GALATIA 6:3 - AMÜSÜH HÜM CL Bible (BSI)

³ Tümüde khürünü tümü mülade api ju tümüanü ah de lümsho, apinü küdah thsüde mülapyukchoh.

GALATIA 6:3 Iomraidhean Croise

MÜCHITMUDU 25:14

Shepünü arükchihnü jihchungkhi kheak kükheangchonü tsüng mübekhi amobo tüsho apung ruk ah.

MÜCHITMUDU 26:12

Khürünü mülalaa nihbuh lümlung lah de alümkhi kheaknü shadakde makharü atsübe ah.

LUKNÜ ATHRÜTKHI THIYUSHEAK-ATSÜ HUHTANYU 18:11

Pharisibuhnü zhip tüsho tamkhüntamnü, ‘Thrünpuh, I a püpürü mihtsürübo–jangkhijangrarü, thiyuro mülarü, müzammüramrü, yungsho ha ruk-threbuh nangde mülakhi hode nü ki makshe jihchoh.

YUNIRÜBO RHIMO 5:36

Tümütüsho müngühlim Theudasnü nihbuh küdahnü ato kamde wusu, tüsho mihtsürü 400 bande api ki mukhung; tüshe api laksah tüsho api dunglim yanrübo tümü mülade müzütabah.

ROMRÜ KILIM PAULNÜ ATHRÜTKHI KIHÜM HUHTANYU 12:16

Khülangnü khülang ki arihakokhi ching laang; dükükheang, tüshe abobe kuhi mihtsürü lung arihpü mulongang. Nü küdahnü lümlung larü ah de dülüm.

ROMRÜ KILIM PAULNÜ ATHRÜTKHI KIHÜM HUHTANYU 12:3

Tümütüsho I kilim jih-a lakhi amüthsüm hode inü nüsa aban ki thachoh: Nü thülünkhi kheaknü nü küdahnü khide changde dülüm, tüshe Thrünpuhnü nü kilim jihkhi akin ayannü athülün atsüngalimnü lümang.

1 KORINT 13:2

Tüsho müchitpü wubo, aramyu alala anikhitpü tüsho mükheahmudu alala lalashe tüsho awungbo lah-a bahpü I akin alala lalashe, amuzho mülasho I tümü müla.

1 KORINT 3:18

Sheshe nihbuh küdah thsüde düthsungyukshih. Nüsa bolung khürünü ha lün ching api lümlung larü ah de lümsho, api makharü kamshang, junangde api lümlung larü kambah.

1 KORINT 8:2

Khürünü tümükhüh mükheahlah de lümsho, apinü amükheahpü lakhi she mümükheahyi.

2 KORINT 12:11

I makharü lakheah, tüshe ju nüsanü akamshihkheah. Tümüde nüsanü I shijihpü lakheah; tümütüsho I tümü mükama lalashe harü “adungto amüsüh-thsangyurübo” ki I aninibe yungde alakheah.

2 KORINT 3:5

Isanü tümükhüh lang she isa küdahnü athsükhukkhi lah de alümkhi müla; isanü athsükhukpü ju Thrünpuh kilimnü lah.

GALATIA 2:6

Sherü adungto nangde lanü, arü küruk küruk lalashe I kheaknü tümü büthsüde müla; Thrünpuhnü aleanglim kheahde mahmükhapchoh–jurü mihtsürübonü I athsunganah aso tümü she müjih.

GALATIA 2:9

Limberübo nangde alarü, Jakob, Peter, tüsho Johan arünü ha adungto rhimo Thrünpuhnü I kilim jih-a lah de kheahkhit; jumonü isa rungachihrü ah dükhi amütsan arünü Barnaba le I kheak salüm thsü. Barnaba le I khiungkerü bolung tüsho arünü Jihudarü bolung rhimopü isanü mulungachih.

2 TIMOTHI 3:13

mihtsürü amütsü tüsho rükmütsürü a mülapyukde tüsho mülapyukabahde amütsü chingnü amütsübe kambah.

JAKOB 1:22

Tüshe thiyu yande arhimorü thsang, tüsho nüsa küdahnü mülapyukde asorü lang düthsü.

JAKOB 1:26

Khürünü api ju akin ching mulong jihlah de lümbah anihbuh mulo müdanyuksho, api küdah thsüde mülapyukchoh tüsho api kingaün ju akeangkeang.

1 JOHAN 1:8

Isa neak müla de isanü thasho, isanü küdah thsüde mülapyukchoh, tüsho isa kheak thiyuro müla.