HABAKKUK 1:12 - AMÜSÜH HÜM CL Bible (BSI)

¹² Nü adüsonü lah yung de, O Atungpuh I Thrünpuh, I yo Amüsüh Khülang? Nü müshe. O Atungpuh , mahkhapshihpü nünü arü mokhit; tüsho O Lung, nünü thsünüshihpü arü lashih.

HABAKKUK 1:12 Iomraidhean Croise

THRÜNTAN 21:33

Abrahamnü Beersheba ching tamarisk sang khülang khim tüsho ju ching apinü akheam müla Thrünpuh, Atungpuh mung ji.

2 KIULONG THSÜRÜ 19:25

Müngühlimnü inü lümkihdo de nünü muso de? Awün nimungbo chingnü inü lüm, kheakü tümü inü hande arücho, junangde nünü chipi ayünkhi kiutobo müneanmuru mujung kamshihdo.

MUNGSHIKHÜN 102:24

Inü tha, “O I Thrünpuh, I nimungbo aphulungnü I bede dütso; nü kambo lünbo alala ching lah.

MUNGSHIKHÜN 118:17

I müshe, tüshe arang labah, tüsho Atungpuh rhimobo khipkhitchoh.

MUNGSHIKHÜN 149:2

Israelrü arü Thrünrü lung asühachihshang; Zion tsührübonü arü kiulongthsüpuh lung asühachihshang.

MUNGSHIKHÜN 17:13

Asürang, O Atungpuh , api shoruang, tüsho keamshang; nü nukshang hode mihbukmuyuk chingnü I bekhitang,

MUNGSHIKHÜN 18:1

Inü nü muzholah, O Atungpuh , I sühmüh.

MUNGSHIKHÜN 74:12

Tümütüsho adüsonü Thrünpuh ju I kiulongthsüpuh, alomi bolung ching akhümkhit rhimochoh.

MUNGSHIKHÜN 90:1

Atungpuh , lünbo alala ching nü isa lapung lakheah.

MUNGSHIKHÜN 90:2

Müzüngbo müthrünkhityide, yungsho nünü alomi tüsho alomiküp mükamshihyide, akheam mülanü akheam müla khiungde, nü Thrünpuh ah.

MUNGSHIKHÜN 93:2

Nü kiulongthsü-binkiu adüsonü thsüa lah; nü a akheam mülade lah.

ISAIA 31:1

Aha, sherünü arung thsungkheak Ijip ching yükicho tüsho shenü khorabo kheak düthsün angücho, shenü khora-lolungbe kheak kincho tümütüsho arü ahihdo lah tüsho khoraberü kheak kincho tümütüsho arü khide sühmüh lah, tüshe Israel Amüsüh Thrünpuh kheak mükheah yungsho Atungpuh ki mükeokhi!

ISAIA 37:23

Nünü she kheak keangrümünekhea tüsho mükhemürangkhea? She azhihde nü düsheak zhikhea tüsho lülüshishide nü mük züngkihkhea? Amüsüh Israel Thrünpuh azhihde ah!

ISAIA 37:26

“ Inü adüsonü lümkihdo de nünü muso de? Kheakü inü tümü handarüchonü inü awün nimungbo chingnü lümkhi thsükheah, junangde nünü chipi ayünkhi kiutobo kingnaka müneanmuru mujung kamshihpü lakheah.

ISAIA 40:28

Nünü mümükheah de? Nünü muso de? Atungpuh ju akheam mülakhi Thrünpuh, alomi akheambo Thrünrü. Api sühmükeakea yungsho mükeak; api anikhitkhi mümüyimkhukbe lah.

ISAIA 43:15

I Atungpuh nü yo Amüsüh Thrünpuh, Israel Thrünrü, nü kiulongthsüpuh.

ISAIA 49:7

Atungpuhnü ha thachoh, Israel Rhokhitrü tüsho api Amüsüh Khülang, sükde jingmükhea lakhi kilim trükshihbonü athraneankhi, yakzanshuhrü yo azhorü, “ Kiulongthsürübonü angübah tüsho wusurübah, yakzanshuhrübonü angübah tüsho arünü amükhümbah, tümütüsho Atungpuh hode shepü athülün la, Israel Amüsüh Thrünpuh shepünü nü mokhitkhea.”

ISAIA 57:15

Tümüde Khide Achangbuhnü ha thachoh, shepü akheam mülade la, shepü mung Amüsüh la: mulong müthrirü tüsho me ching azhihayihrü lung, me ching azhihayihrü müthriloshihpü, tüsho mulong müthrirü müthriloshihpü I achang tüsho amüsüh dangpung ching lah.

JEREMIA 30:11

Tümüde nü khümkhitpü I nü lung lah, Atungpuhnü thachoh, inü nüsa hiumüzütshihpung trükshihbo alala kheamshihbah, tüshe nü a inü mükheamshih. Thiyuronü inü nü danbah, tüsho nü shahde müthsümüchidüa mutsoshih.

