HABAKKUK 1:8 - AMÜSÜH HÜM CL Bible (BSI)

⁸ Arü khorabo ju sangtsung kheaknü athribe, are tsahbe rimre kheaknü alü amüshakbe; arü khorabonü khuchoh. Arü khoraberübo limshu chingnü arüchoh; arünü müleang phinkhi nangde shih tsühpü yungde akichoh.

HABAKKUK 1:8 Iomraidhean Croise

JOB HU H T ANYU 9:26

Arübo athukhi sangkung nangde, müleangnü shiwüh kheak keamkhi nangde yüchoh.

ISAIA 11:14

Tüshe anenü aniyüzahlim Filistiarü düthsün kheak phinde yükibah, anenü thsürubah aniakhiuklim mihtsürü yankhia lubah. Anenü ane khah Edom tüsho Moab azhihde achungbah, tüsho Amonrünü arü ki mihyu anibah.

JEREMIA 4:13

Kheahang! Api amobo nangde akihchoh, api khora-lolungbe chitmühean nangde; api khorabo müleang kheaknü athribe–isa are, tümüde isa thsümünima lah!

JEREMIA 48:40

Tümüde Atungpuhnü ha thachoh: Kheahang, api müleang nangde phinkhibah, tüsho Moab azhihde aghidükeangbo chutreakbah;

JEREMIA 5:6

Jumonü murung ching yo kekhüzünü arü nguhsahbah, loshelo ching yo rimrenü arü thsümünimbah. Sangtsungnü arü kiutobo azhihde kheahchoh; sherübo wukhiukbanü adütre kamde thonakbah– tümütüsho arünü alakmihkhibo hihlah, arü mulong murholokhi tolah.

JEREMIA 50:42

Arünü sanglüh tüsho thsüh shuhlah, arübo bukmüke tüsho mihmüthsüm müla. Arü düsheak ju keto arungkhi nangde lah; arübo khorabo kheak binlah, keochihpü thirithsürü nangde duklanglah, nü azhihde, O tsührübe Babilon!

TÜZHOKHI 4:19

Isa müshamrübo ju thüning ching müleangbo kheaknü athribe lakheah; arünü isa müzüngbo kheak yande müsham, arünü sunglo ching isa aleangde bin.

EZEKIEL 17:12

Ha azhih yamkhün ki thaang, Ha amütsan nünü mümükheah de? Arü ki thaang: Babilon kiulongthsüpuh Jirusalem lim yü tüsho kiulongthsürübo tüsho atorübo api lung Babilon lim belobah arü.

EZEKIEL 17:3

Arü ki thaang, Wuto Atungpuhnü ha thachoh: Müleang ato khülang wulakhi ghidükeangbo, amoghidung ashang tüsho aphuaphu kihbah Lebanon ching arüdo. Cedar kurungkheak tholobah,

EZEKIEL 26:11

Api khora biuobonü nü kiudunglimrobo jungbah. Apinü nü mihtsürübo nukshang kheak yihkihbah, tüsho nü yo amüküp dungjingbo alo kheak keambah.

HOSEA 8:1

Nü münküp kheak hulipungpung dünkihang! Müleang nangde Atungpuh yam kumung khülang lah, tümütüsho arünü I tangzüng thsümünimdo, tüsho I yakzan lakmihdo.

NAHUM 2:5

Apinü anihbuh torübo jichoh; arü khuhto ching arüchoki jing mükhechoh; arübo chipi lim niokheamde arüchoh tüsho atsunglobe tsung thsakhamlah.

ZEPHANIA 3:3

Ju ching atorübo ju ahukkhi kekhüzübo lah; mahkhaprübo ju are tsahbe rimrebo, junangde yapsu khiungde tümü maningshih.

MATHI 24:28

Tümütüsho kürü ching ashemibo abanü, ju ching müleangbo shomukhungbah.

LUKNÜ ATHRÜTKHI THIYUSHEAK-ATSÜ HUHTANYU 17:37

Arünü alo tüsho tha, “Atungpuh, küching a?” Jumonü apinü arü ki tha, “Kürü ching mi labanü, ju ching müleangbo mukhungbah.”

YUZÜNGTHALO 28:49

Atungpuhnü trük khülang müleang nangde aphinkhi, nüsanü arü yutha mümükheahkhi trükshih, alomi akheam, limshu chingnü nüsa azhihde handarübah.