HABAKKUK 2:5 - AMÜSÜH HÜM CL Bible (BSI)

⁵ Judüalalashe, yukhunü api thsungyukchoh; api bukmüke tüsho keamramde müla. Tümütüsho apinü Ashe-lomi nangde yihnelunelah; Ashekhi nangde küyimkishe api musuhdah. Apinü nihbuh thsungkheak trükshih alala bemukhungchoh, tüsho arü yo thsüpü mihtsürü alala kitmukhungchoh.

HABAKKUK 2:5 Iomraidhean Croise

2 KIULONG THSÜRÜ 14:10

Nünü atsütsü Edom kukdo, tüsho nü kükheangde lah. Nü mungshikhi ching reangkeamang, tüsho thüyam ching laang; nü lung Juda bede akeampü thsüde tümüde nünü küpkhukpü asahcho?”

MUNGSHIKHÜN 138:6

Atungpuh ju achang kheak lalashe, apinü akheamkhibe kheahyuklah; tüshe apinü akükheangrübo a limshu chingnü mükheahlah.

MÜCHITMUDU 20:1

Yukhu ju luhmüne, amüshangbe ju arhungangüm, tüsho shepü hadürünü bephülapde tsochonü lümlung larü yung.

MÜCHITMUDU 21:24

Lülüshishi tüsho akükheang mihtsürü mung ju, “ Luhmünerü”; apinü lülüshishide kükheangchoh.

MÜCHITMUDU 27:20

Ashekhi tüsho Athsümünim küyimkishe mümi; junangde mihtsürü mükbo küyimkishe reangmükeam.

T H S AN GYU T H S AN GR ARÜ 5:10

Sho muzhorünü sho kheak reangmükeam; yungsho lakhit muzhorünü alü thsükhi kheak reangmükeam. Ha she akeangkeang.

ISAIA 14:6

küpünü bukakhiukkhi ching mutuklode mihtsürübo shika lungshihkhea, küpünü bukakhiukkhi ching trükshihbo yakzan shuhde mihmuzho mülakhi thsümüchikhea.

ISAIA 16:6

Isanü Moab kükheangkhi sodo– api küdükhüh she kükheangla!–api bukakhiukkhi, api kükheangkhi, tüsho api mulong zhipzhipkhi; tüshe api kükheangkhi akeangkeang lah.

ISAIA 2:17

Changdealümrü mihtsürü aninibe kamshihbah, tüsho mihbüm aban kükheangkhi thokheambah; tüsho ju nimung Atungpuh lang ashuhkihbah.

ISAIA 21:5

Arünü dükhüm kheanga zochoh, arünü sangbün-nüpnüp khima zochoh, arünü tsühchoh, arünü yungchoh. Asürang, limthorübo, tsungbo müdangke lünang!

ISAIA 5:14

Jumonü Ashe-lominü alü künde kamdo tüsho amün münchi hode khimshuhlah; Jirusalem mükheahmudurü, boto tüsho anihbe lung asühakorü alala yükichoh.

ISAIA 5:8

Nüsa shepünü thüyam kheaknü thüyam müchinkihcho, shepünü thulu kheaknü thulu lukihchonü are, she thsungkheak she khiungshak mülakhi khiungde tüshe nü lang, tüsho nü alomi bolung ching nü langzü lapü aninga lah!

JEREMIA 25:9

Atungpuhnü thachoh, Inü dukulim trükbo tüsho I yamlarü Babilon kiulongthsüpuh Nebukednezar, ha lomi le mihtsürübo tüsho mühi trükshih alala azhihde handarübah; inü arü shahde thsümünimbah tüsho arübo atrebe tüsho ish thsübe, tüsho akheam müla mihmüthsüm mülakhi kamshihbah.

JEREMIA 50:29

Babilon azhihde hühzo-kiprü, sanglüh hünrü alala jimukhungang. Anihbe mükamde alala binang; sheshe dütsokhishih. Anihbe rhimobo yande anihbe ki jihloang; anihbenü arhimokhi nangde, anihbe ki rhimoang–tümüde anihbenü bukakhiukde Atungpuh , Israel Amüsühbuh ki keochihdo.

JEREMIA 51:39

Küyimki arü mulong phurubanü, inü arü yungbe zojihbah tüsho arübo masühyi khiungde müshangshihbah tüsho kamruhroro yapshihbah tüsho küyimkishe müyihmusu, Atungpuhnü thachoh.

HABAKKUK 1:15

Arü alala thiririnü khoyangnü wuhkhitchoh; apinü arübo keangnü lakkhitchoh, apinü keang-qiuqiu ching arübo hanmukhungchoh; junangde apinü tode asühachihchoh.

HABAKKUK 1:17

Dale tüsho api keang yeahkeangde mihmüthsüm mülade trükshihbo laksahde alaba shi?

HABAKKUK 2:4

Akükheangrü kheak kheahang! Arü me arü kheak mulungki, tüshe thiyuro-lungkirü arü akin hode alabah.

1 TESALONIKA 4:11

Isanü nüsa ki thakhi nangde, akhimahe rhangdung lapü, nüsa nihbuh shothsümolo lümpü tüsho nüsa khahnü arhimopü nüsa mükkheahkih thsang,

JAKOB 4:6

Tüshe apinü amüthsüm alü jihchoh; jumonü apinü thachoh, “Thrünpuhnü akükheangrü yanlochoh, tüshe azhihayih kilim amüthsüm jihchoh.”