shealtiel tsührü Zerubbabel, Jozadak tsührü Jeshua tüsho aningkhi arü buhtsührü amükeamrübo, Levirübo tüsho ramtso chingnü Jirusalem lim alungrü alalanü rhimopü tankih tüsho Levirü kam muku kumung azorübo Atungpuh yam thsükhi kheahshihpü mokhit.

EZRA 4:2

arünü Zerubbabel tüsho gukbo ching akubo shorubah tha, “Arüngyam thsülopü thsungkheaknü isa she nüsa lung rukhüh thsanü, nüsanü kingaünkhi Thrünpuh ju lang isanü she kingaünchoh, tüsho Asiria kiulongthsüpuh Esarhaddon nü isa ha ching bedarükhi kim chingnü kingaünchoh.”

EZRA 4:24

Arüngyam rhimokhi tukloabahbah Persia kiulongthsüpuh Darius, kiulongthsü mahnepü kam khiungde zokheam.

EZRA 5:1

Judüki wukihrü mahne, Iddo tsührü Haggai tüsho Zekaria anenü Israel Thrünpuh mung chingnü Juda le Jirusalem ching larü Jihudarü ki müchitpü tankih.

EZRA 5:3

Judüki Euphra kethripkhüh lakhi kovünor Tattenai, Shetharbozenai tüsho arü rukhüh tankihrübo nungde Jirusalem lim arübah arü ki keokhi: “Ha arüngyam thsülopü tüsho chipi thsükhipü shenü thiyukhüm jihkhea?”

EZRA 6:14

Wukihrü Haggai le Iddo tsührü Zekaria bünenü thsangyude mulong toshihkhi hode, Jihudarü limberübonü arüngyam thsüde jakih. Israel Thrünpuh, Sairus, Darius tüsho Persia kiulongthsüpuh Artazerzes pürünü abekhi nangde arünü arüngyam thsükham.

NEHEMIA 12:1

Amükeamrü tüsho Levirü Shealtiel tsührü Zerubbabel tüsho Jeshua ane yande alung. Amükeamrü: Seraia, Jeremia, Ezra,

NEHEMIA 12:10

Jeshua ju Joiakim abuh; Joiakim ju Eliashib abuh; Eliashib ju Joiada abuh;

NEHEMIA 5:14

I Juda lomi kurungkheak yakzanshuhrü thsükhi amuyung, Artazerzes kiulongthsü kam muku chingnü kam samrükheak mahne khiungde, I tüsho I keoniorü shenü she yakzanshuhrünü atsühbe tsühyungbe mütsüh.

NEHEMIA 7:7

Arü bebah alungrü ju Zerubbabel, Jihusua, Nehemia, Azaria, Raamia, Nahamani, Mordekai, Bilshan, Mispereth, Begvai, Nehum tüsho Baana. Israel trük ramtso chingnü alunglorübo mung khin:

NEHEMIA 8:9

Küyimki mihtsürübonü yakzan sokhea, arü mulong khide qiu tüsho atrippü tankih. Jumonü kovünor Nehemia, amükeambuh tüsho yakzan mükheahmudurü Ezranü mihtsürübo ki tha, “Ha nimung ha Atungpuh nüsa Thrünpuh kilim amüsüh ah, nüsa mulong dürozhak tüsho dütrip.

ABEKHIT 4:13

Tüshe Mosanü alo, “O Atungpuh , muzhobah püpürü yüshang.”

HAGGAI 1:12

Judüki Shealtiel tsührü Zerubbabel, tüsho Jehozadak tsührü achangbe amükeambuh Jihusua, ju lung aningkhi mihtsürü alalanü Atungpuh arü Thrünpuh düsheak, tüsho Atungpuh arü Thrünpuhnü api thiyikhi nangde wukihbuh Haggai yubo ani; tüsho mihtsürübonü Atungpuh tre.

HAGGAI 1:14

Tüsho Atungpuhnü Shealtiel tsührü, Juda kovünor Zerubbabel me, tüsho Jehozadak tsührü, achangbe amükeambuh Jihusua me, tüsho aningkhi mihtsürü alala me thurumusu; arünü arü tüsho arü Thrünpuh Wuto Atungpuh yam rhimomusu,

HAGGAI 1:15

kiulongthsüpuh Darius kam mahnepü, khinu thuruk nimung mukukheak phüyi nipü lakheah.

HAGGAI 1:2

Wuto Atungpuhnü ha thachoh: Atungpuhnü yam thsülopü kim marüyi de harü mihtsürünü thachoh.

HAGGAI 1:3

Judüki wukihbuh Haggai hode Atungpuh yu arü:

HAGGAI 2:10

Darius kam mahnepü ching, khinu tuku, nimung mukukheak phüyi nipü, wukihbuh Haggai hode Atungpuh yu arü:

HAGGAI 2:20

Ju khinu, nimung mukukheak phüyi nipü Atungpuh yu mahne kipü Haggai kilim arü:

HAGGAI 2:21

Juda kovünor, Zerubbabel ki thaang, Inü thüningbo tüsho alomi niukpü thsüchoh,

HAGGAI 2:4

Tütüshe kheakü mulong toang, O Zerubbabel, Atungpuhnü thachoh; mulong toang, O Jihusua, Jehozadak tsührü, achangbe amükeambuh; mulong toang, nüsa lomi mihtsürü alala, Atungpuhnü thachoh; rhimoang, tümüde I nüsa lung lah, Wuto Atungpuhnü thachoh,

ZEKARIA 1:1

Darius kam mahnepü, khinu tizheah ching Iddo tsührü Berekia tsührü wukihbuh Zekaria kilim Atungpuh yu arü:

ZEKARIA 3:1

Judüki apinü Achangbe Amükeambuh Jihusua ju Atungpuh miki zhipde, tüsho api amülim jihpü akhah tsülim peang Arimri zhipde I ki huh.

MALAKI 1:8

Küyimki nüsanü amüktukkhi shiwüh laksah-a kingaünkhi ching jihbanü, ju amülim yung de? Tüsho küyimki nüsanü akikkhi yungsho tukthsükhi jihbanü, ju amülim yung de? Ju nü yo kovünor ki thsambah jih-a kheahang; apinü nü ki asühba de yungsho nü leangkhiba de? Wuto Atungpuhnü thachoh.

LUKNÜ ATHRÜTKHI THIYUSHEAK-ATSÜ HUHTANYU 3:27

Joanan tsührü, Rhesa tsührü Zerubbabel tsührü, Shealtiel tsührü, Neri tsührü,