HABAKKUK 1:6 - AMÜSÜH HÜM CL Bible (BSI)

⁶ Tümüde inü mihmukhiuh tüsho mükeamramkhi trükshih, nihbuh yo yungkhi lapungbo lupü alomi mülih hode atsahkhi Kaldearü wusushihchoh.

HABAKKUK 1:6 Iomraidhean Croise

2 KIULONG THSÜRÜ 24:1

Api nimungbo ching Nebukednezar Babilon kiulongthsüpuh atu; Jehoiakim kam mahsam api yamlarü kamabah; apinü rholo tüsho api azhih.

2 KIULONG THSÜRÜ 24:2

Atungpuhnü api azhihde Kaldea, Siria, Moab, tüsho Amon bonungrübo yüshih; apinü ayamlarü wukihrübo hode asukkhi Atungpuh yu yande Juda azhihde dükheakshihpü arübo yüshih.

2 KIUTHSÜYUKHEAN 36:17

Jumonü apinü arü azhihde Kaldearü kiulongthsüpuh bede wutu, apinü athunubo arü arüngyam ching nukshangnü laksah, tüsho athrününgtsüng mihtsürü yungsho anünürü, ashinbuhrü yungsho azobankhi kheak mihmuzho mülade kam; apinü arü alala api khah ching jih.

2 KIUTHSÜYUKHEAN 36:6

Babilon kiulongthsüpuh Nebukednezarnü api azhihde atu, tüsho api Babilon lim bede ayüpü wuhrünliunü rhük.

ISAIA 23:13

Kaldearü lomi kheahang! Ha mihtsürü kheakü mükheyukde lah; ha Asiriarünü mütüm shiwühbo khilim akhukheah. Arünü ayanpü aheangpungbo thsüa zhipshih, arünü anihbe kiulongthsürü-yambo thokheam, arünü anihbe athsümünimkhi kamshih.

JEREMIA 13:20

Nü mük rheakbah sherü dukulimnü arüchonü kheahang. Nü kilim jihkhi akheahakham namfimihnu boto kükheak la?

JEREMIA 21:4

Nüsanü Zedekia ki ha thabah: Atungpuh Israel Thrünpuhnü ha thachoh: Nüsa khah ching lakhi thirithsü thsühnukbo küpünü chipi aleanglim nüsa yanrü Babilon kiulongthsüpuh tüsho Kaldearü bede keochihchonü inü luloabahbah; tüsho inü arübo ha kiuto phulung ching rukhüh bemukhungbah.

JEREMIA 21:7

Atungpuhnü thachoh, ju dunglim inü Juda kiulongthsüpuh Zedekia, api yamlarübo, tüsho ha kiuto ching larü mihtsürübo–arümtukthsü, nukshang tüsho khümzung chingnü rhangdung larü–Babilon kiulongthsüpuh Nebukednezar khah ching, arü rhangdung yimrü arü riri khah ching jihbah. Apinü arübo nukshang müzheannü alaksahbah; apinü arü amuzho müla, maningshih, yungsho mihmuzho müla.

JEREMIA 25:9

Atungpuhnü thachoh, Inü dukulim trükbo tüsho I yamlarü Babilon kiulongthsüpuh Nebukednezar, ha lomi le mihtsürübo tüsho mühi trükshih alala azhihde handarübah; inü arü shahde thsümünimbah tüsho arübo atrebe tüsho ish thsübe, tüsho akheam müla mihmüthsüm mülakhi kamshihbah.

JEREMIA 30:5

Atungpuhnü ha thachoh: Isanü atrebe, atrekhi zhikhi sodo, mungtsü yung.

JEREMIA 4:11

Ju kim ching ha mihtsürü tüsho Jirusalem ki thabah: Loshelo ching awung mujukbo chingnü apung atak I mihtsürü kilim arüchoh, ayünpü yungsho amüsühpü lang yung–

JEREMIA 4:6

Zion limpeang riphin shuhkihang, tsoyukpung yimang, dashu, tümüde inü dukulimnü amütsü tüsho athsümünim ato handarado.

JEREMIA 4:8

Ha dünkheaknü shungliukhim phuyuang, tüzhoang tüsho tripang: “Atungpuh bukakhiukkhi isa kheaknü rholode mutso.”

JEREMIA 5:15

Inü limshu chingnü trükshih khülang nü kheak handarübah, O Israel yamkhün, Atungpuhnü thachoh. Ha sühmüh lakhi trükshih, ha jipü-lün trükshih, nünü mümükheahkhi yutha trükshih, yungsho arünü athakhi nünü manikhitkhuk.

JEREMIA 8:10

Jumonü inü arü niuberübo püpürü kilim jihbah tüsho arü lubo akukrü kilim jihbah, tümütüsho aninikhühnü atobe khiungde mihbüm abannü thiyuro mülakhi alü thsüpü bukmükhütlah; wukihrünü amükeamrü khiungde thiyuro mihbüm abannü mülimde rhimochoh.

EZEKIEL 16:40

Arünü nü azhihde arhunganim boto bedarübah, arünü nü kheak lungnü arubah tüsho arü nukshangbonü nü adütre kamde alipthünakbah.

EZEKIEL 21:31

Inü I mulong zhipzhip nüsa kheak dungkihbah tüsho nüsa azhihde I bukakhiukkhi mo mütkihbah; inü nüsa bukmüke mihtsürü, athsümünimpü ching athsükhit mihtsürü khah ching jihbah.

EZEKIEL 28:7

jumonü inü nü azhihde jaksorü atrebe trükshih handarübah; arünü akhamkhi nü lümlung azhihde nukshangbo thokhitbah tüsho nü mungthu müneanbah.

EZEKIEL 31:12

Khide atrebe trükshihbo ching khiungkerübonü ju kiushak tüsho bahbah tso. Müzüngbo kheak tüsho jindükhünbo ching akhahbo keamkhi, tüsho jindükhün lo asükbo ching zhaka yaplah; tüsho mihtsürü alala ha alamme khüpnü bahbah tso.

JOEL 2:3

Arü müngüh mo takchoh tüsho arü dunglim motru aniuchoh. Arü müngüh alo ju Eden shahwün nangde lah, tüshe arü dunglim a athsümünim sunglo nangde lah, tüsho tümü she arü kheaknü mutsokhi.