GALATIA 1:7 - AMÜSÜH HÜM CL Bible (BSI)

⁷ dükdüa püpü thiyusheak-atsü müla, tüshe nüsa küpkhuk jihpü tüsho Khrista thiyusheak-atsü bephülappü khürü lah.

GALATIA 1:7 Iomraidhean Croise

JEREMIA 23:26

Wukihrübonü arü lümkhi akeangyu müchitkhi akeangyu wukihrü mulong ching külokhüh laba?

JEREMIA 23:36

Tüshe “Atungpuh müchityu” de arünü kheaküa dütha, tümüde müchityu ju mihbüm aban yubo lah, tüsho junangde nüsanü Wuto Atungpuh isa arhang Thrünpuh yu thamüchihchoh.

MATHI 24:24

Tümütüsho arükchih Khristabo tüsho arükchih wukihrübo akhiukbah tüsho kuksho amokhitrü she bede mülapyukpü amütsan atobe tüsho amüyinsahbebo rhimobah.

YUNIRÜBO RHIMO 13:10

tüsho tha, “Nü arimri tsührü, akeangyu tüsho mülapmüjinü mide alakhi thiyurolungkirü alala riri, nünü Atungpuh limro khürangshihpü mutukloba de?

YUNIRÜBO RHIMO 15:24

Isanü müthiyide isa bolungnü khürü wukhiukbah arü yu thakhinü nüsa lümkhi thsümünimde küpkhuk jihdo de isanü sodo.

YUNIRÜBO RHIMO 20:30

tüsho nüsa bolungnü she akeangyu thaa akinrübo arü dunglim yüshihpü mihtsürü akhiukbah.

2 KORINT 11:13

Tümüde hadürü mihtsürübo ju arükchih amüsüh-thsangyurübo, mülapyukrübo, Khrista yo amüsühthsangyurübo de müthria huhchoh.

2 KORINT 2:17

Tümüde isa a püpürü ahihkhüh nangde Thrünpuh yu yinzüyindochoh yung; tüshe adüngakhide, Thrünpuh kilimnü, isanü Khrista ching Thrünpuh miki asukchoh.

2 KORINT 4:2

Ju müthri isanü müyima lakhi tüsho achihbe limrobo bahkhido; isanü mümülapmüji yungsho Thrünpuh yu arükchih mükamshih. Tüshe thiyuro thakhi ching Thrünpuh miki, mihtsürü aban ki isa tsülah dükhinü lah.

GALATIA 1:6

Khrista amüthsüm ching nüsa jibuh nahde bahkhibah püpü thiyusheak-atsü lim tsokhi inü müyinsahchoh–

GALATIA 2:4

Arükchih keoniorü khürünü isa rukhüh ah de thsübah Khrista ching isa zuzu lakhi yimkhitpü tüsho isa azhorü kamshihpü rhimokhi dünkheaknü hadürü akhiukkheah.

GALATIA 4:17

Mihtsürübonü nüsa kheak khide tsülah, tüshe atsü thsungkheak yung; arünü nüsa bekhibah arü kheak tsüshihnelah.

GALATIA 5:10

Nüsanü püpü lümkhi müthsüpü inü Atungpuh kheak mulongram lah. Nüsa yingyingshihbuh ju shepü shepü thsüthsü she Atungpuhnü thsümüchibah.

GALATIA 5:12

Nüsa kipathsük jihrü ju inü a khapthumunga bahshihnelah.

GALATIA 6:17

Kheakünü rünbah mihtsürü shenü she I küpkhuk düjihshih; tümüde inü I pang kheak Jisu yo areakbo hanlah.

2 TIMOTHI 2:18

Arünü thiyuro limro bahdo tüsho isa arhang kamlopü dünjiabahdo de athakhinü khürü akin thsümünimjihchoh.

1 JOHAN 2:26

Sherünü nüsa mülapyukpü lanü ju dünkheak inü nüsa ki thrütchoh;

1 JOHAN 4:1

Amuzho müyamrübo, me alala kheak dükin, tüshe mebo ju Thrünpuh kilimnü a shi yungnü rükakheahang; tümüde arükchih wukihrübo ahihdo alomi ching akhiukdo.

2 JOHAN 1:10

Khürü nüsa kilim arübah ha kingaün-yakzan hande marüsho, api thüyam ching dübeyuk yungsho api ki salüm düthsü;

2 JOHAN 1:7

Jisu Khrista mihtsürü kambah arükhi müleangkhipü lakhi mihtsürübo, mülapyukrü ahihdo alomi ching wukhiukdo; hadürü ju mülapyukrü tüsho Khrista azhihrü ah.

JUDNÜ ATHRÜTKHI KIHÜM HUHTANYU 1:4

Tümüde adüso ha abahyukkhi ching mütsana lakhi, amükinrü, Thrünpuh amüthsüm makhamaleak kamshihrü tüsho Atungpuh Thrünpuh tüsho Atungpuh Jisu Khrista reanglorü mihtsürü khürü mümükheahshihde azah-a lah.

AMIKHEAKAKHIUKKHI 12:9

Tüsho dragon ato, ju jipü phuruto, Amünean tüsho Arimri de ajikhi, alomiküp athrünkhi mülapyukbuh ju api lung anihbuh yunirübo bede alomi ching jipkhia bah.

AMIKHEAKAKHIUKKHI 13:14

khinthiyinbebo hode akhuhbe shiwüh thsung thsüde apinü arhimopü wu jih-a lakhinü, apinü alomi kheak larü mülapyuk. Nukshangnü yuribah arhang lakhi shiwüh wüntre jihde mejak khülang thsüpü arü ki thiyukhüm jih.

AMIKHEAKAKHIUKKHI 19:20

Tüshe shiwüh tüsho api lung anihbuh thsung thsüde khinthiyinbebo rhimokhi arükchih wukihrü bede ram. Harü amütsanbo hode apinü shiwüh amütsan leangkhirü tüsho api mejak kingaünrü rükyukkheah. Ane ju arhangnü modüjim ching jipyuk.

AMIKHEAKAKHIUKKHI 2:2

“‘Inü nü rhimobo, nü khuksahkhi, nü arümkheamkhi, tüsho nünü amütsü mihtsürü ki marümkhukkhi tüsho arü küdahnü amüsüh-thsangyurü de ajirü rükakheahkhi mükheahlah, tüshe arübo a yung, tüsho arü arükchih ngükhitdo.

AMIKHEAKAKHIUKKHI 2:20

Tüshe inü nü azhihde ha lah: Anihbe küdahnü Thrünpuh yunirü ah de jia lukhi Jezebel kheak arümkheamchoh. Anihbe thsangyukhinü I tankihrübonü müzammüram rhimoshihde tüsho sangthsübo ki kingaünkhi tsühyungbe tsühshihde bemüchihdo.

AMIKHEAKAKHIUKKHI 2:6

Tütüshe nü ha lah, inü she thraneande alakhi Nikolaitarü rhimobo nünü thraneanlah.

AMIKHEAKAKHIUKKHI 20:3

tüsho trükshihbo mümülapyukshihpü thsüde api ju alokhünbit ching jipyukbah rih tüsho yümdo. Ju dunglim api ju anükhüh thsungkheak dükhepü lah.