HABAKKUK 2:8 - AMÜSÜH HÜM CL Bible (BSI)

⁸ Tümütüsho nünü trükshih ahihdo yankhia ludo, tümütüsho mihtsürü thiyih bukkhi tüsho alomi kiutobo tüsho jurü ching larü alala ki athsümünim rhimokhinü aninga larü mihtsürü alalanü nü yankhia lubah.

HABAKKUK 2:8 Iomraidhean Croise

MUNGSHIKHÜN 137:8

O Babilon tsührübe, shepü athsümünimpü akhua la, nünü isa ki rhimokhi thsungkheak shepünü nü ki jihlobanü asühpü.

MÜCHITMUDU 22:23

tümüde Atungpuhnü arü dünkheak atsangbah tüsho sherünü arü yankhia luchonü yankhia lubah.

ISAIA 33:1

Nü are, O athsümünimrü, nü müthsümünimyi! Nü are, O thsungyukjihrü, nü muthsungyukyi! Küyimki nünü athsümünimpü tuklobanü, nü thsümünimbah; küyimki nünü athsungyukpü tuklobanü, nü thsungyukbah.

ISAIA 33:4

Lungbünnü hanmukhungkhi nangde ayankhikhi kukrukbo hanmukhungdo; tangkhobonü ajukkhi nangde, arünü ju kheak jukchoh.

ISAIA 47:6

Inü I mihtsürü kheak bukakhiuk, inü I yamrüplurüp müneanjih; inü arübo nü khah ching jih, nünü arü ki mihmüthsüm muhuh; ashinbuhrü kheak nünü khide hah mülangshih.

JEREMIA 27:7

Anihbuh lomi keampü kim mukhiungyi khiungde trükshih alalanü api le atsührü tüsho atsührütsührü tankihbah; jushu trükshih ahihdo tüsho kiulongthsürü atobonü api arü azhorü kamshihbah.

JEREMIA 30:16

Tüshe sherünü nü tsühabahchonü alala tsühabahbah, tüsho nü riri alala, mihbüm abannü ramtso ching yübah; sherünü nü yankhia luchonü arübo yankhia lubah, tüsho sherünü nü shih tsühchonü nü arübo ju shih kamshihbah.

JEREMIA 50:14

Babilon mükamde nüsa sanglüh hünkihrü alala zhippung thsakhamang; anihbe kheak kipang, hühzobo daningshih, tümüde anihbenü Atungpuh azhihde neak yihbeakdo.

JEREMIA 50:28

Aniang! Babilon lomi chingnü tsotsahrümtsahrübo Atungpuh isa Thrünpuh royimkhi, api arüngyam royimkhi Zion ching zhiyukpü arüchoh.

JEREMIA 50:37

Anihbe khorabo tüsho khora-lolungbebo azhihde nukshang lah, tüsho anihbe bolung khiungkerü thirithsürübo azhihde lah, junangde arübo azoberü kamabah! Anihbe rahpungbo alala azhihde nukshang lah, junangde jurübo yankhia lubah!

JEREMIA 51:13

Nüsa sherü ke ahihdo yean lacho, rahpungbo ching lakhit la, nüsa yo akheam arüdo, nü rhangdung liu yihshakdo.

JEREMIA 51:24

Zion ching arünü nüsa kheak amülim rhimokhi alala dünkheaknü nüsa mük kinü inü Babilon tüsho Kaldearü ki jihlobah, Atungpuhnü thachoh.

JEREMIA 51:44

Inü Babilon thrünpuh Bel thsümüchibah, tüsho apinü amuyukhi mülümkhitshihbah. Trükshihbonü kheaküa api ki shode müyü; Babilon chipi keamdo.

JEREMIA 51:48

Jüdüki thüningbo tüsho alomi, tüsho jurü ching lakhi alalanü Babilon kurungkheak asühde ahobah; tümüde arü azhihde athsümünimrü dukulimnü arübah, Atungpuhnü thachoh.

JEREMIA 51:8

Zukleangnü Babilon lungabah tüsho ajan; anihbe thsungkheak tüzhoang! Anihbe thsünükhi thsungkheak moli luang; khükijua anihbe athsüngubah.

EZEKIEL 28:16

Nü shothsümolo suhdahkhi ching athsümünimnü nü mide la, tüsho nünü neak yihbeak; jumonü amünean kukruk nangde Atungpuh müzüng chingnü inü nü bah, tüsho akümbuh cherubnü azhingzhing shotolung bolungnü nü yanabah.

EZEKIEL 39:10

Arünü thulu chingnü sang yihpü yihnüpü müla yungsho murungbo ching sangbo tümü mükiushak, tümüde arünü thsühnukbonü arü mo thsübah; arü jangkhirübo arünü jangkhia lubah, tüsho arü yankhia lurübo arünü yankhia lubah, Atungpuh Thrünpuhnü thachoh.

AMOS 3:10

Atungpuhnü ha thachoh, Sherünü thiyih bukde tüsho ahüh-a arü lapung ching zochonü, arünü alim rhimopü mümükheah.

OBADIA 1:15

Tümüde trükshih alala azhihde Atungpuh nimung thüninde lah. Nünü arhimokhi nangde, nü ki rhimobah; nü rhimobo nü ku kheak alodarübah.

HABAKKUK 2:10

Nünü mihtsürü ahihdo laksahde nü yamkhün thsungkheak achihbe lümkhi thsüdo; nünü nü rhangdung dükheakshihdo.

HABAKKUK 2:17

Tümüde Lebanon kheak athsümünim rhimokhinü nü zhidobah; tümütüsho mihtsürü thiyih bukkhi tüsho alomi le kiutobo tüsho jurü ching larü alala ki athsümünim rhimokhi hode shiwühbo thsümünimkhinü nü trede akamshihbah.

ZEKARIA 1:15

Tüsho keamramde alakhi trükshihbo kheak inü khitode bukakhiukchoh; tümüde I bukakhiukkhi anikhüh lachoki arünü tukthsü amütsübe kamshih.

ZEKARIA 14:12

Ha Jirusalem azhihde thirithsürü mihtsürü alala kheak Atungpuhnü ashikpü arüm-tukthsü lah: arü jing kihde alachoki arü yin shuhbah; arü mükbo tüsho arü mulobo shuhabahbah.

AMIKHEAKAKHIUKKHI 6:10

arünü düsheak achangnü zhi, “Wuto Atungpuh, amüsüh tüsho thiyuro, isa thiyih dün alomi ching larü kheak mahkhappü tüsho royimpü külokhüh laba?”