HABAKKUK 2:15 - AMÜSÜH HÜM CL Bible (BSI)

¹⁵ “ Nüsa sherünü yamhingrü ki arü mümüshangyi khiungde arü bünkeang kheahpü thsüde keluh chingnü duhchonü are!”

HABAKKUK 2:15 Iomraidhean Croise

THRÜNTAN 9:22

Tüsho Kanan abuh Hamnü abuh bünkeang lakhi ngübah wungdo ching api keoniorü mahne ki tha.

2 SAMUEL 11:13

Davidnü api ju tsühyungpü api miki jiyuk tüsho api müshangshih; tüsho arelim api tungpuh yamlarü lung binkiu kheak yappü wukhiuk, tüshe apinü ayam lim müyüki.

ABEKHIT 32:25

Harü mihtsürübo Aronnü müdanyukkhukde arü riri miki münedung kamkhi Mosanü ngü.

ISAIA 28:7

Harü she yukhunü amülim kamdo tüsho phapkenü ayingyingshihkhi lah; amükeamrü tüsho wukihrü phapkenü amülim kamchoh, arü yukhunü yingyingabahdo, arü phapkenü yingyingshihchoh; arünü michih ching lakmihchoh, arünü mahkhapkhi ching jing mükhechoh.

ISAIA 28:8

Dükhüm alala amülümkhi tüsho amüneannü mide lah, amüsüh dangpung müla.

ISAIA 5:22

Nüsa shepü phapke yungkhi ching athrungrü la tüsho yukhu rhupü ching mulong torü lanü are,

JEREMIA 25:15

Tümüde Atungpuh , Israel Thrünpuhnü I ki ha thachoh: I khah chingnü ha bukakhiuk yukhu pung luang, tüsho inü nü yüshihpung trükshihbo alalanü ha yungshang.

JEREMIA 51:7

Babilon a Atungpuh khah ching suna pung lakheah, lomi alala müshangshih; trükshihbonü anihbe yukhu yungdo, tüsho junangde trükshihbo yingyingde kam.

HOSEA 7:5

Isa kiulongthsüpuh thünio nimung atorübo ju yukhunü müshanga tukthsüshih; apinü luhmünerü lung khah shurün.

HABAKKUK 2:14

Tüshe kebonü keto zhidokhi nangde, Atungpuh müretahkhi mükheahmudunü alomi mibah.

HABAKKUK 2:16

Nü müretah müthri achihnü mide akambah. Nü yungang, tüsho yingyingde tsahang! Atungpuh khah tsülim peangnü nü mükamde pung arübah, tüsho nü müretah kheak mungchih arübah!

AMIKHEAKAKHIUKKHI 17:2

Alomi kiulongthsürübonü anihbe kheak müzammüram yihbeak tüsho alomi ching larübo anihbe müzammüram yukhunü müshangshih.”

AMIKHEAKAKHIUKKHI 17:6

Tüsho alibe ju amüsührü thiyih tüsho Jisu dünkheaknü alaksahrü thiyihnü müshanga inü ngü. Küyimki inü alibe ngükheanü I khide müyinsah.

AMIKHEAKAKHIUKKHI 18:3

tümüde trükshih alalanü anihbe mümüsühkhi shihkünkhi yukhu yungdo, tüsho alomi kiulongthsürübonü anihbe kheak müzammüram yihbeakdo, tüsho alomi shothsümolorübonü anihbe hode müthangmüsünkhi chingnü alarü kamdo.”