HABAKKUK 3:2 - AMÜSÜH HÜM CL Bible (BSI)

² Atungpuh , inü nü mungthukhi sodo; nü rhimokhibo dünkheak inü trede zhip, O Atungpuh . Isa nimungbo ching jurü thsüphuloshang, isa kimbo ching jurü mükheahshang; mulong zhipzhip ching mihmüthsüm lümkhitjang.

HABAKKUK 3:2 Iomraidhean Croise

EZRA 9:8

Tüshe kheakü adükeak anikhüh kheak, Atungpuh isa Thrünpuhnü isa kheak mihmüthsüm huhdo tüsho isa chamkhüh azhorü kuhi chingnü tsokhitshihbah küma ha amüsüh dangpung ching lashih. Nünü isa azhorü kuhi chingnü zuzu kamshih tüsho isa kilim ayinatrüm rhangdung aso jih.

JOB HU H T ANYU 42:5

I nükhünnü nü dünkheak sodo tüshe kheakü I müknü nü ngüchoh.

MUNGSHIKHÜN 119:120

Nü trekhinü I shih ajanchoh, tüsho inü nü mahkhapkhibo trelah.

MUNGSHIKHÜN 25:6

O Atungpuh , nü amüthsüm tüsho nü muzhodakkhi lümkhitang, tümüde jurübo adüsonü lah.

MUNGSHIKHÜN 38:1

O Atungpuh , nü bukakhiukkhi ching I düthürüh, yungsho nü masühkhi ching I düthsümüchi!

MUNGSHIKHÜN 44:1

Isa nükhünnü sodo, O Thrünpuh; adüsonü arü nimungbo ching nünü tümü rhimokheanü isa jipürünü isa ki thado.

MUNGSHIKHÜN 71:20

Nü, shepünü I ki küpkhukbo ato tüsho achimudo huhkheanü I sühmüh laloshihbah, tüsho alo asükbo chingnü I belode atubah.

MUNGSHIKHÜN 78:38

Tüshe api amüthsümnü mide arü mülimkhibo neak bahjih, tüsho arü müdükheakshih. Kim aban api bukakhiukkhi tuklo, tüsho api mulong müzhipzhip.

MUNGSHIKHÜN 85:6

Nü mihtsürünü nü lung asühachihpü thsüde, nünü isa müthsüphuloba de?

ISAIA 53:1

Isa yusheak shepünü akinkhea? Tüsho shepü ki Atungpuh khah akhiukkhea?

ISAIA 54:8

Kim khülang thsungkheak bukakhiukkhinü I miro nü kheaknü jik tüshe akheam mülakhi amuzhonü inü nü kheak amuzho labah, Atungpuh , nü Rhokhitbuhnü thachoh.

ISAIA 63:15

Yinmi chingnü, nü yo amüsüh tüsho müretahkhi lapung chingnü abinkhia kheahang. Nü künkhi tüsho nü wu-sühmüh küching la? Nü amuzho tüsho nü lümrhihkhi thsü küching la? Arübo isa kheaknü tukloa lah.

ISAIA 66:2

Harü alala I khahnü thrün, jumonü ha alala I yo, Atungpuhnü thachoh. Tüshe azhihayih tüsho mulong rholokhi, tüsho I yu sobah ajanrü kheak inü akheahbah.

JEREMIA 10:24

I thsülangang, O Atungpuh , tüshe thiyuro akekhi chingnü; nü bukakhiukkhi ching yung, jude yungsho nünü I akeangkeang kamshihbah.

JEREMIA 10:7

Shenü nü mütrepü, O trükshihbo kiulongthsüpuh? Tümüde hoju nü khuh lah; trükshihbo lümlung larü alala bolung tüsho arü kiulongthsübo alala ching sheshe nü nangde müla.

JEREMIA 29:10

Tümüde Atungpuhnü ha thachoh: Babilon ching kam nerü bankhitsho lang inü nüsa rhuakheahbah, tüsho inü nüsa ki alokhikhi dünjishihbah tüsho nüsa ha dangpung ching belodarübah.

JEREMIA 46:28

Nü thsungkheak a, dütre, I yamlarü Jakob, Atungpuhnü thachoh, tümüde I nü lung lah. Inü nü yana yüshihkhi trükshih alala kheamshihbah, tüshe inü nü a mükheamshih! Inü nü alungki ching thsangdanbah tüsho inü shahde müthsümüchidüa nü muzojih.

TÜZHOKHI 3:32

Apinü mulong rozhak jihjih she anihbuh amuzho düküngkhi yande apinü mihmuzho labah;

DANIEL 8:17

Jumonü I zhippung phünide api arü; tüsho küyimki api arükhea, I trede kam tüsho alo ching yap. Tüshe apinü I ki tha, “ O mihtsürü tsührü, michih ha akheam kim thsungkheak ah de anikhitang.”

DANIEL 9:2

Api kiulongthsü atan kam ching, I Danielnü Atungpuhnü wukihrü Jeremia ki thakhi nangde, kam nerü Jirusalem thsümünimpü dünkheak amüsüh hümbo khede tüsho lümakheahde alakheah.

HABAKKUK 3:1

Wukihbuh Habakkuknü Shigionoth bede tamkhüntamnükhi.

HABAKKUK 3:16

Inü sochoh, tüsho I mulong ching thukthukchoh; düsheaknü I münküpbo niukchoh. I robo ching ashuh yüzahchoh, tüsho I jingbo ajanchoh. Isa yanrü mihtsürü kheak thsümütsü nimung arüpü thsungkheak inü zhikde aleangchoh.

ZEKARIA 1:12

Judüki Atungpuh yunirünü tha, “ O Wuto Atungpuh , nünü kam nerü bukakhiukkhi Jirusalem tüsho Juda kiutobo kheaknü külokhüh nünü mihmüthsüm tholoba?”

JOHAN 10:10

Ahührünü a ahühpü, alaksahpü, tüsho athsümünimpü lang düna marüchoh. Arü rhangdung lapü thsüde I arükheah, tüsho arübo muzhomopungde alabah.

ROMRÜ KILIM PAULNÜ ATHRÜTKHI KIHÜM HUHTANYU 10:16

Tüshe arü alalanü a thiyusheak-atsü müleangkhi; tümüde Isaianü tha, “Atungpuh, isa kheaknü asokhi shepünü akinkhea?”

FILIPI 1:6

Tüsho shepünü nüsa lung rhimo atsü tankihkheanü Jisu Khrista nimung khiungde akhik thsüde arhimobah de inü mütsanlah.

IBRI 11:7

Akin hode Noanü adünjipü lakhi müngüyia lalashe Thrünpuhnü athakhi yande api yamkhün khümkhitpü sangkung khülang thsü; ha hode apinü alomiküp bahyuk tüsho akin hode arükhi thiyuro-lungki yamrüplurüp lurü kam.

IBRI 12:21

Kheah-a khide atrebe lakhinü Mosanü tha, “Atrekhinü I ajanchoh.”

AMIKHEAKAKHIUKKHI 15:4

O Atungpuh, shepünü nü mütrepü tüsho nü mung müremütahpü? Tümüde nü lang amüsüh ah. Trükshih alalanü arübah tüsho nü kingaünbah, tümüde nü mahkhapkhibo amikheak akhiukdo.”