GALATIA 3:1 - AMÜSÜH HÜM CL Bible (BSI)

¹ O makhakhi Galatiarü! Nüsa mük ki Jisu Khrista yümkihkhi mütsande ngübahle shenü nüsa bephülapkhea?

GALATIA 3:1 Iomraidhean Croise

MATHI 24:24

Tümütüsho arükchih Khristabo tüsho arükchih wukihrübo akhiukbah tüsho kuksho amokhitrü she bede mülapyukpü amütsan atobe tüsho amüyinsahbebo rhimobah.

MATHI 7:26

Tüshe sherünü I yu harü sobah anide mürhimonü loyi kheak api yam thsükhi makha mihtsürü nangde lah.

LUKNÜ ATHRÜTKHI THIYUSHEAK-ATSÜ HUHTANYU 24:25

Judüki apinü ane ki tha, “O makharübo, tüsho wukihrü alalanü athakhi kinpü müniokheamkhi mulong!

YUNIRÜBO RHIMO 16:6

Tüsho anenü Phrygia le Galatia lomi hode yü, tümütüsho Amüsüh Menü Asia ching müthsangyuthsangrashih.

YUNIRÜBO RHIMO 6:7

Junangde Thrünpuh yu bude yü; Jirusalem ching akinrübo khide hihde kam, tüsho amükeamrü ahihkhühnü akin leangkhi.

ROMRÜ KILIM PAULNÜ ATHRÜTKHI KIHÜM HUHTANYU 10:16

Tüshe arü alalanü a thiyusheak-atsü müleangkhi; tümüde Isaianü tha, “Atungpuh, isa kheaknü asokhi shepünü akinkhea?”

ROMRÜ KILIM PAULNÜ ATHRÜTKHI KIHÜM HUHTANYU 2:8

Tüshe yihnelunerü tüsho thiyuro bahyukbah amütsü yimrü thsungkheak mulong zhipzhip tüsho bukakhiuk labah.

ROMRÜ KILIM PAULNÜ ATHRÜTKHI KIHÜM HUHTANYU 6:17

Tüshe nüsa khülangki neak azhorü thsübah nüsanü akinkhi thsangyukhi ching mulong shuhmülanga jihde mihyuanide akamkhi Thrünpuh ki makshe jihang,

1 KORINT 11:26

Tümüde nüsanü küdükhüh ki ha yikhap tsühba tüsho pung yungbanü api arü khiungde Atungpuh shekhi dünkheak zhiyukjang.

1 KORINT 2:2

Tümüde Jisu Khrista tüsho api yümkihkhi kheak hode inü nüsa bolung tümü mükheahpü mupungkhi.

2 KORINT 10:5

Thrünpuh mükheahmudu lim atsangachih tüsho lülüshishi limkhudo aban isanü thsümünimchoh, tüsho lümkhi aban Khrista yu anipü ramde arüchoh.

2 KORINT 11:3

Tüshe inü trejihde alakhi ju phurutonü arük hode Eve mülapyukkhi nangde, lümrhangkhi tüsho Khrista kilim shuhmülanga jihkhi chingnü nüsa lümkhibo bephülapde atsobah.

GALATIA 1:2

tüsho I lung lakhi keoniorü alala kilimnü, Galatia borübo kilim:

GALATIA 1:6

Khrista amüthsüm ching nüsa jibuh nahde bahkhibah püpü thiyusheak-atsü lim tsokhi inü müyinsahchoh–

GALATIA 2:14

Tüshe küyimki arünü thiyusheak-atsü thiyuro dünkheak langde mütsahkhi inü angükhea, inü arü alala mikinü Peter ki tha, “Nü Jihudarü thsübah khiungkerü nangde lachoh tüsho Jihudarü nangde yung, dale küde thsah nünü khiungkerü ju Jihudarü nangde alashihkhukpü?”

GALATIA 3:3

Nüsa khide makhaa la de? Me kheaknü tankih dunglim mihtsürü khuksahkhinü nüsa mükkheahkih khiungpü mürangcho de?

