GALATIA 1:6 - AMÜSÜH HÜM CL Bible (BSI)

⁶ Khrista amüthsüm ching nüsa jibuh nahde bahkhibah püpü thiyusheak-atsü lim tsokhi inü müyinsahchoh–

GALATIA 1:6 Iomraidhean Croise

MUNGSHIKHÜN 106:13

Arünü nahde api rhimobo mih; arünü api lümthiyan maleang,

ISAIA 29:13

Atungpuhnü tha: Tümütüsho harü mihtsürünü arü münnü phünide arüchoh tüsho arü münküpnü I wüntrechoh, tüshe arü mulong a I kheaknü limshulah, tüsho arü kingaünkhi ju mihtsürü yukhüm lümkangyunü anikhitkhi lah;

MARK 6:6

Arü mükinkhi dünkheak apinü müyinsah. Jushu apinü kiulongbo ching thsangyude mükamde yü.

JOHAN 9:30

Mihtsürü junü arü ki alo tüsho tha, “Tümü thsükhi, api küchingnüanü nüsanü mümükheah dükhi ju amüyinsahbe ah, tütüshe apinü I mükbo khimshuhjih!

YUNIRÜBO RHIMO 15:11

Arü nangde, Atungpuh Jisu amüthsüm hode isa khümkhitbah de isanü kinlah.”

ROMRÜ KILIM PAULNÜ ATHRÜTKHI KIHÜM HUHTANYU 10:3

Tümütüsho arünü Thrünpuh kilimnü arükhi thiyuro-lungki mümükheahde arü küdahnü arhimopü yim, jumonü arünü Thrünpuh thiyuro-lungki lim mümükhüm.

ROMRÜ KILIM PAULNÜ ATHRÜTKHI KIHÜM HUHTANYU 5:2

Akin hode apinü kheakü isa zhipde alakhi amüthsüm ching isa bedarü. Tüsho Thrünpuh müretah mulonglam ching isa asühachihchoh.

ROMRÜ KILIM PAULNÜ ATHRÜTKHI KIHÜM HUHTANYU 8:28

Api lümkhi yande jia larü, apinü amuzhorü ki lüpdükhi ching Thrünpuhnü atsü thsungkheak rhimochoh de isanü mükheahlah.

ROMRÜ KILIM PAULNÜ ATHRÜTKHI KIHÜM HUHTANYU 8:30

Tüsho apinü mokhita larü apinü ji; tüsho apinü jia larü alim mütsanjih; tüsho apinü alim mütsanjih-a larü apinü müretahshih.

1 KORINT 4:15

Tümüde Khrista ching nüsa aheangrü mükhebinkhi lalashe, nüsa abuh hihde müla. Tümütüsho thiyusheak-atsü hode Jisu Khrista ching I nüsa abuh kamdo.

2 KORINT 11:4

Tümüde khürünü arübah isanü thsangyuthsangrakhi Jisu kheaknü püpü Jisu thsangyuthsangrasho, yungsho nüsanü leangkhikhi kheaknü püpü me leangkhisho, yungsho nüsanü leangkhikhi kheaknü püpü thiyusheak-atsü leangkhisho, nüsanü thülihkhürado ju khüp laabahbah.

2 KORINT 2:17

Tümüde isa a püpürü ahihkhüh nangde Thrünpuh yu yinzüyindochoh yung; tüshe adüngakhide, Thrünpuh kilimnü, isanü Khrista ching Thrünpuh miki asukchoh.

GALATIA 1:11

Tüshe keoniorübo, inü thsangyuthsangrakhi thiyusheak-atsü ju mihtsürü yo yung de inü nüsa ki mükheahshihnelah.

GALATIA 1:15

Tüshe küyimki api amüthsüm hode I be buk chingnü I mokhitde ajibuh Thrünpuh asühkhinü,

GALATIA 1:7

dükdüa püpü thiyusheak-atsü müla, tüshe nüsa küpkhuk jihpü tüsho Khrista thiyusheak-atsü bephülappü khürü lah.

GALATIA 2:14

Tüshe küyimki arünü thiyusheak-atsü thiyuro dünkheak langde mütsahkhi inü angükhea, inü arü alala mikinü Peter ki tha, “Nü Jihudarü thsübah khiungkerü nangde lachoh tüsho Jihudarü nangde yung, dale küde thsah nünü khiungkerü ju Jihudarü nangde alashihkhukpü?”

GALATIA 2:2

Tüsho amikheak akhiukkhi hode I wutu, tüsho inü khiungkerü bolung thsangyuthsangrakhi thiyusheakatsü, I akeangkeang ching rhimode yungsho rhimoa labah mütsüle de limberübo ki mükhingde thanaka huh.

GALATIA 2:5

Nüsa kheak thiyusheak-atsü thiyuro mutukzhakde alashihpü thsungkheaknü kim anükhüh thsungkheak lang she isanü arü ki manijih.

GALATIA 2:7

Ju müthri, Jihudarü kilim Peter yükhi nangde, khiungkerü ki thiyusheak-atsü thsangyuthsangra rhimopü I thiyikhi arünü ngü.

GALATIA 5:14

Tümüde yakzan alala thiyu khülang ching tharüplah, “Nünü nü yamhingrü ki nihbuh nangde muzhoang.”

GALATIA 5:4

Nüsa shepünü yakzan hode alim thsüpü mürangchonü Khrista kheaknü limshudo; amüthsüm chingnü nü chamkhide tsodo.

2 TESALONIKA 2:14

Nüsanü isa Atungpuh Jisu Khrista müretahkhi ngüpü thsüde isanü thsangyuthsangrakhi thiyusheak-atsü hode nüsa ha ching jikheah.

1 TIMOTHI 1:14

Jisu Khrista ching akin tüsho amuzho kheak khiode Atungpuh amüthsüm I kheak suhdahde dungkihjih.

1 TIMOTHI 1:3

I Macedonia lim yüde alachoki nü ki tuthsukkhi nangde inü nü Efisia ching lashihnelah. Ju ching mihtsürü khürünü arükchih kingaünyakzan thsangyuchoh tüsho nünü arü tukloshihpü thiyukhüm jihbeah,

2 TIMOTHI 1:9

shepünü isa khümkhit, tüsho amüsüh jikhi ching isa jikhea, isa rhimobo dünkheaknü yung, tüshe api lümkhi tüsho adüso kambo ching Jisu Khrista hode apinü isa kilim jihkhi amüthsüm dünkheaknü,

2 TIMOTHI 2:1

Jumonü I tsah-a, Jisu Khrista kheak lakhi amüthsüm ching düküngang,

1 PETER 1:15

tüshe nüsa jibuh amüsüh a le, nüsa rhimo alala ching amüsüh laang;

2 PETER 1:3

Api müretah tüsho atsünü isa jibuh isanü mükheahkhi hode isa rhangdung thsungkheak yihnüpü lakhi tüsho kinde alapü api amüsüh wunü lüpdükhi isa kilim jih.

AMIKHEAKAKHIUKKHI 22:21

Atungpuh Jisu amüthsüm amüsührü alala lung laang. Amen.