GALATIA 2:9 - AMÜSÜH HÜM CL Bible (BSI)

⁹ Limberübo nangde alarü, Jakob, Peter, tüsho Johan arünü ha adungto rhimo Thrünpuhnü I kilim jih-a lah de kheahkhit; jumonü isa rungachihrü ah dükhi amütsan arünü Barnaba le I kheak salüm thsü. Barnaba le I khiungkerü bolung tüsho arünü Jihudarü bolung rhimopü isanü mulungachih.

GALATIA 2:9 Iomraidhean Croise

2 KIULONG THSÜRÜ 10:15

Küyimki api ju chingnü atsokhea, apinü Rekab tsührü Jehonadab anihbuh shorupü arükhi shoru; apinü anihbuh ki salüm jih tüsho api ki tha, “Inü nü kheak thiyuro lakhi nangde nü mulong I kheak thiyuro la shi?” Jehonadabnü alo, “Ju ruk ah.” Jehunü tha, “Ju ruk a sho, nü khah I kilim jihang.” Jumonü apinü anihbuh kilim akhah jih. Jehunü api anihbuh lung khoralolungbe ching bekih.

MATHI 16:18

Tüsho nü Peter ah de inü nü ki thachoh, ha lung kheak inü I borü thrünkihbah, tüsho thsümüchipung chipiripitbonü ju mazhihkhuk.

LUKNÜ ATHRÜTKHI THIYUSHEAK-ATSÜ HUHTANYU 22:8

Tüsho apinü Peter le Johan yüshihde tha, “Yüang tüsho isanü atsühpü thsüde phunghothünio isa thsungkheak thsakhamamg.”

JOHAN 1:42

Tüsho apinü anihbuh Jisu kilim bedarü. Küyimki Jisunü api kheak kheahkhea, apinü tha, “Nü a Jona tsührü Simon ah. Nü Kephas de ajihbah (amütsan Lung Khülang).”

YUNIRÜBO RHIMO 12:17

Tüshe apinü arü ki malanpü akhah niukde thabah, künangde Atungpuhnü rihyam chingnü api bekhitkheanü kheana huh. Tüsho apinü tha, “Ha Jakob tüsho keoniorü ki thaang.” Jushu apinü chamachih tüsho püpü lim yü.

YUNIRÜBO RHIMO 15:13

Anenü athakham dunglim, Jakobnü alo, “Keoniorübo, I ki aniang.

YUNIRÜBO RHIMO 15:7

Tüsho khide atsangachih dunglim, Peternü zhipbah arü ki tha, “Keoniorübo, khiungkerü ki thiyusheak atsü thsangyuthsangrade arünü sobah akinpü thsüde Thrünpuhnü adüsonü nüsa bolungnü I mokhitdo de nüsanü mükheahlah.

YUNIRÜBO RHIMO 4:36

Junangde amüsüh-thsangyurübonü Barnaba (amütsan, mulong toshihkhi tsührü), Saipra chingnü azübekhi Levirü Josepnü

ROMRÜ KILIM PAULNÜ ATHRÜTKHI KIHÜM HUHTANYU 1:5

shepü hode isanü amüthsüm tüsho api mung ching trükshih alala bolung akin ching mihyuanipü amüsüh-thsangyurü thsüpü leangkhikhea,

ROMRÜ KILIM PAULNÜ ATHRÜTKHI KIHÜM HUHTANYU 12:3

Tümütüsho I kilim jih-a lakhi amüthsüm hode inü nüsa aban ki thachoh: Nü thülünkhi kheaknü nü küdahnü khide changde dülüm, tüshe Thrünpuhnü nü kilim jihkhi akin ayannü athülün atsüngalimnü lümang.

ROMRÜ KILIM PAULNÜ ATHRÜTKHI KIHÜM HUHTANYU 15:15

Tüshe ju yubo dünkheak lang lümkhitloshihde khide mulong tode inü nüsa kilim thrütdo, tümütüsho Thrünpuhnü I kilim amüthsüm jihkhi hode

1 KORINT 15:10

Tüshe Thrünpuh amüthsüm hode tümü lanü I ah, tüsho I kilim api amüthsüm akeangkeang mülakheah. Tüshe arü kheaknü inü amürangbe rhimo, ju inü yung, tüshe I lung lakhi Thrünpuh amüthsümnü ah.

2 KORINT 11:5

Tüshe “adungto amüsüh-thsangyurü” bolung I aninibe ah de inü mülümchoh.

2 KORINT 12:11

I makharü lakheah, tüshe ju nüsanü akamshihkheah. Tümüde nüsanü I shijihpü lakheah; tümütüsho I tümü mükama lalashe harü “adungto amüsüh-thsangyurübo” ki I aninibe yungde alakheah.

2 KORINT 8:4

junangde akinrübo rungpü ching shihcham lupü arünü zuknukde isa ki mushu.

GALATIA 1:16

inü khiungkerü bolung api thsangyuthsangrapü api tsührü I kheak akhiukpü lakhea, inü mihtsürü ki keokhikeorapü müniokheam,

GALATIA 1:18

Jushu kam mahsam dunglim Kephas rhua kheahpü I Jirusalem lim wutu, tüsho api lung nimung thürükheak phüngü mung.

GALATIA 2:1

Jushu kam thürükheak phüyi dunglim I lung Tita bebah Barnaba lungnü Jirusalem lim wutu.

GALATIA 2:2

Tüsho amikheak akhiukkhi hode I wutu, tüsho inü khiungkerü bolung thsangyuthsangrakhi thiyusheakatsü, I akeangkeang ching rhimode yungsho rhimoa labah mütsüle de limberübo ki mükhingde thanaka huh.

GALATIA 6:3

Tümüde khürünü tümü mülade api ju tümüanü ah de lümsho, apinü küdah thsüde mülapyukchoh.

EFISIA 2:20

amüsüh-thsangyurübo tüsho wukihrübo khimtan tüsho Jisu Khrista amühit-lung kheak thsükihkhi,

EFISIA 3:8

Amüsührü bolung alala kheaknü I aninibe thsüa lalashe, khiungkerü kilim müyimkhitkhukbe Khrista lakhit, ha amüthsüm I kilim jihdo,

KOLOSI 1:29

Khristanü ajihkhi sühmüh tüsho I kheak rhimode alakhinü inü ha rhimochoh tüsho mürangchoh.

1 TIMOTHI 3:15

I ashua lasho, thiyuro dungjing tüsho aduhlobe, Thrünpuh borü, Thrünpuh yamkhün ching nüsanü künangde yakli labeanü amükheahbah.

1 JOHAN 1:3

nüsanü isa lung arihakode alapü thsüde isanü angükhi tüsho asokhi nüsa ki she zhiyuk; tüsho isa arihako ju Abuh tüsho atsührü Jisu Khrista kheak lah.

AMIKHEAKAKHIUKKHI 3:12

Shepünü akuk ngüchonü, inü I Thrünpuh arüngyam ching dungto kamshihbah; küyimkishe api yu chingnü muwukhiuk, tüsho inü api kheak I Thrünpuh mung, tüsho yinmi chingnü akikhi Jirusalem aso I Thrünpuh kiuto mung tüsho I mung aso thrütkihbah.