HABAKKUK 3:8 - AMÜSÜH HÜM CL Bible (BSI)

⁸ Nü bukakhiukkhi ju ayungbo azhihde alakhea de, O Atungpuh ? Nü mulong zhipzhipkhi ayungbo azhihde alakhea de? Nünü khora tüsho lolungbebo bechoki nünü keto azhihde bukakhiukkhea de?

HABAKKUK 3:8 Iomraidhean Croise

MUNGSHIKHÜN 104:3

tüsho kebo kumung nü yam thsü. Nünü amobo nü khora-lolungbe thsü, tüsho apung ghidükeangbo kheak bin.

MUNGSHIKHÜN 114:3

Ketonü ju ngü tüsho tso; Jordannü rholode tso.

MUNGSHIKHÜN 114:5

O keto, tümü thsüa nü tsokhea? O Jordan, tümüde nü rholode atsokhea?

MUNGSHIKHÜN 18:10

Apinü cherub kheak bin, tüsho phin; apinü apung ghidükeangbo kheaknü athride arü.

MUNGSHIKHÜN 45:4

Thiyuro tüsho alungki tsunglopü thsungkheak akukkhi lim beang; nü sühmühnü akuk ato ngübah!

MUNGSHIKHÜN 68:17

Api lung khora-lolungbe chithürü ahihdo bebah Sinai chingnü amüsüh dangpung lim Atungpuh arüchoh.

MUNGSHIKHÜN 68:4

Thrünpuh ki api mung müshikhi khün thsang; shepü amobo kumung tsahchonü api ki achangnü khün thsang; api mung ju Atungpuh , tüsho api miki asühachihang.

MUNGSHIKHÜN 77:16

Kebonü nü ngü, O Thrünpuh; kebonü nü ngü, arünü tre; asükbo she niuk.

ABEKHIT 14:16

Tüshe nü tso shuhkihang, tüsho keto kumung nü khah chungkihang tüsho ju azüshang, junangde Israelrünü akung lo kheaknü kero phulung hobah.

ABEKHIT 7:19

Judüki Atungpuhnü Mosa ki tha, “Aron ki thaang, Nü tso luang tüsho Ijip ching ayungbo, kerubo, kedükim tüsho kekhip kumung nü khah chungkihang, junangde jurü thiyih kambah; tüsho Ijip lomi alala ching, sang le lung pangjiphüh chido ching thiyih labah.”

ABEKHIT 7:20

Atungpuhnü thiyukhüm jihkhi nangde Mosa tüsho Aronnü rhimo; Pharao le ayamlarübo mikinü apinü tso shuhkihbah Nile ke rhap, tüsho Nile ching lakhi ke alala thiyih kamabah.

ISAIA 19:1

Ijip dünkheak müchityu. Kheahang, Atungpuh ju ashankhi amo kheak binlah tüsho Ijip lim arüchoh; Ijip sangthsübo api miki ajanbah, tüsho arü bolung Ijiprü mulong niuthünakbah.

ISAIA 50:2

Tümüde I arüchoki she mülakhea? Tümüde inü ajichoki shenü malokhea? Mürhokhitkhukpü thsüde I khah kihla de? Yungsho abekhitpü I wu müla de? Inü thürühbah keto ngahshih, inü ayungbo loshelo kamshih; ke mülakhinü thüngühbo shuhabah tüsho kethürikhinü sheabah.

ISAIA 66:15

Tümüde Atungpuh mo ching, tüsho api khora-lolungbebo chitmühean nangde, api bukakhiukkhi jihlopü bukmüshakkhi ching, tüsho apinü thürühkhi motru ching arübah.

NAHUM 1:4

Apinü keto thürühchoh tüsho ngahshihchoh, tüsho apinü ayungbo alala ngahshihchoh; Bashan tüsho Karmel mukuhabahchoh tüsho Lebanon pungkhi yiuhabahchoh.

HABAKKUK 3:15

Nünü nü khorabonü keto jung, ke atobo rhuzhihzhih.

MARK 4:39

Judüki api asürü tüsho apung ki thürüh, tüsho keto ki tha, “Keamloang, zhikde laang!” Apung ju kheamabah tüsho akhimahe ato lakheah.

AMIKHEAKAKHIUKKHI 16:12

Athurukpü yunirünü api phurusük Euphra ayung kheak dunga bah, tüsho aniakhiuklim kiulongthsürübo limro thsakhampü ke ju ngahabah.

AMIKHEAKAKHIUKKHI 19:11

Judüki inü yinmi khimshuh-a ngü, tüsho khora amüye khülang lakheah! Shepü ju kheak binkheanü Akin-larü tüsho Thiyuro de ji, tüsho thiyuro-lungki ching apinü mahkhapchoh tüsho thirithsüchoh.

AMIKHEAKAKHIUKKHI 19:14

Tüsho yinmi bonungrübo khimthünak atsü, amüye tüsho amüthsün yihbahle khorabo kheak binbah api dunglim yan.

AMIKHEAKAKHIUKKHI 6:2

Inü kheah, tüsho I miki khora amüye, abebuhnü sanglüh khülang shuh; kuthran khülang api kilim jih, tüsho apinü akuk ngüpü akuk-ngürü nangde bebah yü.