JEREMIA 4:27

Tümüde Atungpuhnü ha thachoh: Lomi abümnü zhikrangkhündo alabah; tütüshe inü akheam tsütsü mükamshih.

JEREMIA 46:28

Nü thsungkheak a, dütre, I yamlarü Jakob, Atungpuhnü thachoh, tümüde I nü lung lah. Inü nü yana yüshihkhi trükshih alala kheamshihbah, tüshe inü nü a mükheamshih! Inü nü alungki ching thsangdanbah tüsho inü shahde müthsümüchidüa nü muzojih.

JEREMIA 5:18

Atungpuhnü thachoh, ju nimungbo ching she, inü shahde mükheamshih.

TÜZHOKHI 5:19

O Atungpuh , tüshe nünü lünnü kiulongthsüchoh; nü kiulongthsü-binkiu lünnü lün lachoh.

EZEKIEL 30:25

Inü Babilon kiulongthsüpuh bin düküngshihbah, tüshe Pharao binbo keambah. Inü Babilon kiulongthsüpuh khah ching I nukshang yukjihchoki, I Atungpuh de arünü mükheahbah. Apinü Ijip lomi azhihde ju shuhkihbah,

MIKA 5:2

Tüshe nü, O Bethlehem Ephratha shepü Juda gukbo ching aninibe la, nü kheaknü I thsungkheak Israel ching yakzan shuhpü arübah, shepü ying awün chingnü, jipü nimungbo chingnü la.

HABAKKUK 3:2

Atungpuh , inü nü mungthukhi sodo; nü rhimokhibo dünkheak inü trede zhip, O Atungpuh . Isa nimungbo ching jurü thsüphuloshang, isa kimbo ching jurü mükheahshang; mulong zhipzhip ching mihmüthsüm lümkhitjang.

HABAKKUK 3:6

Apinü tukloa zhip tüsho alomi niuk; apinü kheah tüsho trükshihbo ajanshih. Lün lakhi müzüngbo shuh-a ajan; jipü limtsah limrobo bede lün lakhi wungbo keamyuk.

MALAKI 3:5

Judüki mahkhappü thsungkheak I nüsa ki thüninde arübah; inü wurükhuhrü azhihde, müzammüramrü, akeangyu thiyuchihchimrü, mülomüthsürü mihkhah, khimoberü tüsho mürerü junorü, khiungkerü nimmuwuh-a bahrü tüsho I mütrerü azhihde thiyumütsan jihpü atukathribah, Wuto Atungpuhnü thachoh.

MALAKI 3:6

Tümüde I Atungpuh mümüthrichoh; jumonü, O Jakob tsührübo, nüsa müdükheak.

YUNIRÜBO RHIMO 3:14

Tüshe nüsanü Amüsüh tüsho Thiyuro-lungkibuh bahyuk, tüsho mihlaksahrü nüsa kilim dükheshihpü kheang,

YUZÜNGTHALO 32:4

Api ju lung, api rhimo khiukdahlah; tümüde api limro alala alungki. Athülünkhi Thrünpuh tüsho amülim mülakhi, api alungki tüsho dükde lah.

YUZÜNGTHALO 33:27

Akheam mülakhi Thrünpuh ju nü lapung lah, tüsho abukkhüp lakhi ju akheam mülakhi khahbo ah. Tüsho apinü thiriri nüsa müngühnü yana tsoshihchoh, tüsho tha, ‘Dükheang.’

1 TIMOTHI 1:17

Amüshebuh, amüngübuh, lünbo Kiulongthsürü, Thrünpuh lang lünnü lün wüntre lashang tüsho müretahkhi thsang. Amen.

1 TIMOTHI 6:16

api lang amüshebe tüsho mukhiungkhukbe ayin ching lah, shenü she müngü yungsho angüpü mukuk. Api kilim lünnü wüntre tüsho sühmüh lashang. Amen.

IBRI 13:8

Jisu Khrista ju yini, khihni tüsho lünnü rukhüh ah.

AMIKHEAKAKHIUKKHI 1:11

hade tha, “Nünü tümü ngülanü hüm kheak thrütang tüsho borü thüne, Efisia, Symrna, Pergamum, Thyatira, Sardis, Philadelphia, tüsho Ladokia lim mühahang.”

AMIKHEAKAKHIUKKHI 1:8

Shepü la tüsho shepü lakhea tüsho shepü arüpü la, Atungpuh Thrünpuh, Wutonü thachoh, “I atankih tüsho akheam.”

1 SAMUEL 2:2

“Atungpuh nangde sheshe Amüsüh müla, nü hobah sheshe müla; isa Thrünpuh nangde sheshe Lung müla.