GALATIA 2:2 - AMÜSÜH HÜM CL Bible (BSI)

² Tüsho amikheak akhiukkhi hode I wutu, tüsho inü khiungkerü bolung thsangyuthsangrakhi thiyusheakatsü, I akeangkeang ching rhimode yungsho rhimoa labah mütsüle de limberübo ki mükhingde thanaka huh.

GALATIA 2:2 Iomraidhean Croise

T H S AN GYU T H S AN GR ARÜ 10:1

Ashekhi somünaknü arhümthüneabe arhüm mükede kamshihchoh, junangde aninikhüh makhakhinü lümlung tüsho akinashu lakphüneanchoh.

MATHI 10:16

“Kheahang, inü nüsa rimre bolung namfimihnubo nangde yüshihchoh. Jumonü phuruto nangde lümlung laang tüsho müthrithrümpü nangde lümlang thsang.

YUNIRÜBO RHIMO 15:12

Tüsho amukhungrü alalanü zhikde la, tüsho Thrünpuhnü ane hode khiungkerü ki amüyinsahbe le khinthiyinbebo rhimokhi thiyusheak jihchoki arünü Barnaba tüsho Paul ki ani.

YUNIRÜBO RHIMO 15:2

Ha hode Paul le Barnaba bünenü arü ki atsangachihpü kam. Jumonü ha keokhikhi dünkheaknü Jirusalem ching wutubah amüsüh-thsangyurü le azothsürübo shorupü akinrübo püpürü lungnü Paul tüsho Barnaba ane mokhit.

YUNIRÜBO RHIMO 15:4

Küyimki ane Jirusalem ching arükhea, borü tüsho amüsühthsangyurü le azothsürübonü ane leangkhi, tüsho Thrünpuhnü arü kheak rhimokhi alala thaa huh.

YUNIRÜBO RHIMO 18:9

Tüsho tsüngre khülang Atungpuhnü Paul ki michih chingnü tha, “Dütre, tüshe asukang tüsho zhikde düla;

YUNIRÜBO RHIMO 23:11

Ju tsüngre Atungpuh api ki zhipbah tha, “Mulong toang, tümüde nünü Jirusalem ching I dünkheak thiyumütsan jihdo, junangde nünü Rom ching she thiyumütsan thsübah.”

YUNIRÜBO RHIMO 5:34

Tüshe kiuthsü-binkiu ching mihtsürü alalanü wüntre jihkhi yakzan thsangyurü amung Gamalielnü zhip tüsho mihtsürübo ju anükhühkheak wungdo bekhitpü thiyukhüm jih.

ROMRÜ KILIM PAULNÜ ATHRÜTKHI KIHÜM HUHTANYU 9:16

Jumonü mihtsürü lümkhi tüsho mürangkhi kheak yung tüshe Thrünpuh mihmüthsüm kheak lah.

1 KORINT 1:23

tüshe isanü a Jihudarü ki jingmükhebe tüsho khiungkerü ki makhakhi, Khrista yümkihkhi thsangyuthsangrachoh,

1 KORINT 2:2

Tümüde Jisu Khrista tüsho api yümkihkhi kheak hode inü nüsa bolung tümü mükheahpü mupungkhi.

1 KORINT 9:24

Alihachihkhi ching alihrü alalanü alihchoh, tüshe khülangnü lang thsambah ngüchoh de nüsanü mümükheah de? Thsambah ngüpü thsüde alihang.

1 KORINT 9:26

Jumonü lümkhi müladüa malihchoh, khürünü apung ching shangkhi nangde inü müshangchoh;

2 KORINT 12:1

Alü thsüpü tümü mülalashe inü akükheangpü lah; tüshe inü Atungpuh michihbo tüsho amikheak akhiukkhibo thaanü.

GALATIA 1:12

Tümüde inü ju mihtsürü kilimnü müleangkhi, yungsho I ki müthsangyu, tüshe Jisu Khrista amikheak akhiukkhi hode arü.

GALATIA 1:16

inü khiungkerü bolung api thsangyuthsangrapü api tsührü I kheak akhiukpü lakhea, inü mihtsürü ki keokhikeorapü müniokheam,

GALATIA 1:6

Khrista amüthsüm ching nüsa jibuh nahde bahkhibah püpü thiyusheak-atsü lim tsokhi inü müyinsahchoh–

GALATIA 2:6

Sherü adungto nangde lanü, arü küruk küruk lalashe I kheaknü tümü büthsüde müla; Thrünpuhnü aleanglim kheahde mahmükhapchoh–jurü mihtsürübonü I athsunganah aso tümü she müjih.

GALATIA 2:9

Limberübo nangde alarü, Jakob, Peter, tüsho Johan arünü ha adungto rhimo Thrünpuhnü I kilim jih-a lah de kheahkhit; jumonü isa rungachihrü ah dükhi amütsan arünü Barnaba le I kheak salüm thsü. Barnaba le I khiungkerü bolung tüsho arünü Jihudarü bolung rhimopü isanü mulungachih.

GALATIA 5:7

Nüsa tsüde rhimode alakheah; shepünü nüsa thiyuro anipü chingnü tukloshihkhea?

FILIPI 2:16

rhangdung yu kheak düngde aramrihbah, junangde Khrista nimung ching I akeangkeang ching malih yungsho akeangkeang ching mükhisah de inü akükheangbah.

FILIPI 2:29

Jumonü Atungpuh lung asühde api leangkhiang; tüsho hadürü mihtsürü ki wüntre jihang,

1 TESALONIKA 3:5

Ha dünkheaknü, küyimki inü marümkhukde akamkhea, rükakirünü nüsa rükakide tüsho isa khisahkhi akeangkeang kambah de lümbah inü nüsa akin mükheahpü thiyikheah.

2 TIMOTHI 4:7

Inü thirithsü atsü keochihdo, inü alihkhi bando, inü akin zodo.

IBRI 12:1

Jumonü boto ato thiyumütsanbonü isa mükamdoa lale, isa kheak kapkihde arükhi limkhudo tüsho neak bahkhianü, tüsho mikhuh lümkihbah alihanü.