HABAKKUK 3:16 - AMÜSÜH HÜM CL Bible (BSI)

¹⁶ Inü sochoh, tüsho I mulong ching thukthukchoh; düsheaknü I münküpbo niukchoh. I robo ching ashuh yüzahchoh, tüsho I jingbo ajanchoh. Isa yanrü mihtsürü kheak thsümütsü nimung arüpü thsungkheak inü zhikde aleangchoh.

HABAKKUK 3:16 Iomraidhean Croise

JOB HU H T ANYU 30:17

Azhing ching I robo dukchoh tüsho I nguhde athsükhi küyimkishe mükheam.

JOB HU H T ANYU 30:30

I küp mürakdo kamchoh tüsho I kheaknü keamkhichoh, tüsho I robo phülamnü takchoh.

MUNGSHIKHÜN 119:120

Nü trekhinü I shih ajanchoh, tüsho inü nü mahkhapkhibo trelah.

MUNGSHIKHÜN 91:15

Apinü I ki jibah, tüsho inü api ki alobah; küpkhuk ching I api lung labah; inü api bekhitbah tüsho api wüntrebah.

MÜCHITMUDU 12:4

Yamkhünberü atsü ju ayamkhünbuh kuthran ah, tüshe mungchih lakhi yamkhünberü a api robo ching ashuhkhi ruk ah.

MÜCHITMUDU 14:30

Mungtsü lakhi mulong ju pang ching rhangdung tüshe mükthsükhi ju robo ching ashuhkhi lah.

ISAIA 21:3

Jumonü I chimbo atukkhinü mido; athsükhinü I tholodo, aliberü zübechoki thsünükhi nangde; inü asochoki I lümthsünüdo, inü ju ngüchoki I mulong keahkhiabahdo.

JEREMIA 23:9

Wukihrübo dünkheak: Atungpuh tüsho api amüsüh yu dünkheaknü I mulong trüthünaka lah, I robo alala ajanchoh; I a amüshangrü nangde, khürü yukhunü zhihokhi nangde kamdo.

JEREMIA 30:7

Aha! ju nimung küde atrebe, ju ruk püpü müla; ha Jakob thsungkheak lümthsünü kim lah; tütüshe api ju chingnü abekhitbah.

JEREMIA 4:19

I thsünükhi, I thsünükhi! I thsünü ching kolahchoh! O, I mulong thsünükhi! I mulong thüpthüpchoh; inü zhikde mülakhuk; tümüde inü hulipungpung düsheak thirithsüpü arhunganimkhi sochoh.

JEREMIA 5:15

Inü limshu chingnü trükshih khülang nü kheak handarübah, O Israel yamkhün, Atungpuhnü thachoh. Ha sühmüh lakhi trükshih, ha jipü-lün trükshih, nünü mümükheahkhi yutha trükshih, yungsho arünü athakhi nünü manikhitkhuk.

TÜZHOKHI 1:13

Achang kheaknü apinü mo arüshih; ha I robo ching sükde yüzahdo; apinü I jing thsungkheak keang zünga zo; apinü I ashitloshih; apinü I zhikabahshih, nimung amuyung shekhia lashih.

TÜZHOKHI 1:20

Kheahang, O Atungpuh , I küdükhüh lümthsünüla; I me thsünülah, I mulong rhothünakchoh, tümütüsho inü khide azhihde alakheah. Kiudunglimrobo ching nukshangnü laksahchoh; thüyam ching ashekhi lah.

EZEKIEL 3:14

Judüki menü I shuhkih tüsho bebah tso, tüsho I kheak Atungpuh khah amüküp lade, khühde tüsho I me bukakhiukkhi chingnü yü.

DANIEL 10:8

Junangde ha michih ato kheahpü I langzü aninga lakheah. I sühmüh mülade kam, tüsho I miro pheakmulukdo kamabah, tüsho I tümü müthsükhukde kam.

DANIEL 10:9

Küyimki inü api düsheak sokhea, keakeashahshahde kambah I miro alo lim kheahbah lunga yap.

DANIEL 8:27

Jumonü I, Daniel lümthsünüde kam tüsho nimung anükhüh tukthsüde yap; jushu inü asürü tüsho kiulongthsüpuh rhimo thsungkheak yü. Tüshe michihnü I yingyingabah tüsho ju manikhit.

HABAKKUK 3:2

Atungpuh , inü nü mungthukhi sodo; nü rhimokhibo dünkheak inü trede zhip, O Atungpuh . Isa nimungbo ching jurü thsüphuloshang, isa kimbo ching jurü mükheahshang; mulong zhipzhip ching mihmüthsüm lümkhitjang.

LUKNÜ ATHRÜTKHI THIYUSHEAK-ATSÜ HUHTANYU 21:19

Düküngde azhipkhi ching nüsa rhangdung alü thsübah.