GALATIA 3:2 - AMÜSÜH HÜM CL Bible (BSI)

² Inü nüsa kilimnü ha lang anikhitnelah: Nüsanü yakzan anide arhimokhinü Me leangkhikhea shi, dashi nüsanü asokhi kinkhinü a?

GALATIA 3:2 Iomraidhean Croise

YUNIRÜBO RHIMO 15:8

Mulong mükheahbuh Thrünpuhnü isa ki rhimokhi nangde Amüsüh Me jihde arü leangkhikhi huh;

YUNIRÜBO RHIMO 2:38

Tüsho Peternü arü ki tha, “Nüsa mihbüm abannü nüsa neak bahpü thsungkheak Jisu Khrista mung chingnü mulong müthriang tüsho baptiang; tüsho nüsanü Amüsüh Me thsambah leangkhibah.

YUNIRÜBO RHIMO 8:15

Küyimki arü akhiungkhea, arübo Amüsüh Me leangkhipü thsüde arü thsungkheak tamkhüntamnüjih,

ROMRÜ KILIM PAULNÜ ATHRÜTKHI KIHÜM HUHTANYU 1:17

Tümüde ju ching Thrünpuh thiyuro-lungki ju akin chingnü akin hode akhiuka lah; ha thrüta lah, “Shepü thiyurolungkianü akin hode arhang alabah.”

1 KORINT 9:21

Yakzan mülarübo ki arü bedarüpü thsüde, Thrünpuh kilim yakzan mülakhi yung tüshe Khrista yakzan bukkhüp I ju yakzan mülarü khülang kam.

2 KORINT 11:4

Tümüde khürünü arübah isanü thsangyuthsangrakhi Jisu kheaknü püpü Jisu thsangyuthsangrasho, yungsho nüsanü leangkhikhi kheaknü püpü me leangkhisho, yungsho nüsanü leangkhikhi kheaknü püpü thiyusheak-atsü leangkhisho, nüsanü thülihkhürado ju khüp laabahbah.

GALATIA 3:14

Abraham kilim jihkhi müngühmühi Jisu Khrista hode khiungkerü kheak arüpü thsüde apinü isa rhokhit, junangde akin hode isanü Menü alokhikhi leangkhibah.

GALATIA 3:3

Nüsa khide makhaa la de? Me kheaknü tankih dunglim mihtsürü khuksahkhinü nüsa mükkheahkih khiungpü mürangcho de?

GALATIA 3:5

Nüsanü yakzan anide arhimokhi hode Thrünpuhnü nüsa kilim api Me jihbah nüsa bolung khinthiyinbe rhimokhea shi, dashi nüsanü asokhi kinmonü a?

IBRI 2:4

Thrünpuhnü she amütsanbo, amüyinsahbebo tüsho khinthiyinbebo aphuaphu tüsho api lümkhi yande Amüsüh Me thsambahbo ahiuhkhi hode thiyumütsan thsü.

IBRI 4:2

Tümüde arü kilim nangde thiyusheak atsü isa kilim arü tüshe arünü asokhi yusheaknü arü alü müthsü, tümütüsho arünü akin bede musokhit.

IBRI 6:4

Tümüde khülangki mulong müthribah, yinmi thsambah tsahkeakheahkhi, tüsho Amüsüh Me ching shihcham lurü thsungkheaknü amukukkhi lah;

1 PETER 1:12

Yinmi chingnü athiyikhi Amüsüh Me hode thiyusheak atsü zhiyukrü yunithsürü kilimnü nüsanü kheakü sokhi arünü harü dünkheak thakhi, Thrünpuhnü harü wukihrübo ki amikheak akhiukshihkhi, arü rhimo ju arü alü thsüpü thsungkheak yungde nüsa thsungkheak ah. Hadürü ching yunirübonü she akheahpü mulongchoh.