HABAKKUK 2:3 - AMÜSÜH HÜM CL Bible (BSI)

³ Tümüde kheaküshe akhukhit kim thsungkheak michih khülang lah; ha akheam yo asukchoh, tüsho mükeangrü. Ju lakmama she, aleangang; ha tsükjide arübah, mashu.

HABAKKUK 2:3 Iomraidhean Croise

2 KIULONG THSÜRÜ 6:33

Apinü arü ki thade alachoki kiulongthsüpuhnü api ki akibah tha, “Ha küpkhuk Atungpuh kilimnü ah! Kheaküa tümü thsüpü inü Atungpuh kheak mulonglampü?”

MUNGSHIKHÜN 102:13

Nü asürübah tüsho Zion kheak mihmüthsüm labah; tümüde alibe muzhopü kim akhukhi arüdo.

MUNGSHIKHÜN 27:14

Atungpuh aleangang; reangzahang, tüsho nü mulong toang; inü thachoh, Atungpuh aleangang!

ABEKHIT 12:41

Kam 430 akheam nimung, Atungpuh mihtsürü trükbo alala Ijip chingnü wukhiuk.

ISAIA 30:18

Jumonü Atungpuhnü nüsa ki müthsümpü aleangchoh; nüsa ki amüthsüm huhpü api asürübah. Tümüde Atungpuh ju thiyuro Thrünpuh; api aleangrü alala müngühmühi.

ISAIA 7:4

tüsho api ki thaang, Aniang, zhikde laang, dütre, tüsho Rezin le Siria tüsho Remalia tsührü müküpde bukakhiukkhi, ha mozhuh aniukheamkhi mahne dünkheaknü nü mulong düjaniu.

ISAIA 8:17

Inü Atungpuh aleangbah, shepü miro Jakob yamkhün kheaknü jikla, tüsho inü api kheak mulonglambah.

JEREMIA 27:7

Anihbuh lomi keampü kim mukhiungyi khiungde trükshih alalanü api le atsührü tüsho atsührütsührü tankihbah; jushu trükshih ahihdo tüsho kiulongthsürü atobonü api arü azhorü kamshihbah.

EZEKIEL 12:25

Tüshe inü tümü lümbanü, I Atungpuhnü asukbah, tüsho ju muzhomade adünjibah. Tümüde nü nimungbo ching, O azhih yamkhün, inü tümüpürü thachonü inü adünjishihbah, Wuto Atungpuhnü thachoh.

EZEKIEL 30:9

Ju nimung, mulong tomihkhi Ethiopia müzünpü I kinü yunithsürü sangkungbo chingnü awukhiukbah; tüsho Ijip thsümünimpü nimung arü kheak thsünü arübah; tümüde ha arüchoh!

DANIEL 10:14

tüsho akheam nimungbo ching nü mihtsürübo kheak tümü dünjibanü nü anikhitshihpü rungpü arükheah. Ha arübe thsungkheak michih khülang lah.”

DANIEL 11:27

Judüki kiulongthsürü mahne ju lümkhi amütsü hanbah tsühyungpü dükhüm khülang kheak binbah, tüsho anenü khülangnü khülang ki akeangyu thaachihbah, tüshe ju akuk müngü, tümütüsho ju kim akhukhi mukhiungyi.

DANIEL 11:35

Lümlung larü khürü akeambah, junangde mihtsürübo akheam kim khiungde changkhitbah, tsangkhitbah tüsho areak mükihde alabah, tümüde akhukhitkhi kim ching ju arübah.

DANIEL 8:17

Jumonü I zhippung phünide api arü; tüsho küyimki api arükhea, I trede kam tüsho alo ching yap. Tüshe apinü I ki tha, “ O mihtsürü tsührü, michih ha akheam kim thsungkheak ah de anikhitang.”

DANIEL 8:19

Apinü tha, “Aniang, tüsho bukakhiukkhi kim dunglim tümü dünjibanü inü nü ki thabah; tümüde ha akheam kim akhukhitkhi dünkheak ah.

DANIEL 9:24

“Thünenü shu nerü kambo ju nü mihtsürü tüsho amüsüh kiuto thsungkheak akhua zojihlah: alakmihkhi banshihpü, neak kheamshihpü, amülim dünthsükhipü, lün thsungkheak thiyuro-lungki hanyukpü, michih tüsho wukihrü chido yümdopü, tüsho khide Amüsüh Dangpung müsükhitpü lah.

MIKA 7:7

Tüshe I a, inü Atungpuh kheahbah, inü I khümkhitbuh Thrünpuh aleangbah; I Thrünpuhnü I ki anijihbah.

ZEPHANIA 3:8

Jumonü Atungpuhnü thachoh, inü thiyumütsan thsüde wusurüpü nimung aleangang. Tümüde inü apungkhikhi ju trükshihbo bemukhungpü, kiulongthsübo bemukhungpü, arü kheak I mulong zhipzhip tüsho bukakhiukkhi dungkihpü lah; tümüde I bukakhiukde mo trukhi ching alomi alala aniuabahbah.

WÜHKHE 23:19

Thrünpuh ju akeangyu thapü thsüde mihtsürü ruk yung, yungsho lümkhi müthripü thsüde mihtsürü tsührü ruk yung. Apinü thabah mürhimocho de? Apinü alokhibah akuk müngücho de?

LUKNÜ ATHRÜTKHI THIYUSHEAK-ATSÜ HUHTANYU 2:25

Judüki Jirusalem ching mihtsürü khülang amung Simeon lakheah, tüsho ha mihtsürü thiyuro-lungki tüsho shuhmülanga jihrü Israel khümkhitkhi kheahde, tüsho api kheak Amüsüh Me lakheah.

YUNIRÜBO RHIMO 1:7

Tüsho apinü arü ki tha, “Abuhnü thiyukhüm-sühmüh ching zokhi nüsa thsungkheak kimbo yungsho akheahmünchi mükheahpü yung.

YUNIRÜBO RHIMO 17:26

Apinü mihtsürü khülang kheaknü mihtsürü trükshih aban lomi alala ching lapü thsüde thrün; tüsho apinü arü kimbo tüsho lapungbo akhualojih,

GALATIA 4:2

tüshe abuhnü akhukhi kim mukhiungyikia akümrü tüsho atoathüprü bukkhüp lah.

2 PETER 2:3

Thsangyurü harünü arü mükhütmürakhi chingnü arü lümkangyu thiyukheannü nüsa bemüchihbah. Tümüde kim ashang chingnü arü mahkhappü, yomuhde müla tüsho arü thsümünimpü yapnede müyü.

2 PETER 3:9

Khürünü ruhlah dükhi nangde, Atungpuhnü apinü alokhikhi muruhchoh. Apinü she lang she müdükheakshihne, tüshe mihbüm aban mulong müthrishihpü nüsa kheak arümkheamde lah.