GALATIA 1:13 - AMÜSÜH HÜM CL Bible (BSI)

¹³ Tümütüsho inü Thrünpuh borü münchi hode thsümüchi tüsho ju thsümünimpü mürangkhi, Judea ching adüso I rhimo nüsanü sodo.

GALATIA 1:13 Iomraidhean Croise

YUNIRÜBO RHIMO 8:1

Tüsho api shekhi ju Saulnü mülüjih-a lakheah. Tüsho ju nimung Jirusalem ching borü azhihde thsümüchi ato akhiuk; tüsho amüsüh-thsangyurübo kheak hode, arü alala Judea tüsho Samaria lomibo ching müzütabah.

YUNIRÜBO RHIMO 8:3

Tüsho Saulnü borü thsümünimpü tankih. Athrürü tüsho aliberübo thüyam chingnü yankhita rihyam ching jih.

YUNIRÜBO RHIMO 9:21

Tüsho api yu sorü alalanü müyinsah tüsho tha, “Api ju Jirusalem ching ha buh mung jirü thsümüchibuh yung de, tüsho arübo rhüka bede yünü amükeam putungrübo kilim jihpü ha ching arükhi yung de?”

YUNIRÜBO RHIMO 9:26

Tüsho küyimki api Jirusalem ching arükhea, apinü jingyanrü bolung bepü mürang; arü alalanü api tre, tümüde api ju jingyanrü khülang ah de arünü akin müla.

1 KORINT 10:32

Jihudarü, Greekrü yungsho Thrünpuh borü sheshe jing dümükheshih–

1 KORINT 15:9

Tümüde I a amüsüh-thsangyurü bolung aninibe, amüsüh-thsangyurü de ajipü müthülün, tümütüsho inü Thrünpuh borü thsümüchikheah.

FILIPI 3:6

mulong sümsüm yandüa borü thsümüchirü; thiyuro-lungki yandüa yakzan bukkhüp amudopü müla.

1 TIMOTHI 1:13

Adüso inü api athruajide, thsümüchide, tüsho mükhemükimde lalashe, inü mümükheahde tüsho mükinyide arhimokhi hode I ki mihmüthsüm huh.

1 TIMOTHI 1:14

Jisu Khrista ching akin tüsho amuzho kheak khiode Atungpuh amüthsüm I kheak suhdahde dungkihjih.