HABAKKUK 2:16 - AMÜSÜH HÜM CL Bible (BSI)

¹⁶ Nü müretah müthri achihnü mide akambah. Nü yungang, tüsho yingyingde tsahang! Atungpuh khah tsülim peangnü nü mükamde pung arübah, tüsho nü müretah kheak mungchih arübah!

HABAKKUK 2:16 Iomraidhean Croise

MUNGSHIKHÜN 75:8

Tümüde Atungpuh khah ching pung khülang lah, tüsho yukhu ju amürüm; ju tsüde rhuzhihzhih, tüsho apinü dungkhitchoh; tüsho alomi mihbukmuyuk alalanü mütrünkhide ayungbah.

MÜCHITMUDU 3:35

Lümlung larü a müretah yamrüplurüp lubah, tüshe makharübo a mungchih ngükhi labah.

ISAIA 20:4

Asiria kiulongthsüpuhnü Ijiprü aramrü thsüde tüsho Ethiopiarü ramtsorü thsüde bede atsobah, ane chido athunu tüsho shinbeshinbuh, bünkeang tüsho jing keangkeang, kiung aleangkheaknü, Ijip kheak achih hande arübah.

ISAIA 47:3

Nü bünkeang labah, tüsho achih ngübah. Inü royimbah, tüsho inü she maningshih.

ISAIA 49:26

Inü nü junorübo ki arü shih tsühloshihbah, tüsho arü thiyihnü yukhunü nangde amüshangbah. Judüki mihtsürü alalanü I Atungpuh nüsa Khümkhitrü tüsho nüsa Rhokhitrü, Jakob yo Wuto Khülang de amükheahbah.”

JEREMIA 25:15

Tümüde Atungpuh , Israel Thrünpuhnü I ki ha thachoh: I khah chingnü ha bukakhiuk yukhu pung luang, tüsho inü nü yüshihpung trükshihbo alalanü ha yungshang.

JEREMIA 25:17

Jumonü inü Atungpuh khah chingnü pung lu, tüsho Atungpuhnü I thiyia yüshihpung trükshih alala yungshih:

JEREMIA 51:57

Inü anihbe torübo tüsho lümlung larübo müshangshihbah, kovünorbo she, atorübo tüsho thirithsürübo; arünü kamruhroro yapbah tüsho küyimkishe masürü, kiulongthsüpuhnü thachoh, shepü mung Wuto Atungpuh la.

JEREMIA 51:7

Babilon a Atungpuh khah ching suna pung lakheah, lomi alala müshangshih; trükshihbonü anihbe yukhu yungdo, tüsho junangde trükshihbo yingyingde kam.

TÜZHOKHI 4:21

Nüsa sherü Uz lomi ching lanü asühachihang tüsho asühang, O Edom tsührübe; tüshe nü kilim she pung arübah; nü amüshangbah tüsho nü bünkeang kambah.

EZEKIEL 23:33

Nü müshangmuru tüsho mulong rozhaknü amibah. Mihtrebe tüsho athsümünim pung khülang ju nü chi Samaria pung ah;

HOSEA 4:7

Arü küdükhüh hihde akamkhea, judükhüh arünü I azhihde neak yihbeakdo; jumonü inü arü müretah achihbe ching müthrijihbah.

HOSEA 7:5

Isa kiulongthsüpuh thünio nimung atorübo ju yukhunü müshanga tukthsüshih; apinü luhmünerü lung khah shurün.

HABAKKUK 2:10

Nünü mihtsürü ahihdo laksahde nü yamkhün thsungkheak achihbe lümkhi thsüdo; nünü nü rhangdung dükheakshihdo.

HABAKKUK 2:15

“ Nüsa sherünü yamhingrü ki arü mümüshangyi khiungde arü bünkeang kheahpü thsüde keluh chingnü duhchonü are!”

FILIPI 3:19

Arü akheam ju athsümünim, arü thrünpuh ju buk, tüsho arü müretah ju arü achihbe, alomi kukrukbo kheak lümkhi zolah.

AMIKHEAKAKHIUKKHI 18:6

Anihbenü ajihkhi nangde anihbe ki jihang; tüsho anihbe rhimobo dün alü thsüde athrihloang; anihbe khilim alü thsüde müküpde pung ching dungyukjang.