HABAKKUK 2:17 - AMÜSÜH HÜM CL Bible (BSI)

¹⁷ Tümüde Lebanon kheak athsümünim rhimokhinü nü zhidobah; tümütüsho mihtsürü thiyih bukkhi tüsho alomi le kiutobo tüsho jurü ching larü alala ki athsümünim rhimokhi hode shiwühbo thsümünimkhinü nü trede akamshihbah.

HABAKKUK 2:17 Iomraidhean Croise

MUNGSHIKHÜN 137:8

O Babilon tsührübe, shepü athsümünimpü akhua la, nünü isa ki rhimokhi thsungkheak shepünü nü ki jihlobanü asühpü.

MUNGSHIKHÜN 55:23

Tüshe O Thrünpuh, nünü arübo athsümünim shingkung ching hande ayüzahbah; mihlaksahrü tüsho mülapmüji mihtsürü arü nimungbo chamkhüh she alapü yung; tüshe I a nü kheak kinbah.

MÜCHITMUDU 28:17

Mihtsürü shepü thiyih bukkhi amülim lanü ashekhün ching shande ayübah; shenü she api dürungshih.

JEREMIA 50:14

Babilon mükamde nüsa sanglüh hünkihrü alala zhippung thsakhamang; anihbe kheak kipang, hühzobo daningshih, tümüde anihbenü Atungpuh azhihde neak yihbeakdo.

JEREMIA 50:28

Aniang! Babilon lomi chingnü tsotsahrümtsahrübo Atungpuh isa Thrünpuh royimkhi, api arüngyam royimkhi Zion ching zhiyukpü arüchoh.

JEREMIA 51:24

Zion ching arünü nüsa kheak amülim rhimokhi alala dünkheaknü nüsa mük kinü inü Babilon tüsho Kaldearü ki jihlobah, Atungpuhnü thachoh.

EZEKIEL 28:16

Nü shothsümolo suhdahkhi ching athsümünimnü nü mide la, tüsho nünü neak yihbeak; jumonü amünean kukruk nangde Atungpuh müzüng chingnü inü nü bah, tüsho akümbuh cherubnü azhingzhing shotolung bolungnü nü yanabah.

EZEKIEL 31:16

Inü alokhün ching yüzahrü lung Ashelomi ching nimyukchoki, akeamkhi düsheaknü trükshihbo ajanbah; tüsho Eden sangdungbo alala Lebanon ching mokhitkhi tüsho atsüdak ke duhkhi alala Ashe-lomi ching shukheambah.

JOEL 3:19

Juda mihtsürü ki arü lomi ching arünü amülim-mülarü thiyih bukde amütsü rhimokhi hode Ijip ju azhikkhi kambah tüsho Edom a abahkhi sunglo kambah.

HABAKKUK 1:17

Dale tüsho api keang yeahkeangde mihmüthsüm mülade trükshihbo laksahde alaba shi?

HABAKKUK 2:8

Tümütüsho nünü trükshih ahihdo yankhia ludo, tümütüsho mihtsürü thiyih bukkhi tüsho alomi kiutobo tüsho jurü ching larü alala ki athsümünim rhimokhinü aninga larü mihtsürü alalanü nü yankhia lubah.

ZEKARIA 11:1

Nü ripitbo khimshuhang, O Lebanon, junangde monü nü yo cedarbo aniubah!