HABAKKUK 1:13 - AMÜSÜH HÜM CL Bible (BSI)

¹³ Nü mükbo ju amütsü ngüpü khide tsangkhitlah, tüsho nünü amülim-rhimo kheak mükheahkhuk; tümüde nünü mülapmüji kheak kheahcho le, tüsho mihbukmuyuknü arü kheaknü thiyurolungkirü lakhi muyuchoki zhikde lacho le?

HABAKKUK 1:13 Iomraidhean Croise

2 SAMUEL 4:11

Dale tüsho thiyuro mihtsürü khülang nihbuh yam ching ayapkiu kheak mihbukmuyuk mihtsürünü laksahsho, küdükhüh she alaba! Tüsho kheakü api thiyih nüke khah chingnü mükheangba de, tüsho nüke alomi chingnü müdükheakshihba de?”

1 KIULONG THSÜRÜ 2:32

Apinü thiyih bukshihkhi Atungpuhnü anihbuh ku kheak hanlodarübah, tümütüsho I buh Davidnü mümükheahde, apinü anihbuh kheaknü atsübe thiyuro mihtsürü mahne, Ner tsührü Abner, Israel bonungrü limthobuh, tüsho Jether tsührü Amasa, Juda bonungrü limthobuh yande nukshangnü laksah.

ESTER 4:14

Nünü hadürü kim ching sheak makhiukde binsho, yinmi limnü Jihudarü kilim arung arübah, tüsho arü khümkhitbah tüshe nü a ashebah tüsho nü buh yamkhün adükheakbah. Shenü mükheahla, hadürü kim khülang thsungkheaknü nü kiulongthsüberü kamshihkhi she alapü kuklah.”

JOB HU H T ANYU 15:15

Thrünpuhnü api yo amüsührü kheak she akin müla, tüsho yinmibo api mük ki amüsüh yung;

JOB HU H T ANYU 21:7

Tümüde mihbukmuyuk ashin khiungde rhangdung lacho, tüsho wu tode kamcho?

JOB HU H T ANYU 24:23

Apinü arü kilim tsokhitpung jihchoh tüsho arü tsunglolah; api mükjibo arü limrobo kheak lah.

MUNGSHIKHÜN 10:15

Mihbukmuyuk tüsho amütsü mihtsürü bin yihshakjang; api mihbukmuyuk shahjungde mülayi khiungde nünü yimang.

MUNGSHIKHÜN 18:26

atsangkhitrü ki nünü tsangkhitde huhchoh; mihbukmuyuk ki nünü lungkhangchoh.

MUNGSHIKHÜN 25:3

Nü aleangrü sheshe achih düngüshih; nü azhihrübo achih ngüshang.

MUNGSHIKHÜN 35:17

O Atungpuh , külokhüh nünü akheahba? Arünü ayankhi chingnü I khümkhitang; kekhüzübo chingnü I rhangdung khümkhitang.

MUNGSHIKHÜN 35:22

O Atungpuh , nünü ha ngüdo; zhikde düla. O Atungpuh , I kheaknü limshude düla.

MUNGSHIKHÜN 35:25

Arünü nihbuh küdah thsüde düthashih, “Aha, isa mulongnü akünkhi lah!” Arünü düthashih, “Isanü api muyudo.”

MUNGSHIKHÜN 50:21

Nünü harü rhimodo, tüsho inü zhikde la; I ju nü ruk ah de nünü lüm; tüshe inü nü thürühbah, tüsho jurübo nü miki akhin akhinnü azobah.

MUNGSHIKHÜN 50:3

Isa Thrünpuh arüchoh, apinü zhikde müla, api müngüh amuliube mo lah, api mükamde chinthrüm ato lah.

MUNGSHIKHÜN 73:3

Tümütüsho inü mihbukmuyukrü tsüde alakhi ngübah, akükheangrü mükthsüde alakheah.

MUNGSHIKHÜN 83:1

Malande düla, O Thrünpuh; nü mungtsü dütholo, tüsho zhikde düla, O Thrünpuh!

ISAIA 21:2

I ki michih amuthsuk thaa lah; mülapyukrünü mülapyukchoh, tüsho athsümünimrünü thsümünimchoh. Wutuang, O Elam, yandoang, O Midia; anihbenü thsünüshihkhi alala inü akheam thsüshihbah.

ISAIA 24:16

Alomi akheam chingnü isanü mungshikhünbo, Thiyuro-labuh Khülang müretahkhi shikhün isanü sochoh. Tüshe inü thachoh, I mülatsan, I mülatsan, I are! Mülapmüjirünü mülapmüjichoh, atsütsü mülapmüjirünü khide mülapmüjide rhimodo.

ISAIA 33:1

Nü are, O athsümünimrü, nü müthsümünimyi! Nü are, O thsungyukjihrü, nü muthsungyukyi! Küyimki nünü athsümünimpü tuklobanü, nü thsümünimbah; küyimki nünü athsungyukpü tuklobanü, nü thsungyukbah.

ISAIA 64:12

Ha alala dunglim, nü tukloba de, O Atungpuh ? Nü zhikde alaba de, tüsho isa khitode thsümüchiba de?

TÜZHOKHI 3:36

küyimki khürü thiyuro lakhi bephülapbanü, Atungpuhnü ju müngü de?

HABAKKUK 1:14

Nünü mihtsürübo keto ngüh nangde, yakzanshuhrü mülakhi lorilokobo nangde kamshih.

ZEKARIA 8:17

khülangnü khülang azhihde nüsa mulongbo ching amütsü düthsü, tüsho akeangyu thiyuchihchim dümuzho; tümüde harü alala inü athraneankhi lah, Atungpuhnü thachoh.

YUNIRÜBO RHIMO 2:23

Thrünpuhnü ha mihtsürü ju lümkhi lade tüsho mükheahjungde nüsa kilim jih; tüsho nüsanü mihbukmuyuk arung hode api sangkim kheak yümkihde sheshih.

YUZÜNGTHALO 23:15

“Azhorü khülang nihbuh putungrü kheaknü alihde nü kilim arükhi nünü atungrü kilim düyüloshih.