GALATIA 1:8 - AMÜSÜH HÜM CL Bible (BSI)

⁸ Tüshe isa, yungsho yinmi ching yunirü thsüthsü, isanü thiyusheakatsü thsangyuthsangrakhi kheaknü püpü thiyusheak-atsü nüsa ki thsangyuthsangrasho, api muthrumüneanshang.

GALATIA 1:8 Iomraidhean Croise

THRÜNTAN 9:25

Apinü tha, “Kanan muthrumünean thsang; api keoniorübo ki akheamkhibe azhorü thsübah.”

1 KIULONG THSÜRÜ 13:18

Judüki wukihrü awünbuhnü alo, “Nü nangde I she wukihrü ah, tüsho Atungpuh yu hode yunirü khülangnü I ki tha: Api nü lung belobah nü yam ching arang, junangde apinü jim tsühbah tüsho ke yungbah.” Tüshe apinü anihbuh ki akeangyu thade alakheah.

NEHEMIA 13:25

Inü athruajide mihtsürübonü küyimkishe khiungkeberü ki müyihlushihpü Thrünpuh mung chingnü thiyuchihchim lushih.

JEREMIA 23:16

Wuto Atungpuhnü ha thachoh: Nüsa ki müchitrü wukihrübo yu dani; arünü nüsa bemüchihchoh. Arünü nihbuh lümkhi michih asukchoh, Atungpuh mün chingnü yung.

JEREMIA 23:36

Tüshe “Atungpuh müchityu” de arünü kheaküa dütha, tümüde müchityu ju mihbüm aban yubo lah, tüsho junangde nüsanü Wuto Atungpuh isa arhang Thrünpuh yu thamüchihchoh.

MATHI 25:41

“Judüki apinü huzulim larü ki thabah, ‘Nüsa arimri tüsho api yunirübo khilim thsakhamkhi akheam müla motru ching muthrumüneana bahrübo, I kinü tsoang:

MARK 14:71

Tüshe apinü athruajipü tüsho thiyuchihchimpü tankih, “Nünü athakhi mihtsürü inü mümükheah!”

YUNIRÜBO RHIMO 23:14

Tüsho arünü amükeam putungrübo tüsho azothsürübo kilim yübah tha, “Isanü Paul mülaksahyikia mütsühyungpü thiyuchihchima lah.

ROMRÜ KILIM PAULNÜ ATHRÜTKHI KIHÜM HUHTANYU 16:17

Keoniorübo, nüsa ki thsangyukhi akin-yakzan azhihde achamnak tüsho küpkhuk rhimorü mütsanpü nüsa ki tuthsukchoh; arü kheaknü chamkhiang.

ROMRÜ KILIM PAULNÜ ATHRÜTKHI KIHÜM HUHTANYU 9:3

Tümüde I keoniorü, I buhtsührü, I mihtsürü dünkheaknü I muthrumüneana tüsho Khrista kheaknü chamkhia lah de inü lüm.

1 KORINT 12:3

Jumonü shenü she Thrünpuh Me hode atharünü a, “Jisu muthrumüneanshang,” de müthachoh tüsho Amüsüh Me hode yungsho shenü she, “Jisu ju Atungpuh,” de müthachoh de nüsanü anikhitshihnelah.

1 KORINT 16:22

Khürü Atungpuh thsungkheak amuzho mülasho, api muthrumüneanshang. O Atungpuh, arang!

GALATIA 1:9

Isanü püpüki thakhi nangde, kheaküshe inü thalochoh, nüsanü leangkhikhi kheaknü püpü thiyusheak-atsü khürünü nüsa ki thsangyuthsangrasho, api muthrumüneanshang.

GALATIA 3:10

Yakzan rhimo kheak angükihrü alala muthrumünean khüp lah, tümüde ha thrüta lah: “Yakzan hüm ching thrütkhi yande mülarü tüsho ju mürhimorü aban muthrumünean thsang.”

GALATIA 3:13

Isa thsungkheaknü muthrumünean kamde yakzan muthrumünean chingnü Khristanü isa rhokhit, tümüde ha thrüta lah: “Shepü sangdung kheak zhinbanü muthrumünean.”

TITA 3:10

Achamnak akhiukshih mihtsürü ki mahne ki düh de thaang, tüshe jushu a api kheak tümü düthsü.

JIHUSUA 9:23

Nüsanü ha rhimokhi hode Thrünpuhnü nüsa muthrumüneando. Nüsa mihtsürübo lünnü sang yihde tüsho Thrünpuh arüngyam thsungkheaknü ke khipde azhorü thsübah.”

2 PETER 2:14

Mükbo yüliyüranü mide, neak yihbeakpü mutuklo; reangmüzahkhi mihtsürübo arünü münityukchoh. Arü mulongbo mükhütmürapü thsükhita lah. Arübo muthrumünean khüp lah!

1 SAMUEL 26:19

Jumonü kheakü I tungpuh kiulongthsüpuhnü api yamlarü yu sojang. I kheak azhihde bukakhiukkhi ju Atungpuh hode thsüa lasho, apinü kingaün leangkhishang; tüshe ha mihtsürünü thsüa lasho, Atungpuh muthrumünean arü kheak yükihshang. Tümüde arünü khihni Atungpuh yamrüplurüp I shihcham chingnü yankhita bahde tha, ‘Yüang, püpürü thrünpuhbo tankihang.’