HABAKKUK 2:1 - AMÜSÜH HÜM CL Bible (BSI)

¹ Inü aheangsadam kheak zhipbah, tüsho ju kheak aleangbah; apinü I ki tümü thaba tüsho inü atsangkhi dünkheak apinü tümü alobanü inü kheahde alabah.

HABAKKUK 2:1 Iomraidhean Croise

2 SAMUEL 18:24

Kheakü David ripit mahne dükeak binde alakheah. Aheangbuhnü ripit kumung kheak rhü chingnü yükih, tüsho küyimki apinü abina kheahkheanü mihtsürü khülang alangzü shande ngü.

2 KIULONG THSÜRÜ 17:9

Israel mihtsürübonü aramlimnü Atungpuh arü Thrünpuh azhihde rhimo. Arünü arü kiuto alala ching nihbuh thsungkheak achang dangpungbo aheangsadam kinü chipi ayünkhi kiuto khiungde thsü;

2 KIULONG THSÜRÜ 9:17

Jezreel ching, aheangsadam kheak aheangde azhipbuhnü Jehu le amihtsürü khiungde arükhi abina ngü, tüsho tha, “Inü boto khülang ngüchoh.” Joramnü tha, “ Khoraberü khülang luang; arü shorupü api yüshang tüsho apinü thashang, ‘ Ha mungtsü a shi?’”

JOB HU H T ANYU 31:35

O, khürünü I ki anikhülaa! Ha ching inü adokihkhi lah! Wutobuhnü I ki aloshang! O, I azhihrünü hüm khülang thrüta lakhülaa!

JOB HU H T ANYU 31:37

inü I jingdükükhi alala api ki jihbah; yakzanshuhrü khülang nangde inü api shorubah.

MUNGSHIKHÜN 5:3

O Atungpuh , yapsu nünü I düsheak sochoh; ani akhiukchoki inü tamkhüntamnüchoh tüsho nünü alojihpü aleangchoh.

MUNGSHIKHÜN 85:8

Atungpuh Thrünpuhnü tümü asukbanü inü anibah, tümüde apinü api mihtsürü tüsho amüsührü ki mungtsü asukbah; tüshe arü makhakhi lim dürholoshih.

MUNGSHIKHÜN 85:9

Tsükjide api trerü ki api akhümkhit thüninde lah, junangde müretahkhi isa lomi ching labah.

ISAIA 21:5

Arünü dükhüm kheanga zochoh, arünü sangbün-nüpnüp khima zochoh, arünü tsühchoh, arünü yungchoh. Asürang, limthorübo, tsungbo müdangke lünang!

ISAIA 21:6

Tümüde Atungpuhnü I ki ha thachoh: “ Yüang, aheangrü zhipshang, apinü tümü ngübanü thiyusheak jihshang.

ISAIA 21:8

Judüki aheangrünü zhi: “Aheangpung kheak I zhiplah, O Atungpuh nimung aban mutukzhakde, tüsho I aheangpung ching I tsüngreroro lah.

ISAIA 62:6

Nü rhübo kheak, O Jirusalem, inü aheangrü zojihlah; nimungroro tüsho tsüngreroro arünü zhikde müla. Nüsa sherü Atungpuh ki lümkhitloshihbanü zhikde düla,

JEREMIA 12:1

O Atungpuh küyimki inü nü azhihde athabanü nü alim labah; tüshe thiyuro dünkheak inü nü ki keokhianü: Tümüde amütsürü limro müngühmühicho? Tümüde mihyu manirübo tsüshihcho?

JEREMIA 6:17

Kheaküshe inü nüsa thsungkheak aheangrübo zojihlah: “Hulipungpung düsheak aniang!” Tüshe arünü tha, “ Isanü mani.”

EZEKIEL 3:17

“Mihtsürü tsührü, inü nü Israel yamkhün thsungkheak aheangrü khülang kamshihdo; jumonü inü asukkhi yu aniang tüsho I kilimnü arü ki dühdükhi yu jihang.

EZEKIEL 33:7

Jumonü, mihtsürü tsührü, Inü nü Israel yamkhün thsungkheak aheangrü khülang kamshihdo; inü nü kilim jihkhi kurhangyu arü kilim yüshang.

MIKA 7:7

Tüshe I a, inü Atungpuh kheahbah, inü I khümkhitbuh Thrünpuh aleangbah; I Thrünpuhnü I ki anijihbah.

2 KORINT 13:3

tümütüsho Khristanü I hode asukchoh de nüsa künkhi alala nüsanü amütsanbah. Apinü nüsa lung yihnüpü thsüchoki api yiuhyiuhde müla, tüshe nüsa bolung api wu huhchoh.

GALATIA 1:16

inü khiungkerü bolung api thsangyuthsangrapü api tsührü I kheak akhiukpü lakhea, inü mihtsürü ki keokhikeorapü müniokheam,