GALATIA 4:9

tüshe kheakü, nüsanü Thrünpuh mükheahdo, yungsho Thrünpuhnü mükheahdo, küde thsah nüsanü jurü bukkhüp azhorü kamlopü reangmüzahkhi tüsho achimudo yuzüngbo lim rholoba?

GALATIA 5:11

Tüshe keoniorübo, inü judü lang tsütabahpü thsangyuthsangrasho, tümüde kheakü khiungde I thsümüchikhi la? Judeasho inü sangkim dünkheak thsangyuthsangrakhinü küpkhuk tümü makhiukshih.

EFISIA 3:8

Amüsührü bolung alala kheaknü I aninibe thsüa lalashe, khiungkerü kilim müyimkhitkhukbe Khrista lakhit, ha amüthsüm I kilim jihdo,

EFISIA 4:14

junangde kheaküa isa thsunga yüla arüla de tüsho kingaün-yakzan apungnü yünde, arü rük amütsü ching azürü nangde müla.

EFISIA 5:15

Lümlung mülarü yung tüshe lümlung larü mihtsürü nangde, nü künangde tsahchonü kümkangde kheahang,

YUZÜNGTHALO 32:6

Nüsanü Atungpuh kheak hade rhimocho de, nüsa abünrü tüsho azhazha mihtsürü? Api ju nü thrünrü nü buh yung de, shepünü nü thrün tüsho trük kamshih?

2 TESALONIKA 1:8

Thrünpuh mümükheahrü tüsho isa Atungpuh Jisu thiyusheak-atsü mihyumanirü apinü thsümüchibah.

1 TIMOTHI 6:4

api kükheanglah tüsho tümü mümükheah; api a alanaji lümkhi amütsü tüsho atsangachihpü künkhi lah, junü mükthsü, marüpachih, dünthamungtha, mulong rüngkhi,

IBRI 11:8

Akin hode Abrahamnü apinü yamrüplurüp lupü dangpung ching yüpü jichoki mihyuani; tüsho apinü küching yübeanü mümükheahde wukhiuk.

IBRI 5:9

tüsho khiukdahkhi kamde api ju anihbuh ki mihyuanirü alala yo lünnü akhümkhit limro kam,

1 PETER 1:22

Mulong jihde keoniorübo muzhopü thsungkheak nüsanü thiyuro ching mihyuanikhi hode nüsa mebo tsangkhitde khülangnü khülang mulong ching tsüde muzhoachihang.

1 PETER 4:17

Tümüde Thrünpuh yamkhün chingnü mahkhap tankihpü arüdo; tüsho ju isa kheaknü tankihsho, Thrünpuh thiyusheakatsü mihyumanirü küde akheam thsüba?

2 PETER 2:18

Küyimki arünü lülüshishide akeangkeang yu asukbanü, arünü shihkünkhi, yakli amütsü hode dükde mülarü bolungnü atsokhirü bephülapchoh.

AMIKHEAKAKHIUKKHI 18:3

tümüde trükshih alalanü anihbe mümüsühkhi shihkünkhi yukhu yungdo, tüsho alomi kiulongthsürübonü anihbe kheak müzammüram yihbeakdo, tüsho alomi shothsümolorübonü anihbe hode müthangmüsünkhi chingnü alarü kamdo.”

AMIKHEAKAKHIUKKHI 2:20

Tüshe inü nü azhihde ha lah: Anihbe küdahnü Thrünpuh yunirü ah de jia lukhi Jezebel kheak arümkheamchoh. Anihbe thsangyukhinü I tankihrübonü müzammüram rhimoshihde tüsho sangthsübo ki kingaünkhi tsühyungbe tsühshihde bemüchihdo.

1 SAMUEL 13:13

Samuelnü Saul ki tha, “Nünü bünkeangbünrude rhimodo; apinü nü kilim thiyukhüm jihkhi Atungpuh nü Thrünpuh yukhüm nünü manidebahdo. Atungpuhnü nü kiulongthsü Israel kurungkheak lünnü alashihpü thsükheah,