HABAKKUK 2:19 - AMÜSÜH HÜM CL Bible (BSI)

¹⁹ Nüsa sherünü sang ki, “Asürang!” de thacho, malankhi lung ki, “ Wusuang” de thachonü are. Hanü thsangyukhukla de? Kheahang, ha suna tüsho shotoyinchi mujukihkhi lah, tüsho ju ching sheak müla.

HABAKKUK 2:19 Iomraidhean Croise

MUNGSHIKHÜN 135:15

Trükshihbo sangthsübo ju mihtsürü khah rhimobo shotoyinchi tüsho suna lah.

MUNGSHIKHÜN 135:17

Arü nükhünbo lah, tüshe arünü muso; yungsho arü münbo ching sheak müla.

MUNGSHIKHÜN 97:7

Sherünü mejak tankihcho, sherünü sangthsü dünkheak kükheangchonü alala achih ngüshang. Api kingaünang, nüsa thrünpuhbo alala.

ISAIA 26:14

Asherü a rhangdung müla; mebo masürü– tümütüsho nünü arü thsümüchi tüsho thsümünim tüsho arü lümkhitpü alala dükheakshih.

ISAIA 40:19

Sangthsü khülang ju athsüsorünü zünchoh, tüsho sunakingrünü ju kheak suna yihkihchoh, tüsho shotoyinchinü wuhrünliu thsakhamchoh.

ISAIA 41:26

Shepünü atankih chingnü ha müchita lakhea, junangde isanü mükheah-a labah, tüsho akhuhlimnü a, junangde isanü athabah, “Api alungki ah?” Ha khipkhitpü she mülakheah, azhiyukpü she mülakheah, nü yubo sorü she mülakheah.

ISAIA 44:17

Aningkhinü apinü thrünpuh, api sangthsü thsüchoh, ju ki khukningchoh tüsho kingaünchoh; apinü tamkhüntamnü tüsho thachoh, “ I khümkhitang, tümüde nü I thrünpuh!”

ISAIA 46:6

Sherünü qiuqiununu chingnü suna yihkhita jihcho, tüsho wuhzhin kheaknü shotoyinchi adüncho– arünü thrünpuh thsürü sunakingrü mulochoh; jushu arünü khukningchoh tüsho kingaünchoh!

ISAIA 57:6

Yungzü kelungbo bolung nü shihcham lah; arübo nü shihcham; arü kheak nünü yukhu dungkih, nünü hi kingaün handarü. Harü kheak inü asühba de?

JEREMIA 10:14

Mihbüm aban keakeashahshahlah tüsho mükheahmudu müla; sunakingrübo alala arü sangthsübonü achih ngüshih; tümüde arü sangthsübo akeangyu tüsho arü kheak sheak müla.

JEREMIA 10:3

Tümütüsho mihtsürü jipü-yakli amülimkhi lah: murung ching sangdung khülang kiushakdo, tüsho sangrhimosorü khahnü awü shuhbah rhimodo;

JEREMIA 10:4

mihtsürübonü ju kheak shotoyinchi tüsho sunanü züt thsüchoh; arünü yümlung tüsho yümru-yinchinü yümkihchoh, junangde ju maphap.

JEREMIA 10:9

Akingkhi shotoyinchi Tarshish chingnü handarü, tüsho Uphaz chingnü suna handarü. Arübo ju sangrhimosorünü rhimokhi tüsho sunakingrü khahnü arhimokhi; arü khimmih ju biyi tüsho mürümmuchu; arü alala ayeanzo rhimorünü arhimokhitkhi lah.

JEREMIA 2:27

shepünü sangdung ki tha, “ Nü a I buh,” tüsho lung ki tha, “ Nünü I zübe.” Tümüde arünü arü düthsün I kilim anguh. Tüshe arü küpkhuk kim ching arünü thachoh, “Arang tüsho isa khümkhitang!”

JEREMIA 2:28

Tüsho nünü nü thsungkheak thsükhi thrünpuhbo küching la? Nü küpkhuk kim ching arünü nü khümkhitkhukpü lasho arü arüshang; O Juda, nü kiutobo lakhi nangde nü thrünpuhbo hihde lah.

JEREMIA 51:17

Mihbüm abannü zhazhalah tüsho mükheahmudu müla; sunakingrübo alala arü sangthsübo hode achih ngüdo; tümüde arü mejakbo amülim tüsho arü kheak sheak müla.

JEREMIA 51:47

Tsükjide inü Babilon mejakbo thsümüchipü kim arüchoh; anihbe lomi abümnü achih ngübah, tüsho alaksahkhi alala anihbe bolung labah.

DANIEL 3:1

Kiulongthsüpuh Nebukednezarnü suna mejak achanglim khahnap 60 tüsho atolim khahnap 6 thsü, tüsho ju Babilon lomi, Dura dükhün ching khima zo.

DANIEL 3:18

Tüshe Apinü jude müthsüthsü she nünü ha mükheahang, O kiulongthsüpuh, junangde isanü nü thrünpuhbo mütankih yungsho nünü thsüa zhipshihkhi suna mejak mükingaün.”

DANIEL 3:29

Jumonü trükshih khürü mihtsürü yungsho thiyutha shepünü Shadrak, Meshak tüsho Abednego Thrünpuh azhihde tümükhüh thabanü adütre kamde akhapbah tüsho arü yambo sünit-bahpung kamshihbah de inü thiyuzüng khülang thsüchoh, tümüde püpü thrünpuh shenü she hanangde mükhümkhitkhuk.”

DANIEL 3:7

Jumonü, arünü khün mungjibo düsheak soakede, mihtsürü alala, trükshih tüsho thiyutha aban mihtsürübonü khukning tüsho kiulongthsüpuh Nebukednezarnü thsüa zhipshihkhi suna mejak kingaün.

DANIEL 5:23

Nünü yinmi Thrünpuh azhihde nihbuh zangrü shuhkihdo! Api arüngyam pungphurubo nü miki lude azah, tüsho nü putungrübo, nü niubebo tüsho nü hanniubebonü jurü chingnü yukhu yung. Nünü shotoyinchi tüsho suna, müwayinchi, yinchi, sang, tüsho lung thrünpuhbo, küpünü müngü yungsho muso yungsho mümükheahnü ju shijih; tüshe Thrünpuh shepü khah ching nü rhangdung la, tüsho shepü kilim nü limro alala lanü, nünü wüntre müjih.

DANIEL 5:4

Arünü yukhu ju yung tüsho suna le shotoyinchi, müwayinchi, yinchi, sang, tüsho lung thrünpuhbo shijih.

JONA 1:5

Judüki sangkung berübo müyinnimde kam, tüsho mihbüm abannü nihbuh thrünpuh ki zhi. Arünü sangkung ching lakhi kukrukbo arü thsungkheaknü hiphipde akamshihpü keto ching bah. Judüchoki, Jona a sangkung damkhi kheak yüzahnü yapsherakraka lakheah.

YUNIRÜBO RHIMO 17:29

Jumonü Thrünpuh tsührübo a le, isanü aphü ju suna, shotoyinchi, lung, kikiukkhi tüsho mihtsürü lümkhi nangde ah de mülümbeah.

AMIKHEAKAKHIUKKHI 17:4

Alibe ju mürümmuchu tüsho aneakrümnü züt thsü, suna tüsho shotolungbo le mürelungbonü lüpdo, anihbe khah ching athraneanbe tüsho anihbe müzammüram müneannü mide alakhi suna pung shuhde alakheah;