HABAKKUK 2:14 - AMÜSÜH HÜM CL Bible (BSI)

¹⁴ Tüshe kebonü keto zhidokhi nangde, Atungpuh müretahkhi mükheahmudunü alomi mibah.

HABAKKUK 2:14 Iomraidhean Croise

MUNGSHIKHÜN 22:27

Alomiküp thrip aban chingnü Atungpuh lümkhitbah tüsho api kilim rholobah; tüsho trükshih yamkhün alalanü api kingaünbah.

MUNGSHIKHÜN 72:19

Api müretahkhi mung lünnü shiang, tüsho alomi athrünkhi api müretahnü mishang. Amen tüsho Amen.

MUNGSHIKHÜN 86:9

Nünü athrünkhi trükshihbo alala arübah tüsho nü ki khukningbah, tüsho nü mung müretahbah.

ISAIA 11:9

Arü I yo amüsüh wung alala kheak müyuri yungsho müthsümünim; tümüde kenü keto zündokhi nangde Atungpuh mükheahkhinü alomi mide akambah.

ISAIA 33:6

api nüsa kim ching khimtan labah, akhümkhit, lümlung tüsho amükheah muzhomopungde lah; Atungpuh wüntrekhi ju Zion rahpung lah.

ISAIA 40:5

Judüki Atungpuh müretahkhi akhiukbah, tüsho mihtsürü alalanü rukhühnü angübah, tümüde Atungpuh münnü asukdo.”

ISAIA 6:3

Tüsho khülangnü püpürü ki ji tüsho tha: “Amüsüh, amüsüh, amüsüh ju Wuto Atungpuh ; alomi lüpdükhi api müretahkhinü milah.”

JEREMIA 31:34

Arünü kheaküa khülangnü khülang müthsangyuachih, yungsho müthaachih, “A TU N GPU H mükheahang,” tümüde arü aninikhühnü atobe khiungde alalanü I mükheahbah, Atungpuhnü thachoh; tümüde inü arü mülimkhi neak bahjihbah, tüsho arü neak mülümkhitlo.

EZEKIEL 47:5

Kheaküshe apinü 1000 ake, tüsho ju inü müdükihhokhukpü thsüde ayung khülang lakheah, tümüde ke ju yükih; ha aphungpü khide sükde, müdükihhokhukpü thsüde ayung khülang lakheah.

MIKA 2:9

I mihtsürü liberübo arü yambo atsü chingnü yankhitdo; arü tsührü athunu chingnü nüsanü lünnü I müretah lude tsodo.

HABAKKUK 2:15

“ Nüsa sherünü yamhingrü ki arü mümüshangyi khiungde arü bünkeang kheahpü thsüde keluh chingnü duhchonü are!”

HABAKKUK 3:3

Teman chingnü Thrünpuh, Amüsühbuh Khülang Paran müzüng chingnü arü. Api müretahkhinü thüningbo muhiudo tüsho api shikhinü alomi mide lakheah.

ZEPHANIA 3:9

Ju kim ching inü mihtsürübo kilim atsangkhit yutha khülang jihbah, junangde arü alalanü Atungpuh mung jibah tüsho arihako khülangnü api tankihbah.

WÜHKHE 14:21

tüshe tsükjide I lale, alomi athrünkhi I müretahkhinü amibah–

AMIKHEAKAKHIUKKHI 11:15

Judüki athünepü yunirünü api hulipungpung müt, tüsho yinmi chingnü düsheak achangnü tha, “Alomi kiulongthsü ju isa Atungpuh tüsho api yo Khrista kiulongthsü kamdo, tüsho apinü lünnü lün kiulongthsübah,”

AMIKHEAKAKHIUKKHI 15:4

O Atungpuh, shepünü nü mütrepü tüsho nü mung müremütahpü? Tümüde nü lang amüsüh ah. Trükshih alalanü arübah tüsho nü kingaünbah, tümüde nü mahkhapkhibo amikheak akhiukdo.”